તાલિબાને અફઘાનિસ્તાન પર કબજો કર્યા પછી દેશને ઘણી આર્થિક અને રાજકીય ઉથલપાથલનો સામનો કરવો પડ્યો છે. દેશમાં એવો બદલાવ આવ્યો છે કે મોટા પ્રોફેશનલ્સ પણ તેમની નોકરીના સંકટનો સામનો કરી રહ્યા છે. હાલમાં જ કેટલીક એવી તસવીરો સામે આવી છે જે અફઘાનિસ્તાનની વાસ્તવિકતા દર્શાવે છે.
કબીર હકમલની તાજેતરની ટ્વિટર પોસ્ટ, જેણે હામિદ કરઝાઈ સરકાર સાથે કામ કર્યું છે, તે દર્શાવે છે કે દેશમાં કેટલા પ્રતિભાશાળી વ્યાવસાયિકો ગરીબીમાં ધકેલાઈ ગયા છે. હકમલે અફઘાન પત્રકાર મુસા મોહમ્મદીની તસવીર શેર કરી છે. કેપ્શનમાં હકમલે લખ્યું કે મોહમ્મદી ઘણા વર્ષોથી મીડિયા ઈન્ડસ્ટ્રીનો હિસ્સો હતો, જો કે, અફઘાનિસ્તાનની આર્થિક સ્થિતિ એવી છે કે હવે તેને પોતાની જરૂરિયાતો પૂરી કરવા માટે રસ્તા પર ખાવાનું વેચવું પડે છે.
A lifetime Work and struggles as a Journalist ends up like this for the Talented young generation of Afghanistan.
It is a damned History repeating itself every few years for Us. pic.twitter.com/5HO45dbbeF— Nilofar Ayoubi (@NilofarAyoubi) June 15, 2022
તમને જણાવી દઈએ કે મુસા મોહમ્મદીએ વર્ષો સુધી ઘણી ટીવી ચેનલોમાં એન્કર અને રિપોર્ટર તરીકે કામ કર્યું છે અને હવે તેની પાસે પોતાના પરિવારનું ભરણ પોષણ કરવા માટે કોઈ આવક નથી અને હવે તે થોડા પૈસા કમાવવા માટે સ્ટ્રીટ ફૂડ વેચે છે. તાલિબાનના આગમન પછી અફઘાનોને ગરીબીનો સામનો કરવો પડ્યો.
Journalists life in #Afghanistan under the #Taliban. Musa Mohammadi worked for years as anchor & reporter in different TV channels, now has no income to fed his family. & sells street food to earn some money. #Afghans suffer unprecedented poverty after the fall of republic. pic.twitter.com/nCTTIbfZN3
— Kabir Haqmal (@Haqmal) June 15, 2022
હાલમાં મોહમ્મદીની વાર્તા ઇન્ટરનેટ પર ખૂબ વાયરલ થઈ રહી છે. જ્યારે એન્કરની આ વાત નેશનલ રેડિયો અને ટેલિવિઝનના ઉચ્ચ અધિકારીઓ સુધી પહોંચી તો ડાયરેક્ટર જનરલ અહમદુલ્લા વસિકે ટ્વીટ કર્યું કે તેઓ તેમની ઓફિસમાં ભૂતપૂર્વ ટીવી એન્કર અને રિપોર્ટરને કામ આપશે.