નજીકના આ ખાસ વ્યક્તિને ગુમાવ્યા પછી દુઃખ દર્દમાં ડૂબ્યો રિતેશ દેશમુખ, કોણ કોણ એને સહારો આપવા આવ્યું? જુઓ તસવીરો
Ritesh Deshmukh became sad : ફિલ્મ નિર્માતા સંગીત સિવાનનું 8 મેના રોજ મુંબઈમાં 61 વર્ષની વયે અવસાન થયું હતું. જોકે, તેમના મૃત્યુનું કારણ બહાર નથી આવ્યું. સિવાન બોલિવૂડ અને મલયાલમ ફિલ્મોના નિર્દેશન માટે જાણીતા હતા. ગઈકાલે સંગીતના અંતિમ સંસ્કાર કરવામાં આવ્યા હતા, જેમાં બોલિવૂડના ઘણા પ્રખ્યાત ચહેરાઓએ હાજરી આપી હતી. બધાએ તેમના અંતિમ સંસ્કાર દરમિયાન શિવનને શ્રદ્ધાંજલિ આપી હતી.
આ સમયે અભિનેતા રિતેશ દેશમુખ પણ જોવા મળ્યો હતો. તે એકદમ ઉદાસ દેખાતો હતો. વાસ્તવમાં બંને વચ્ચે ગાઢ મિત્રતા હતી. સિવને તેને બે હિટ ફિલ્મોમાં કામ કરવાની તક આપી. સંગીત સિવાનના નિધનના સમાચાર મળતા જ રિતેશ દેશમુખે સોશિયલ મીડિયા પર તેમને શ્રદ્ધાંજલિ આપી હતી.
સામે આવેલા વીડિયોમાં તે અંતિમ સંસ્કારમાં હાજરી આપવા માટે સ્મશાનગૃહ પહોંચ્યો હતો, જ્યાં તેની સાથે અભિનેતા ફરદીન ખાન પણ જોવા મળ્યો હતો. રિતેશ દેશમુખના ચહેરા પર નિરાશા જોવા મળી. આ દરમિયાન ફરદીન ખાન તેને સપોર્ટ કરતા અને સાંત્વના આપતા જોવા મળ્યા હતા. રિતેશ પણ સ્મશાનમાં થોડો સમય બેઠેલો જોવા મળ્યો હતો.
તમને જણાવી દઈએ કે, આ દરમિયાન અનુપમ ખેર, ઝૈદ ખાન અને ફિલ્મમેકર કેન ઘોષ પણ જોવા મળ્યા હતા. સંગીત સિવને મોહનલાલ સાથે ત્રણ બ્લોકબસ્ટર ફિલ્મો કરી હતી, જે તમામનું તેણે દિગ્દર્શન કર્યું હતું. જેમાં ‘યોધા’, ‘ગંધર્વમ’ અને ‘નિર્ણયમ’નો સમાવેશ થાય છે. તેણે રિતેશ દેશમુખને ‘ક્યા કૂલ હૈ હમ’ અને ‘અપના સપના મની મની’ જેવી બોલિવૂડ ફિલ્મોમાં તક આપી. આ બંને ફિલ્મોએ રિતેશ દેશમુખનું નસીબ રોશન કર્યું.
View this post on Instagram
