ફલાઇટની અંદર બેસવાનું બધાને પસંદ હોય છે. ફલાઇટની અંદર ખાસ વાત એ હોય છે કે અહીંયા તમારી સીટ રિઝર્વ હોય છે અને તમને પડતી કોઈ પણ અગવળતા માટે એરલાઇન્સ સ્ટાફ હાજર જ હોય છે જે તમારી દરેક સમસ્યાનું સમાધાન કરી દેતા હોય છે, ઘણીવાર તમે ફલાઇટમાં ઝઘડો થવાના વીડિયો પણ જોયા હશે, પરંતુ હાલ એક એવો વીડિયો વાયરલ થઇ રહ્યો છે જેમાં માત્ર ઝઘડો નહિ મારામારી પણ થતી જોવા મળી રહી છે.
ચાલુ વિમાનમાં ત્યારે અફરા તફરી સર્જાઈ હતી જ્યારે તેમાં સવાર કેટલાક લોકો વચ્ચે ઝઘડો થયો હતો. સ્થિતિ એવી બની કે ફ્લાઈટમાં જ તે લોકો લાત અને મુક્કા મારવા લાગ્યા. એક ક્રૂ મેમ્બર બચાવમાં આવે છે, પરંતુ વિમાનમાં લડાઈ અટકતી નથી. આ ઘટનાનો એક વીડિયો પણ સામે આવ્યો છે.
Nice flight to dam today x pic.twitter.com/4FqulwXN2d
— Maya Wilkinson (@MayaWilkinsonx) May 5, 2022
ડચ ન્યૂઝ અનુસાર, આ ઘટના યુકેના માન્ચેસ્ટરથી નેધરલેન્ડના એમ્સ્ટરડેમ જઈ રહેલી KLM એરલાઈનની ફ્લાઈટમાં બની હતી. એવું કહેવામાં આવ્યું હતું કે ફ્લાઈટમાં કોઈ મુદ્દે બે જૂથો વચ્ચે અથડામણ થઈ હતી. થોડી જ વારમાં બંને તરફથી મુક્કા અને લાતો વરસવા લાગ્યા. આ અથડામણમાં એક મુસાફર પણ ઘાયલ થયો હતો.
Hahaha mazza my mate from work was on same flight he sent me this pic.twitter.com/0dM0drzmQ3
— James Sargent (@sargent1798) May 5, 2022
વાયરલ વીડિયોમાં જોઈ શકાય છે કે કેવી રીતે કેટલાક લોકો એકબીજા પર મુક્કાઓ મારી રહ્યા છે. પ્લેનમાંથી લોકોની ચીસો અને બૂમોના અવાજો પણ આવી રહ્યા છે. દરમિયાન, એક ક્રૂ મેમ્બર સમાધાન કરાવવા માટે આવે છે, પરંતુ તે પણ કઈ કરી શકતો નથી. મીડિયા રિપોર્ટ અનુસાર ગુરુવારે શિફોલ એરપોર્ટ પહોંચ્યા બાદ ઝઘડો કરનારા છ બ્રિટિશ મુસાફરોની ધરપકડ કરવામાં આવી હતી. આ મામલે એરપોર્ટના સુરક્ષા પ્રભારીનું કહેવું છે કે તેઓએ તપાસ શરૂ કરી દીધી છે. તપાસ પૂર્ણ થયા બાદ કાર્યવાહી કરવામાં આવશે.
