ડોલી ચાયવાલાને આજે લગભગ દરેક લોકો જાણે છે. પોતાની રંગીન સ્ટાઈલમાં ચા વેચીને લોકપ્રિય બનેલ ડોલી ચાયવાલાએ થોડા સમય પહેલા જ ભારત આવેલા માઈક્રોસોફ્ટના સ્થાપક બિલ ગેટ્સને ચા પીરસી હતી. તે બાદથી તો ડોલી વિશ્વભરમાં ફેમસ થઇ ગયો છે. અવાર નવાર ડોલી ચાયવાલાના વીડિયો વાયરલ થતા રહે છે, ત્યારે હવે ફરી એકવાર ડોલી ચાયવાલા તેના નવા વીડિયોને કારણે ચર્ચામાં છે.
આ વીડિયોમાં ડોલી ખૂબ જ મોંઘી કાર ચલાવતો જોવા મળે છે. આ કાર બીજી કોઇ નહિ પણ હજારો લોકોની ડ્રિમ કાર લેમ્બોર્ગિની હુરાકન (Lamborghini Huracan) છે. આ વીડિયો તેના ઈન્સ્ટાગ્રામ એકાઉન્ટ dolly_ki_tapri_nagpur પર પોસ્ટ કરવામાં આવ્યો છે. પોસ્ટ શેર કરતા લખવામાં આવ્યુ છે- “લેમ્બોર્ગિની હુરાકન સાથે સૌથી શ્રેષ્ઠ રવિવાર.”
ઘણા અહેવાલોમાં એવું કહેવામાં આવી રહ્યું છે કે આ કાર ડોલીની છે, પરંતુ આ વાતની પુષ્ટિ થઈ નથી કે ડોલીએ આ કાર ખરીદી છે કે નહિ. આ વીડિયોમાં ડોલી જે કાર ચલાવતો જોવા મળે છે તેની કિંમત કરોડોમાં છે. ભારતમાં લેમ્બોર્ગિની હુરાકનની કિંમત લગભગ 5 કરોડ રૂપિયા છે. આ એક સુપર સ્પોર્ટ્સ કાર છે જે ખૂબ જ પાવરફુલ એન્જિન અને લક્ઝરી ફીચર્સ સાથે આવે છે.
View this post on Instagram
