આજે દેશભરમાં વધી રહેલા પેટ્રોલ ડીઝલના ભાવે દરેક વ્યક્તિને મુશ્કેલીમાં મૂકી દીધા છે, દરેક વ્યક્તિ હવે ઇંધણ ઓછું વપરાય અને પોતાનું વાહન વધુ એવરેજ આપે તેવું ઈચ્છે છે, ઘણા લોકો ઇલેક્ટ્રિક વાહન તરફ પણ આગળ વધ્યા છે, ત્યારે હાલ સોશિયલ મીડિયામાં એક દુનિયાની સૌથી નાની કારની તસવીરો વાયરલ થઇ રહી છે.
લોકો કારના ખૂબ જ શોખીન છે અને એક પછી એક અનોખા વાહનો સતત જોવા મળે છે. આજે અમે તમને દુનિયાની સૌથી નાની કાર વિશે જણાવી રહ્યા છીએ. આ કાર ચલાવનાર વ્યક્તિનું કહેવું છે કે કારની સાઈઝ જોઈને લોકો તેની મજાક ઉડાવે છે. પરંતુ આમાં પેટ્રોલની કિંમત બાકીની કાર કરતા ઘણી ઓછી છે. આ અનોખી કારનું નામ પીલ પી50 છે જે માત્ર 134 સેમી લાંબી, 98 સેમી પહોળી છે, જ્યારે તેની ઊંચાઈ માત્ર 100 સેમી છે. તેના માલિકનું નામ એલેક્સ ઓર્ચિન છે.
તે યુકેના સસક્સમાં લગભગ દરરોજ આ કારનો ઉપયોગ કરે છે. એલેક્સની ઉંચાઈ લગભગ 6 ફૂટ છે, તેથી લોકો તેને આવી નાની કારમાં બેસીને કે નીચે ઉતરતા જોઈને દંગ રહી જાય છે. મોટાભાગના લોકો તેની નાની કારની મજાક ઉડાવે છે, પરંતુ એલેક્સનું કહેવું છે કે તે તેની કારની માઈલેજથી ઘણો ખુશ છે.
આ કાર 4.5 હોર્સપાવર એન્જિનથી સજ્જ છે અને તે એક લિટર પેટ્રોલમાં 42 કિમી સુધી ચલાવી શકાય છે. પીલ એન્જિનિયરિંગ નામની કંપની આ કારનું ઉત્પાદન કરે છે. પહેલા આ કાર 1962 અને 1965 ની વચ્ચે બનાવવામાં આવી હતી, બાદમાં 2010થી તેનું ઉત્પાદન ફરી શરૂ કરવામાં આવ્યું છે.
એલેક્સ કહે છે કે તે દરેક રસ્તેથી પસાર થાય છે, લોકો તેને જોવા માટે વળે છે, જેનું કારણ તેની કાર છે. 2010માં આ કારને વિશ્વની સૌથી નાની કાર જાહેર કરવામાં આવી છે અને કારનું નામ ગિનિસ બુક ઓફ વર્લ્ડ રેકોર્ડમાં દાખલ કરવામાં આવ્યું છે. આ કાર સાઈઝમાં આટલી નાની હોવા છતાં તેની કિંમત તમને આશ્ચર્યચકિત કરી દેશે.
એલેક્સે જણાવ્યું કે નવા P50ની કિંમત 84 લાખ રૂપિયાથી વધુ છે, તેથી જ તેણે સેકન્ડ હેન્ડ P50 ખરીદી છે. તેની મહત્તમ સ્પીડ 37 કિમી પ્રતિ કલાક છે અને આ સ્પીડ સાથે એલેક્સે ગયા વર્ષે જ આ કાર સાથે આખા બ્રિટનનો પ્રવાસ કર્યો છે. આ કાર વન સીટર છે, જેમાં સૂટકેસ રાખવાની જગ્યા નથી. પરિણામે, એલેક્સે સ્ટીયરિંગની એક બાજુએ તેના પગને ગોઠવવા પડે છે.
