હાલમાં ચાલી રહેલા મહિલા હોકી વર્લ્ડ કપના પૂલ Aમાં નેધરલેન્ડે ચિલી સામે જીત મેળવી હતી, પરંતુ મેચ દરમિયાન એક રસપ્રદ કિસ્સો પણ સામે આવ્યો, જેણે બધાને આશ્ચર્યચકિત કરી દીધા. નેધરલેન્ડ સામે ગોલ કરનાર ચિલીની ખેલાડી ફ્રાન્સેસ્કા તાલાએ બાદમાં મેદાન પર તેના બોયફ્રેન્ડને પ્રપોઝ કર્યું હતું.
મેચ બાદ તાલાએ પ્રેસ કોન્ફરન્સમાં જણાવ્યું કે તેણે તેના સાથી ખેલાડીઓ સાથે એક શરત રાખી હતી કે જો તે ગોલ કરવામાં સફળ થશે તો તે તેના પ્રેમી સાથે લગ્ન કરશે. તેણે કહ્યું- “મેં મારી ટીમ સાથે એક શરત રાખી હતી કે જો હું નેધરલેન્ડ સામે ગોલ કરવામાં સફળ રહીશ તો હું મારા બોયફ્રેન્ડ સાથે લગ્ન કરીશ અને તે તેનાથી ખૂબ જ ખુશ છે”.
ખુશી વ્યક્ત કરતાં તેણે કહ્યું કે આ અમારા માટે ખૂબ જ ખુશીની ક્ષણ છે. અમારી હોકી કારકિર્દીની આ ખૂબ જ મહત્વપૂર્ણ ક્ષણ છે. ગુરુવારે રમાયેલી આ મેચમાં નેધરલેન્ડે ચિલીને 3-1થી હરાવ્યું હતું. તાલીએ જ ચિલીના ચાહકોને આ ખુશી મનાવવાની તક આપી હતી, પરંતુ તે પછી નેધરલેન્ડે સતત બે વધુ ગોલ કર્યા હતા. નેધરલેન્ડ્સ તરફથી વેલટેન લિડેવિઝ, જેન્સન યબ્બી અને ડી ગોએડે ઈવાએ ગોલ કર્યા હતા. નેધરલેન્ડ પૂલ Aમાં ટોચ પર છે જ્યારે ચિલી ત્રીજા સ્થાને છે.
“I made a bet with the girls that if I made a goal against the Netherlands, I had to marry my boyfriend.”
“He said yes!” 💍
This interview with @chile_hockey‘s Francisca Tala is everything 🤣🙌 #HWC2022 pic.twitter.com/qVI0QcEhvC
— Watch.Hockey (@watchdothockey) July 6, 2022
ન્યુઝીલેન્ડ સાત પોઈન્ટ સાથે પૂલ બીમાં ટોચ પર છે. ઈંગ્લેન્ડની ટીમ ચાર પોઈન્ટ સાથે બીજા સ્થાને છે. ભારત અને ચીન બંનેના બે-બે પોઈન્ટ હતા. જો કે, વધુ સારા ગોલ તફાવતને કારણે ભારત ક્રોસઓવર માટે ક્વોલિફાય થયું. ટૂર્નામેન્ટના ફોર્મેટ મુજબ, ચાર પૂલમાં ટોચની ચાર ટીમો સીધી ક્વાર્ટર ફાઇનલમાં જશે જ્યારે બીજા અને ત્રીજા સ્થાને રહેલી ટીમો ક્રોસઓવર રમશે. ક્રોસઓવર મેચોની વિજેતા ટીમો ક્વાર્ટર ફાઇનલમાં આગળ વધશે.
