ચક્રવાત ‘અસાની’ આગામી થોડા કલાકોમાં આંધ્રપ્રદેશ અને ઓડિશાના દરિયાકાંઠે પહોંચી શકે છે. ચક્રવાત અસાનીના કારણે ખાસ કરીને ઓડિશા અને આંધ્રપ્રદેશમાં હાઈ એલર્ટ જારી કરવામાં આવ્યું છે. ઓડિશાના પુરીના એડિશનલ એસપીએ જણાવ્યું હતું કે, “અસાનીને કારણે, જોરદાર પવન ફૂંકાઈ રહ્યો છે અને ઊંચા મોજાઓ ઉછળવા લાગ્યા છે. તેને જોતા દરિયાકાંઠાના વિસ્તારોની નજીક રહેતા લોકોને એલર્ટ કરવામાં આવી રહ્યા છે. તેમણે કહ્યું કે પોલીસ દળો અને તમામ સ્ટેશનોને હાઈ એલર્ટ પર રાખવામાં આવ્યા છે. આ સિવાય સુરક્ષાના કારણોસર ઘણી ફ્લાઈટ્સ પણ રદ્દ કરવામાં આવી છે.
ભારતીય હવામાન વિભાગના જણાવ્યા અનુસાર ચક્રવાત આસાની ઉત્તર-પશ્ચિમ તરફ આગળ વધશે અને આગામી થોડા કલાકોમાં આંધ્રપ્રદેશના દરિયાકાંઠે પહોંચશે. ત્યારબાદ ચક્રવાત માછલીપટ્ટનમ, નરસાપુર, યાનમ, કાકીનાડા, તુની અને વિશાખાપટ્ટનમના દરિયાકાંઠે પહોંચે તેવી શક્યતા છે. ઓડિશાના વિશેષ રાહત કમિશનરે કહ્યું કે તે વિશાખાપટ્ટનમ પહોંચ્યા બાદ સમુદ્રમાં મળી આવશે. IMD અનુસાર, ચક્રવાત ઉત્તર-પશ્ચિમ તરફ આગળ વધીને આગામી કેટલાક કલાકો સુધી આંધ્ર પ્રદેશના કિનારે પશ્ચિમ-મધ્ય બંગાળની ખાડી સુધી પહોંચવાની સંભાવના છે.
આંધ્ર પ્રદેશમાં IMD એ માહિતી આપી છે કે બુધવારે સવારે 8.30 વાગ્યા સુધી શ્રીકાકુલમ, વિઝિયાનગરમ, વિશાખાપટ્ટનમ, પૂર્વ ગોદાવરી, કૃષ્ણા, ગુંટુર અને પશ્ચિમ ગોદાવરી જિલ્લામાં 40-50 કિમી પ્રતિ કલાકની ઝડપે પવનની ઝડપ 60 કિમી પ્રતિ કલાક સુધી પહોંચવાની સંભાવના છે. જેના કારણે મલકાનગીરી, ગજપતિ, ગંજમ, પુરી જિલ્લાઓમાં આગામી 24 કલાકમાં ભારેથી અતિ ભારે વરસાદની ચેતવણી આપવામાં આવી છે. ઉપરાંત, માછીમારોને 13 મે સુધી ઓડિશાના દરિયાકાંઠે દરિયામાં ન જવાની સલાહ આપવામાં આવી છે.
#WATCH | Andhra Pradesh: A mysterious gold-coloured chariot washed ashore at Sunnapalli Sea Harbour in Srikakulam y’day, as the sea remained turbulent due to #CycloneAsani
SI Naupada says, “It might’ve come from another country. We’ve informed Intelligence & higher officials.” pic.twitter.com/XunW5cNy6O
— ANI (@ANI) May 11, 2022
ઉત્તર કોસ્ટલ આંધ્રપ્રદેશમાં અલગ-અલગ સ્થળોએ ખૂબ જ ભારેથી અતિ ભારે વરસાદ અને 10મી મેની રાતથી દરિયાકાંઠાના ઓડિશામાં અલગ-અલગ સ્થળોએ ખૂબ જ ભારે વરસાદ અને ત્યારપછી 11મી મેના રોજ ઉત્તર કોસ્ટલ આંધ્ર પ્રદેશમાં અલગ-અલગ સ્થળોએ ખૂબ ભારેથી અતિ ભારે વરસાદ અને દરિયાકાંઠાના ઓડિશામાં ભારે વરસાદની સંભાવના છે. ગુરુવારે, ઓડિશા અને પશ્ચિમ બંગાળના દરિયાકાંઠાના વિસ્તારોમાં કેટલાક સ્થળોએ હળવાથી મધ્યમ વરસાદની સંભાવના છે અને છૂટાછવાયા સ્થળોએ ભારે વરસાદની સંભાવના છે.
#WATCH | Andhra Pradesh: Tumultuous waves along with gusty winds prevail on the shores of Visakhapatnam as #CycloneAsani approaches
As per IMD, cyclone is very likely to move nearly northwestwards for next few hours & reach Westcentral Bay of Bengal close to Andhra Pradesh coast pic.twitter.com/ISp7vgMXbq
— ANI (@ANI) May 11, 2022
ગંભીર ચક્રવાત આસાનીથી પ્રભાવિત વિસ્તારોમાં બચાવ અને રાહત કામગીરી હાથ ધરવા NDRFની કુલ 50 ટીમોને તૈયાર રાખવામાં આવી છે. ભારતીય હવામાન વિભાગના ડાયરેક્ટરે જણાવ્યુ કે, ચક્રવાત પહેલાની તિવ્રતાના ઉચ્ચત્તમ સ્તર પર પહોંચી ગયું છે અને ધીમે ધીમે તે નબળુ થઈ ગયું છે. ચક્રવાતી તોફાન બુધવારે નબળુ થવાથી તોફાનમાં બદલી જશે અને ગુરૂવારે ભારે પ્રેસરમાં પરિવર્તિત થઈ જશે.
