શું તમે પણ કોથળીમાં બંધ દૂધને ઉકાળીને કરો છો ઉપયોગ? તો મહેરબાની કરીને વાંચો
વધતા જતા શહેરીકરણને કારણે, ઘટતી જતી જગ્યાને કારણે માત્ર જંગલોને જ અસર નથી થઈ પરંતુ ઘરોએ પણ એપાર્ટમેન્ટનું સ્વરૂપ લઈ લીધું છે. ઘટતી જતી જમીનને કારણે હવે શહેરમાં રહેતા મોટાભાગના લોકો દૂધ માટે ગૌશાળા પર આધાર રાખતા નથી. દૂધ માટે, લોકો બજારમાં મળતા પેકેટ દૂધ પર વધુ આધાર રાખે છે. આ પેકેટ દૂધ પેશ્ચરાઇઝ્ડ હોય છે. આનો અર્થ એ છે કે દૂધનો પહેલેથી જ ઉકાળેલું હોય છે અને ઠંડુ થયા પછી તેને પેકેટમાં ભરવામાં આવે છે. ત્યારબાદ આ દૂધને પેકેટમાં ભરીને બજારમાં સપ્લાય કરવામાં આવે છે.
આવું એટલા માટે કરવામાં આવે છે જેથી દૂધ લાંબા સમય સુધી બગડે નહીં અને તેમાં બેક્ટેરિયા ન વધી શકે. પરંતુ જ્યારે આપણે બજારમાંથી દૂધ ખરીદીએ છીએ ત્યારે ઉકાળ્યા પછી જ તેનો ઉપયોગ કરીએ છીએ જેથી દૂધ બગડે નહીં. પરંતુ શું તે કરવું યોગ્ય છે? ચાલો જાણીએ કે પેકેટ દૂધનો ઉપયોગ કરવાની સાચી રીત કઈ છે…
નિષ્ણાતોના મતે, પેકેટ પેશ્ચરાઇઝ્ડ દૂધને ઉકાળવાની જરૂર નથી. વાસ્તવમાં, આ દૂધને પેક કરતા પહેલા, તેને પેશ્ચરાઇઝ્ડ કરવામાં આવે છે અને બેક્ટેરિયા મુક્ત બનાવવામાં આવે છે જેથી દૂધ લાંબા સમય સુધી ટકી રહે. જ્યારે તમે આ દૂધને ફરીથી ઉકાળો છો, તો તેમાં રહેલા પોષક તત્વો નાશ પામે છે અને દૂધ પહેલા જેટલું ફાયદાકારક નથી રહેતું.
દૂધને લાંબા સમય સુધી વાપરી શકાય તેવું રાખવા માટે, જો તમે તેને 4 ડિગ્રી તાપમાન પર રાખો, તો તે એક અઠવાડિયા સુધી વાપરી શકાય તેવું રાખી શકાય છે. પેકેટ દૂધ ખરીદતા પહેલા, તેના પેકેટ પર એક્સપાયરી ડેટ કાળજીપૂર્વક તપાસવી જોઇએ, આવું કરવાનું ના ભૂલવું જોઇએ. એક્સપાયરી ડેટ પછી પેકેટ ન લો. તે તમારા સ્વાસ્થ્યને નુકસાન પહોંચાડી શકે છે.
