રોકી ભાઈની મહેબૂબાએ KGF ફિલ્મના શૂટિંગની તસવીરો શેર કરી દીધી, લોકો પૂછવા લાગ્યા- તમે KGF-3માં છો કે નહિ ?
સાઉથ સુપરસ્ટાર યશની સુપર ડુપર હિટ ફિલ્મ KGFમાં તેની ગર્લફ્રેન્ડનું પાત્ર નિભાવી ફેમસ થઇ જનાર શ્રીનિધિ શેટ્ટી અવાર નવાર ચર્ચામાં રહે છે. તે ઘણીવાર તેની તસવીરોને કારણે લાઇમલાઇટ લૂંટે છે. તે કહે છે કે કેજીએફે અભિનય અને ફિલ્મોની પસંદગી અંગેની મારી ધારણા બદલી નાખી. હું કેટલા પ્રોજેક્ટ્સ લઉં છું તે વિશે હું ચોક્કસ નથી. હું મુઠ્ઠીભર ફિલ્મો કરી રહી છું જે છાપ છોડે છે. KGF-2 ફિલ્મની અભિનેત્રી શ્રીનિધિ શેટ્ટી આ દિવસોમાં સોશિયલ મીડિયા પર ખૂબ જ એક્ટિવ રહે છે.
શ્રીનિધિ તેની ફિલ્મની સફળતાનો આનંદ માણી રહી છે, જેને લગતી તેણે ઇન્સ્ટાગ્રામ પર પણ પોસ્ટ કરી છે. અભિનેત્રીએ KGF-2 ના શૂટિંગની કેટલીક તસવીરો શેર કરી છે. KGF-2 ના તેના ભાગના શૂટિંગ દરમિયાનના શ્રીનિધિ શેટ્ટીના 10-12 ફોટા શેર કર્યા છે. આ તસવીરો શેર કરીને શ્રીનિધિ શેટ્ટીએ ફિલ્મના કોસ્ચ્યુમ ડિઝાઈનરનો આભાર માન્યો છે. શ્રીનિધિ શેટ્ટી હંમેશા પોતાના કામ વિશે વાત કરવાનું પસંદ કરે છે.
KGF ચેપ્ટર 1 ના પ્રકાશન પછી જ્યારે મીડિયા દ્વારા પૂછવામાં આવ્યું ત્યારે, તેણે નમ્રતાથી કહ્યુ હતુ કે, “હું ઈચ્છું છું કે તમે પહેલા મારું કામ જુઓ, કારણ કે હું માનું છું કે મેં હજી પણ સ્ક્રીન પર મારી છાપ છોડી નથી.” શ્રીનિધિ શેટ્ટી કહે છે કે KGF ભલે વિશ્વ પ્રસિદ્ધ થઈ ગયું હોય, પરંતુ તે તેનો શ્રેય લઈ શકતી નથી. શ્રીનિધિ શેટ્ટીએ કહ્યું હતું કે, જ્યારે KGF 1 રિલીઝ થઈ હતી, ત્યારે અમને આશા નહોતી કે તે આટલી બધી હિટ હશે.
અમે જાણતા હતા કે પ્રકરણ 2 માટે અપેક્ષાઓ વધુ હશે. ટીઝર અને પોસ્ટર રીલિઝ થયાના 24 કલાકની અંદર વિડિયોએ 10 લાખ વ્યૂઝનો આંકડો પાર કરી લીધો હતો. હું મારી કારકિર્દીની શરૂઆતમાં જ આ ફિલ્મનો ભાગ બનવા માટે રોમાંચિત છું.” KGF ચેપ્ટર 2 માં શ્રીનિધિ શેટ્ટી માત્ર ‘રોકિંગ સ્ટાર’ યશ સાથે જ નહીં પરંતુ બોલિવૂડ અભિનેતા સંજય દત્ત અને રવિના ટંડન સાથે પણ સ્ક્રીન શેર કરતી જોવા મળે છે. યશ તો શ્રીનિધિ શેટ્ટીને લકી ગર્લ તરીકે વર્ણવવામાં આવી છે.
