IPL 2025 નું કાઉન્ટડાઉન હવે શરૂ થઈ ગયું છે અને ટીમો પોતપોતાના કેમ્પમાં પહોંચી ગઈ છે અને તૈયારીઓ શરૂ કરી દીધી છે. ચેમ્પિયન્સ ટ્રોફી વિજેતા ટીમના બધા સભ્યો પણ ધીમે ધીમે પોતાની ટીમમાં જોડાવાનું શરૂ કરશે. IPLની શરૂઆતની મેચો મુંબઈ ઇન્ડિયન્સ માટે પડકારજનક રહેવાની છે. જસપ્રીત બુમરાહ ઈજાના કારણે કેટલીક મેચોમાંથી બહાર થઈ શકે છે.
મુંબઈ ઈન્ડિયન્સ ટીમ મેનેજમેન્ટ આ સમાચારમાંથી બહાર આવવાનો પ્રયાસ કરી રહ્યું હતું ત્યારે હવે સમાચાર આવ્યા કે કેપ્ટન હાર્દિક પંડ્યા પ્રતિબંધને કારણે આઈપીએલની પહેલી મેચ રમી શકશે નહીં.ભારતમાં ક્રિકેટનો તહેવાર કહેવાતી ઈન્ડિયન પ્રીમિયર લીગની 18મી સીઝન 22 માર્ચથી શરૂ થવા જઈ રહી છે. પાંચ વખતની ચેમ્પિયન મુંબઈ ઈન્ડિયન્સ માટે છેલ્લી સિઝન ખરાબ સ્વપ્ન જેવી હતી.
હાર્દિક પંડ્યાની કેપ્ટનશીપ હેઠળ ટીમ ખરાબ રીતે નિષ્ફળ ગઈ અને ટૂર્નામેન્ટનો અંત ટેબલના અંતે રહ્યો. જો કે, આ વખતે મુંબઈ મજબૂત પ્રદર્શન કરવા માટે ઉત્સુક રહેશે. IPL 2025માં મુંબઈનો પહેલો મુકાબલો ચેન્નાઈ સુપર કિંગ્સ સાથે થશે. હાર્દિક પંડ્યા મુંબઈ ઈન્ડિયન્સ તરફથી પહેલી મેચ રમતો જોવા મળશે નહીં. ગયા સિઝનમાં ધીમા ઓવર રેટને કારણે હાર્દિક પર એક મેચનો પ્રતિબંધ મૂકવામાં આવ્યો હતો. હાર્દિકની જગ્યાએ સૂર્યકુમાર યાદવ ચેન્નાઈ સામે ટીમનું નેતૃત્વ કરી શકે છે.
સૂર્ય ટી20 ક્રિકેટમાં ટીમ ઈન્ડિયાનો કેપ્ટન પણ છે. રોહિત શર્મા મુંબઈ ઈન્ડિયન્સને પાર પહોંચાડવાની જવાબદારી સંભાળશે. હિટમેન ઇનિંગ્સની શરૂઆત કરતો જોવા મળશે અને તેને દક્ષિણ આફ્રિકાના ઉભરતા બેટ્સમેન રાયન રિકેલ્ટનનો સાથ મળી શકે છે. ત્રીજા નંબરે કોણ બેટિંગ કરવા આવે છે તે જોવું રસપ્રદ રહેશે.
