આપણા વેદ અને પુરાણોમાં કહેવામાં આવ્યું છે કે ગાયની પૂજા કરવી જોઈએ. આપણા દેશમાં ગાયને માતાનો દરજ્જો આપવામાં આવ્યો છે અને એવું પણ કહેવાય છે કે ગાયમાં 33 કરોડ દેવતાઓનો વાસ રહેલો છે અને એટલે જ વાર તહેવાર ઉપર આપણે ગાય માતાની પૂજા કરીએ છીએ, જે લોકો ગાય માતાને પાળે છે તે પણ તેને ઘરના સદસ્યની જેમ રાખતા હોય છે ત્યારે હાલ એવી ઘટના સામે આવી છે જેને લઈને ભારતીયોને પણ ગર્વ થશે.
બ્રિટિશ પીએમ પદની રેસમાં આગળ રહેલા ઋષિ સુનક અને તેમની પત્ની અક્ષતા મૂર્તિએ જન્માષ્ટમીની ઉજવણી બાદ બચ બારસ પર ગાયની પૂજા કરી હતી. તેનો વીડિયો સોશિયલ મીડિયામાં વાયરલ થઈ રહ્યો છે. આ સાથે સનાતન ધર્મ અને સંસ્કૃતિની વિશેષતાઓની ચર્ચા કરવામાં આવી રહી છે.
સુનક દંપતિએ જન્માષ્ટમી પર ભગવાન કૃષ્ણની પૂજા કરતા ભગવાન કૃષ્ણના ફોટા શેર કર્યા હતા, પરંતુ બે દિવસ પહેલા ઉજવવામાં આવેલ ‘બચ બારસ’માં ગાયની પૂજાનો વીડિયો તેમના એક સમર્થકે ટ્વિટર પર શેર કર્યો હતો. 23 ઓગસ્ટના રોજ બચ બારસનો તહેવાર ઉજવવામાં આવ્યો હતો. આ પ્રસંગે ગાય અને વાછરડાની પૂજા કરીને વ્રત કરવામાં આવે છે. આ તહેવાર ભારતમાં મોટા પાયે ઉજવવામાં આવે છે.
યુકેના ભૂતપૂર્વ નાણાપ્રધાન ઋષિ સુનાક યુકેના વડા પ્રધાન તરીકે બોરિસ જોન્સનને બદલવાની રેસમાં બે અગ્રણી ઉમેદવારોમાંના એક છે. તેઓ બ્રિટનના વિદેશ મંત્રી લિઝ ટ્રુસ સામે છે, જેઓ તેમના કરતા અંશે ભારે હોવાનું કહેવાય છે. શાસક કન્ઝર્વેટિવ પાર્ટી આખરે 5 સપ્ટેમ્બરે નવા નેતાની પસંદગી કરશે, જે સુનકના ભાવિનો પણ નિર્ણય કરશે. તમને જણાવી દઈએ કે, તેમની પત્ની અક્ષતા મૂર્તિ ભારતની અગ્રણી સોફ્ટવેર કંપની ઈન્ફોસિસના સ્થાપક નારાયણ મૂર્તિની પુત્રી છે.
Rishi Sunak (potential PM of UK) and his wife doing Gau Mata Pooja in the UK. This strongly shows that India has ‘arrived’ on the world stage and we are no longer embarrassed or ashamed to display our rich cultural heritage. Jai Sanatan Dharam. #rishisunak #gaumata #dharma pic.twitter.com/jE8xtrtO68
— Mairan Sewtahal (@Mairansewtahal) August 20, 2022
મારન સેવાથલે સુનક દંપતીનો ગાય પૂજનનો વીડિયો સોશિયલ મીડિયામાં શેર કર્યો છે. આ સાથે મેરોને લખ્યું, ‘બ્રિટનના સંભવિત પીએમ ઋષિ સુનક અને તેમની પત્નીએ યુકેમાં ગૌ માતાની પૂજા કરી. તે દર્શાવે છે કે ભારત વિશ્વ મંચ પર રાજ કરી રહ્યું છે. અમે હવે અમારા સમૃદ્ધ સાંસ્કૃતિક વારસાને પ્રદર્શિત કરવામાં શરમાતા નથી. જય સનાતન ધર્મ.