જામનગરમાં ફરી થયો અનંત-રાધિકાના પ્રી વેડિંગનો જલસો, કર્મચારીઓને આપી જોરદાર પાર્ટી, જુઓ તસવીરો અને વીડિયો
Pre-Wedding Celebrations jamngar : 1 માર્ચથી 3 માર્ચ સુધી ગુજરાતના જામનગરની અંદર એક અનેરી રોનક જોવા મળી. જેમાં દેશ અને દુનિયાની મોટી મોટી હસ્તીઓ જામનગર આવી પહોંચી હતી. કારણ કે દેશ અને દુનિયાના એક મોટા ઉદ્યોગપતિ મુકેશ અંબાણીના નાના દીકરા અનંત અંબાણી અને રાધિકા મર્ચન્ટની પ્રિ વેડિંગ સેરેમની યોજાઈ હતી.
સોશિયલ મીડિયામાં પણ આ પ્રિ વેડિંગ સેરેમનીના ઘણા બધા વીડિયો પણ જોવા મળ્યા. ત્યારે ફરી એકવાર જામનગર આ પ્રિ વેડિંગ ઉજવણીની વધુ એક ઇવેન્ટનું આકર્ષણ બન્યું.
જામનગરમાં અનંત અંબાણી અને રાધિકા મર્ચન્ટના પ્રિ વેડિંગ સરેમનીમાં આખો અંબાણી પરિવાર એક સાથે જોવા મળ્યા હતા. આ દરમિયાનના ગ્રુપ ફોટો સહિત ઘણી તસવીરો શેર કરવામાં આવી છે. આમાંના એક ફેમિલી ફોટોમાં રિલાયન્સ ઇન્ડસ્ટ્રીઝના વડા તેમના આખા પરિવાર સાથે જોવા મળે છે.
મુકેશ અંબાણી ઉપરાંત તેમની પત્ની નીતા અંબાણી પણ તસવીરમાં જોવા મળે છે. અંબાણી દંપતી ઉપરાંત મુકેશ અંબાણીના મોટા પુત્ર આકાશ અંબાણી અને તેમની પત્ની શ્લોકા મહેતા અંબાણી પણ ગ્રુપ ફોટોમાં જોવા મળે છે.
આ પરિવારના સભ્ય રાધિક મર્ચન્ટ અને અનંત અંબાણીની પ્રી-વેડિંગ સેરેમની દરમિયાન છે, જે બંને આ તસવીરમાં પણ છે. આ ફેમિલી ફોટોમાં ઈશા અંબાણી અને તેના પતિ આનંદ પીરામલ પણ જોવા મળે છે. ગ્રુપ ફેમિલી ફોટો સિવાય નીતા અંબાણી અને મુકેશ અંબાણી પણ ઘણી તસવીરોમાં જોવા મળે છે.
જામનગરમાં રિલાયન્સ ટાઉનશીપ ખાતે અનંત અંબાણી અને રાધિકા મર્ચન્ટના પ્રિ વેડિંગ ઉજવણી દરમિયાન ભવ્ય કાર્યક્રમનું આયોજન કરવા બદલ અંબાણી પરિવારે કર્મચારીઓ અને તેમના પરિવારજનોનો આભાર વ્યક્ત કર્યો છે.
નીતા અંબાણીએ તેમની ભાવિ પુત્રવધૂ રાધિકા મર્ચન્ટનો જામનગરના કર્મચારીઓ અને તેમના પરિવારજનો સાથે પરિચય પણ કરાવ્યો હતો. કાર્યક્રમ દરમિયાન અનંત અંબાણી અને રાધિકા મર્ચન્ટે પણ જામનગરની જનતાનો આભાર વ્યક્ત કર્યો હતો. ત્યારે આ કાર્યક્રમમાં ફરીએકવાર બોલીવુડના સીતારાઓનો ચમક જોવા મળી હતી.
6 માર્ચની સાંજે, શાહરૂખ, સલમાન ખાન અને અન્ય બોલિવૂડ સ્ટાર્સ ફરી એકવાર જામનગરમાં જોવા મળ્યા હતા. અંબાણીના લગ્ન પૂર્વેનો કાર્યક્રમ હજુ પૂરો થયો ન હોવાનું બહાર આવ્યું છે કારણ કે બોલિવૂડનો આ મોટો અભિનેતા ફરી એકવાર જામનગર પહોંચી ગયા.
શાહરૂખ ખાન, સલમાન ખાન, જાન્હવી કપૂર, ઓરી, શિખર પહાડિયા, અરિજિત સિંહ અને તેની પત્ની અને અન્ય બોલિવૂડ સેલિબ્રિટીઓ 6 માર્ચ, બુધવારે સાંજે જામનગર એરપોર્ટ પર જોવા મળ્યા હતા. આ તમામે ફરી એકવાર અંબાણી પરિવારના પ્રી-વેડિંગ કોન્સર્ટમાં હાજરી આપી હતી.
રિલાયન્સના કર્મચારીઓ અને તેમના પરિવારો માટે આ કાર્યક્રમનું આયોજન કરવામાં આવ્યું હતું. શાહરૂખ ખાન સ્ટેજ પર આવતાની સાથે જ પ્રી-વેડિંગમાં ઉત્સવનો માહોલ જોવા મળ્યો હતો. અંબાણી પરિવારે કિંગ ખાનનું પરિવારના સભ્ય તરીકે સ્વાગત કર્યું હતું. આ સિવાય સલમાન તેના જૂના ગીત પર ડાન્સ કરતો જોવા મળ્યો હતો જ્યારે રણવીર સિંહ ‘મલ્હારી…’ ગીત પર ડાન્સ કરતો જોવા મળ્યો હતો. તેનો વીડિયો વાયરલ થઈ રહ્યો છે.
View this post on Instagram
