ભારતીય રિઝર્વ બેંક ઓફ ઈન્ડિયા (RBI)એ સામાન્ય જનતાને મોંઘવારીનો ઝટકો આપ્યો છે. RBIએ આજે નાણાકીય સમીક્ષા બેઠક બાદ રેપો રેટમાં 25 બેસિસ પોઈન્ટનો વધારો કર્યો છે. ભારતીય રિઝર્વ બેંકે આજે રેપો રેટમાં વધારાની જાહેરાત કરી છે. રેપો રેટમાં સતત છઠ્ઠી વખત વધારો કરવામાં આવ્યો છે. આ વધારા બાદ રેપો રેટ 6.5 ટકા પર પહોંચી ગયો છે.
આજે રિઝર્વ બેંક ઓફ ઈન્ડિયાની મોનેટરી રિવ્યુ મીટિંગ (RBI MPC)નો છેલ્લો દિવસ છે. આ બેઠક સોમવારથી શરૂ થઇ હતી. નિષ્ણાતો પહેલાથી જ RBI રેપો રેટ દ્વારા રેપો રેટમાં 25 બેસિસ પોઈન્ટના વધારાની વાત કરી રહ્યા હતા. RBI ગવર્નર શક્તિકાંત દાસે નાણાકીય સમીક્ષા બેઠક બાદ આ જાહેરાત કરી હતી. આ જાહેરાત બાદ બેંક લોન મોંઘી થઈ ગઈ છે અને આ સાથે જ તમારા EMIનો બોજ પણ વધશે.
આ પહેલા આરબીઆઈએ છેલ્લા વર્ષમાં સતત 5 વખત રેપો રેટમાં વધારો કર્યો હતો અને આ વર્ષમાં પણ 25 બેસિસ પોઇન્ટનો વધારો કર્યો છે. એક વર્ષમાં રેપો રેટમાં કુલ 225 જેટલા બેસિસ પોઈન્ટનો વધારો થયો છે. રેપો રેટમાં વધારાને કારણે સામાન્ય માણસ માટે લોન અને EMI મોંઘા થઈ ગયા છે. પોલિસીની જાહેરાત કરતા RBI ગવર્નરે કહ્યું કે મોંઘવારી હજુ પણ ચિંતાનો વિષય છે. રેપો રેટમાં વધારાથી હોમ લોન, કાર લોન અને પર્સનલ લોનના EMI પર અસર પડશે.
જણાવી દઇએ કે, રેપો રેટ એ દર છે કે જેના પર આરબીઆઈ દ્વારા બેંકોને લોન આપવામાં આવે છે અને બેંકો આ લોનમાંથી ગ્રાહકોને લોન આપે છે. રિવર્સ રેપો રેટ એ દર છે કે જેના પર બેંકો આરબીઆઈ પાસેથી થાપણો પર વ્યાજ મેળવે છે. રેપો રેટમાં વધારાનો અર્થ એ છે કે બેંકમાંથી અનેક પ્રકારની લોન મોંઘી થઈ જશે.
રેપો રેટ અને રિવર્સ રેપો રેટ અંગેનો નિર્ણય મોનેટરી પોલિસી કમિટિ એટલે કે MPCની ત્રણ દિવસીય બેઠકમાં જ લેવામાં આવે છે. રિઝર્વ બેંકના MPCમાં 6 સભ્યો હોય છે, જેમાંથી 3 સભ્યો સરકારના પ્રતિનિધિઓ હોય છે. બાકીના 3 સભ્યો રિઝર્વ બેંક ઓફ ઈન્ડિયાનું પ્રતિનિધિત્વ કરે છે, જેમાં RBI ગવર્નરનો પણ સમાવેશ થાય છે.