આ વિશે બોલતા શ્રીનિધિ શેટ્ટી કહે છે, “હું પણ મારી જાતને નસીબદાર કહું છું, કારણ કે મેં KGF સાથે મારી કારકિર્દીની શરૂઆત કરી હતી અને મેં ક્યારેય સપનામાં પણ નહોતું વિચાર્યું કે હું યશ, સંજય દત્ત, રવિના જેવા સ્ટાર્સ સાથે કામ કરીશ. શ્રીનિધિએ જણાવ્યું કે તેને નાનપણથી જ અભિનયનો શોખ હતો. તેણે કહ્યું, “જ્યારે પણ હું ટેલિવિઝન જોતી હતી, ત્યારે હું સ્ક્રીનની બીજી બાજુ જવાનું વિચારતી હતી. મને નૃત્ય અને અભિનયનો શોખ હતો.
પરંતુ મધ્યમ-વર્ગીય પરિવારોના મોટાભાગના બાળકોની જેમ, હું પણ મારું શિક્ષણ પૂર્ણ કરવાની આશા રાખતી હતી.” શ્રીનિધિએ કહ્યું, “KGF ચેપ્ટર 1 માં મારા પાત્રનો પરિચય થયો પરંતુ હું કોલારમાં હતી. સેટ પર ગઇ ન હતી. . કારણ કે મારું શૂટિંગ લોકેશન મૈસૂરમાં હતું. ફિલ્મ રીલિઝ થયા પછી હું થોડી બાકી રહી હોવાનું અનુભવી રહી હતી. પરંતુ KGF ચેપ્ટર 2 માટે હું કોલાર રામોજી ફિલ્મ સિટી અને ઘણી ફેક્ટરીઓના સેટ પર ગઇ હતી. અમે ધુમાડો, કાદવ, ગરમી અને કઠોર બહારની પરિસ્થિતિ વચ્ચે લાંબા કલાકો સુધી શૂટિંગ કર્યું, તેથી લોકેશન એક પડકારરૂપ હતું.”
શ્રીનિધિએ કોબ્રા નામની એક તમિલ ફિલ્મ સાઈન કરી છે, જેના વિશે તે કહે છે કે તે હજી વાત કરી શકતી નથી. શ્રીનિધિએ કહ્યું, “હું OTT રિલીઝ માટે પણ તૈયાર છું પરંતુ યોગ્ય ભૂમિકા અને સ્ક્રિપ્ટની રાહ જોઈશ.” શ્રીનિધિ કર્ણાટકની છે અને ફિલ્મોમાં આવતા પહેલા તે મોડલિંગ કરતી હતી. તે અનેક સૌંદર્ય સ્પર્ધાઓનો ભાગ રહી ચુકી છે. અભિનેત્રીએ વર્ષ 2016માં ‘મિસ દિવા સુપરનેશનલ’નો ખિતાબ જીત્યો હતો. પછી તે ‘મિસ સુપરનેશનલ’ પણ બની. આ ખિતાબ જીતનારી શ્રીનિધિ બીજી ભારતીય મોડલ છે.
શ્રીનિધિ શેટ્ટી વાસ્તવિક જીવનમાં ખૂબ જ સુંદર છે અને તેની ગ્લેમરસ તસવીરો અવારનવાર સોશિયલ મીડિયા પર વાયરલ થાય છે. બોલિવૂડની સુંદરીઓ પણ તેમની સુંદરતા સામે પાણી ભરે છે. તે દરેક લુકમાં અદભૂત દેખાય છે. અભિનેત્રીને 8મા SIIMA એવોર્ડ્સ દરમિયાન KGF: ચેપ્ટર 1 માટે શ્રેષ્ઠ અભિનેત્રી તરીકે સન્માનિત કરવામાં આવી હતી. આ સાથે, તેને 66માં ફિલ્મફેર એવોર્ડ્સમાં શ્રેષ્ઠ અભિનેત્રી તરીકેનો એવોર્ડ પણ મળ્યો.
