PM મોદીને લીધે થયો ચમત્કાર: વડોદરાના ડોક્ટરને પેરિસમાં હાર્ટ-એટેક આવ્યો, અધધધધ લાખનું બિલ આવ્યું પણ હોસ્પિટલે મફત કરી આપ્યું
બે દિવસ પહેલા જ પીએમ મોદીનો જન્મ દિવસ ગયો અને એ દિવસે દેશભરમાં ઘણી જગ્યાએ ઉત્સવ જેવો માહોલ પણ જોવા મળ્યો, ભારતીય જનતા પાર્ટીના કાર્યકરોએ અનોખા અંદાજમાં આ જન્મ દિવસની ઉજવણી પણ કરી. પીએમ મોદી માત્ર ભારતમાં જ નહિ પરંતુ દુનિયાભરમાં એક મોટું નામ બની ગયા છે અને તેમના નામનો પ્રભાવ ઘણીવખત જોવા મળે છે. ત્યારે હાલ એક ઘટના પેરિસમાંથી સામે આવી છે, જ્યાં પ્રધાનમંત્રી મોદીનું નામ લેતા જ હોસ્પિટલે લાખો રૂપિયાનું બિલ માફ કરી દીધું. (તસ્વીર સૌજન્ય: દિવ્ય ભાસ્કર)
જાણીને નવાઈ લાગશે પરંતુ આ હકીકત છે. પ્રાપ્ત માહિતી અનુસાર વડોદરાના રેસકોર્સ વિસ્તારમાં રહેતા ડો. અનિલ ગોયલ ગત ઓગસ્ટ મહિનામાં તેમની પત્ની સાથે યુરોપ ફરવા માટે ગયા હતા. ત્યારે 12 ઓગસ્ટના રોજ રેસ્ટોરન્ટમાં જમતી વખતે તેમને છાતીમાં ભયાનક દુખાવો થયો હતો. તેમજ પરસેવો ઉલ્ટી અને ગભરામણ પણ થવા લાગી હતી. જેના બાદ એક સ્થાનિક મહિલાએ એમ્બ્યુલન્સ બોલાવી અને ત્યાં તેમનુ ECG કરવામાં આવ્યુ. પછી બીજી એક કાર્ડિયાક એમ્બ્યુલન્સ બોલાવવામાં આવી.
એ એમ્બ્યુલસનમાં તેમને 50 હજારના બે ઇન્જેક્શન પણ આપવામાં આવ્યા. જયારે ડોકટરે તેમને તેમનું નામ અને દેશ પૂછ્યો ત્યારે ડો. અનિલે ભારતીય હોવાનું જણાવ્યુ,. ત્યારે ડોકટરે તેમને દિલ્હી, મુંબઈના છો એમ પૂછ્યું જેના બાદ અનિલભાઈએ પોતે ગુજરાતનો છું એમ જણાવ્યું પરંતુ ડોક્ટરને સમજમાં કઈ ના આવ્યું, પછી અનિલભાઈએ તેમને મોદીના ગુજરાતનો હોવાનું જણાવ્યું. આ સાંભળીને ડોકટરે તરત એક હોસ્પિટલમાં ફોન કર્યો.
જેના બાદ ડો. અનિલને તાત્કાલિક એક ખાનગી હોસ્પિટલમાં લાઇ જવામાં આવ્યા. જ્યાં તેમને VVIP ટ્રીટમેન્ટ પણ આપવામાં આવી. આ બાબતે મીડિયા સાથે વાત કરતા તેમને જણાવ્યું કે મને તાત્કાલિક ઓપરેશન થિયેટરમાં લઇ જવામાં આવ્યો, હોસ્પિટલમાં મારુ કોઈ રજીસ્ટ્રેશન પણ ના કર્યું કે ના કોઈ ફોર્મ ભર્યું અને ખર્ચ માટે પણ ના પૂછ્યું અને સીધી જ ટ્રીટમેન્ટ શરૂ કરી દીધી. મારી નસમાં 95 ટકા બ્લોકેજ હતું એ દૂર કર્યું અને 6 દિવસ સુધી ICUમાં રાખ્યો, સારવારનો કુલ ખર્ચ 60-70 લાખ રૂપિયા જેટલો થતો હતો. પરંતુ હોસ્પિટલે એક પણ રૂપિયો ના લીધો.
