રેલવે ટ્રેક ઉપર અને રેલવે સ્ટેશન ઉપર સાવચેતી રાખવી ખુબ જ જરૂરી હોય છે, નહિ તો દુર્ઘટના પણ સર્જાઈ શકે છે. ઘણા લોકો રેલવે સ્ટેશન ઉપર લસગેલા ફૂટ બ્રિજનો ઉપયોગ કરવાના બદલે એક બાજુથી બીજી બાજુ જવા માટે ટ્રેક ઉપર ઉતરતા હોય છે અને ઘણીવાર ફાસ્ટ ટ્રેન આવી જતા તેમનો જીવ પણ ચાલ્યો જતો હોય છે. હાલ આવી જ એક ઘટના સામે આવી છે, જેમાં રેલવે કર્મચારીની કુશળતાના કારણે એક મહિલાનો જીવ બચી ગયો.
યુપીના ફિરોઝાબાદના શિકોહાબાદ રેલ્વે સ્ટેશન પર એક મહિલાના ડરામણા કૃત્યએ બધાને ચોંકાવી દીધા. હકીકતમાં મહિલાનો જીવ ત્યારે મુશ્કેલીમાં મુકાઈ ગયો જ્યારે તે રેલવે ટ્રેક ક્રોસ કરીને પ્લેટફોર્મ પર ચઢવાનો પ્રયાસ કરી રહી હતી. દરમિયાન રેલવે લાઇન પર એક સુપરફાસ્ટ ટ્રેન દેખાઈ. ટ્રેનને જોઈને ઈન્સ્પેક્ટર ટુંડલા આરપીએફના જવાન મહિલાને બચાવવા દોડ્યા અને મહિલાને ખેંચીને પ્લેટફોર્મ પર લઈ ગયા. જેનાથી મહિલાનો જીવ બચાવી શકાયો.
આરપીએફ જવાનની આ બહાદુરીનો સીન સીસીટીવીમાં કેદ થયો છે, જે વાયરલ થઈ રહ્યો છે. વાયરલ વીડિયોમાં રેલવે સ્ટેશન પર પ્લેટફોર્મ નંબર 2 પાસે એક મહિલા મુસાફર લાઇન ક્રોસ કરી રહી હતી. ત્યારે સામેથી રાજધાની સુપરફાસ્ટ એક્સપ્રેસ ટ્રેન આવતી જોવા મળી. ટ્રેનને નજીક આવતી જોઈ મહિલાએ તેને બચાવવા માટે બૂમો પાડવાનું શરૂ કર્યું. આ જોઈને ચીફ સ્ટાફ વેલ્ફેર ઈન્સ્પેક્ટર ટુંડલા અને આરપીએફના જવાનોએ કોઈક રીતે દોડીને મહિલાને પાટા પરથી ખેંચીને તેનો જીવ બચાવ્યો હતો.
शिकोहाबाद रेलवे स्टेशन की ये तस्वीर है। एक महिला को रेल कर्मचारी राम स्वरुप मीणा जी ने बड़ी मुश्किल से बचाया क्योंकि महिला ने ट्रेन को अपनी जान का नजराना दो बार पेश करने की कोशिश की। देखिए कैसे?? pic.twitter.com/eIy31Qzklp
— Ravish Ranjan Shukla (@ravishranjanshu) September 10, 2022
જો કે આ પછી પણ મહિલાને પોતાની ચિંતા નહોતી. તેણીએ ફરી એકવાર ટ્રેકની નજીક છોડી દીધી હતી તે પાણીની બોટલ લેવા માટે નીચે ઝૂકી. પરંતુ, ફરીથી તે બચી ગઈ. આ ઘટનાથી મહિલા એકદમ ગભરાઈ ગઈ હતી અને તેણે પોતાની આંખો બંધ કરી લીધી હતી. લાંબા સમય સુધી રેલ્વે સ્ટેશન પર બેસી રહ્યા બાદ મહિલા ગંતવ્ય સ્થળે જવા રવાના થઈ હતી. આ સમગ્ર ઘટના સીસીટીવીમાં કેદ થઈ ગઈ હતી, જે હાલ સોશિયલ મીડિયા પર વાયરલ થઈ રહી છે.
