અંગ્રેજોએ સ્તંભો તોડી નાખ્યા છતા પણ જાણી શક્યા રહસ્ય
ભારતમાં અનેક મંદિરો એવા છે જેમના રહસ્યો આજે પણ ઉકેલાયા નથી. આવુ એક મંદિર છે વિરૂપાક્ષ મંદિર. ભારતના પ્રખ્યાત ઐતિહાસિક મંદિરોમાં સમાવિષ્ટ આ રહસ્યમય મંદિર કર્ણાટકના હમ્પીમાં આવેલું છે. એવું માનવામાં આવે છે કે હમ્પી રામાયણ કાળનુ કિષ્કિંધા છે. આ મંદિરમાં ભગવાન શિવના વિરૂપાક્ષ સ્વરૂપની પૂજા કરવામાં આવે છે. આ પ્રાચીન મંદિર યુનેસ્કો વર્લ્ડ હેરિટેજમાં પણ સામેલ છે. આ મંદિરની ઘણી વિશેષતાઓ છે અને તેની સાથે રહસ્ય પણ જોડાયેલું છે. બ્રિટિશરોએ પણ આ મંદિરનું રહસ્ય જાણવાનો પ્રયત્ન કર્યો, પરંતુ તેમને સફળતા મળી નહીં.
ભગવાન વિરૂપાક્ષ અને તેમની પત્ની દેવી પંપાને સમર્પિત આ મંદિરની વિશેષતા એ છે કે અહીંનું શિવલિંગ દક્ષિણ તરફ નમેલું છે. આ એક ધાર્મિક માન્યતા છે કે રાવણે ભગવાન રામ સાથેના યુદ્ધમાં વિજય માટે ભગવાન શિવની પૂજા કરી હતી. આ પછી, જ્યારે ભગવાન શંકર પ્રગટ થયા ત્યારે રાવણે તેમને લંકામાં શિવલિંગની સ્થાપના કરવાનું કહ્યું.
ભગવાન શિવ રાવણની વારંવારની પ્રાર્થના બાદ સંમત થયા, પરંતુ તેમણે તેમની સામે એક શરત મૂકી. શરત એ હતી કે લંકા લઈ જતી વખતે શિવલિંગ જમીનને સ્પર્શવુ ન જોઈએ. રાવણ શિવલિંગ સાથે લંકા જઈ રહ્યો હતો, પરંતુ રસ્તામાં તેણે એક વ્યક્તિને શિવલિંગ પકડી રાખવા કહ્યું, પરંતુ તેના વજનને કારણે તેમણે શિવલિંગને જમીન પર રાખ્યું. ત્યારથી આ શિવલિંગ અહીં જ છે અને હજારો પ્રયત્નો પછી પણ ખસેડી શકાયું નહીં.
વિરૂપાક્ષ મંદિરની દિવાલો પર તે પ્રસંગના ચિત્રો કોતરવામાં આવ્યા છે. બતાવવામાં આવ્યું છે કે રાવણ ભગવાન શંકરને ફરી શિવલિંગ ઉપાડવાની પ્રાર્થના કરી રહ્યો છે, પરંતુ ભગવાન શિવ ના પાડી દે છે. એવું પણ માનવામાં આવે છે કે આ ભગવાન વિષ્ણુનું નિવાસસ્થાન હતું, પરંતુ તેમણે આ સ્થાનને રહેવા માટે ખૂબ મોટું માન્યું અને પાછા ક્ષીરસાગર ચાલ્યા ગયા.
કહેવાય છે કે આ મંદિર લગભગ 500 વર્ષ જૂનું છે. દ્રવિડ સ્થાપત્ય શૈલીમાં બનેલા, આ મંદિરનું ગોપુરમ 500 વર્ષ પહેલા બનાવવામાં આવ્યું હતું, જે 50 મીટર ઉંચું છે. ભગવાન શિવ અને દેવી પંપા સિવાય અહીં ઘણા નાના મંદિરો છે. વિરૂપાક્ષ મંદિરનું નિર્માણ વિક્રમાદિત્ય દ્વિતિયની રાણી લોકમાહા દેવીએ કર્યું હતું. આ મંદિર પંપાવતી મંદિર તરીકે પણ ઓળખાય છે.
આ મંદિરની સૌથી આશ્ચર્યજનક બાબત એ છે કે આ મંદિરના કેટલાક સ્તંભોમાં સંગીતનો અવાજ આવેછે. તેથી જ તેમને મ્યૂજિકલ પિલર્સ પણ કહેવામાં આવે છે. એવું કહેવાય છે કે અંગ્રેજોએ એ જાણવાનો પ્રયત્ન કર્યો કે સંગીત સ્તંભોમાંથી કેવી રીતે બહાર આવ્યું. આ માટે, તેણે આ મંદિરના સ્તંભોને તોડી નાખ્યા અને જોયું, તે આશ્ચર્યચકિત થઈ ગયા, કારણ કે સ્તંભો અંદરથી પોલા હતા અને ત્યાં કંઈ નહોતું. આ રહસ્ય આજદિન સુધી બહાર આવ્યું નથી અને તેને રહસ્યમય મંદિર કહેવામાં આવે છે.
