ટીમ ઇન્ડિયાથી બહાર ચાલી રહેલ યુઝવેન્દ્ર ચહલ કરશે વાપસી, IPL 2025 પછી આ ટીમમાંથી રમશે
યુઝવેન્દ્ર ચહલ કાઉંટી ચેમ્પિયનશીપ અને વનડે કપમાં રમશે : 2025 સિઝન માટે નોર્થમ્પટનશાયરમાં વાપસી થઇ, જૂનમાં ટીમ સાથે જોડાશે
ભારતના દિગ્ગજ લેગ સ્પિનર યુઝવેન્દ્ર ચહલે એક મોટો નિર્ણય લીધો છે. યુઝવેન્દ્ર ચહલે હવે બીજા દેશમાં જઈને ક્રિકેટ રમવાનું નક્કી કર્યું છે. યુઝવેન્દ્ર ચહલ કાઉન્ટી ચેમ્પિયનશિપ 2025માં નોર્થમ્પ્ટનશાયર માટે રમવાની તૈયારી કરી રહ્યો છે. યુઝવેન્દ્ર ચહલ IPL 2025 સીઝન પછી જૂનમાં નોર્થમ્પ્ટનશાયર ટીમમાં જોડાશે. યુઝવેન્દ્ર ચહલ કાઉન્ટી ચેમ્પિયનશિપ અને ODI કપ બંનેમાં ભાગ લેશે, તેની પહેલી મેચ 22 જૂને મિડલસેક્સ સામે થવાની ધારણા છે.
યુઝવેન્દ્ર ચહલે વર્ષ 2024માં નોર્થમ્પ્ટનશાયર માટે કાઉન્ટી ચેમ્પિયનશિપ અને ODI કપમાં ભાગ લીધો હતો. યુઝવેન્દ્ર ચહલે ODI કપમાં કેન્ટ સામેની પોતાની ડેબ્યૂ મેચમાં પાંચ વિકેટ ઝડપી હતી. યુઝવેન્દ્ર ચહલે બાદમાં કાઉન્ટી ચેમ્પિયનશિપમાં ડર્બીશાયર સામેની મેચમાં 99 રન આપીને 9 વિકેટ લીધી, જે તેના કારકિર્દીનું શ્રેષ્ઠ પ્રદર્શન હતું. યુઝવેન્દ્ર ચહલે 41 ફર્સ્ટ ક્લાસ મેચોમાં 33.79 ની સરેરાશથી 115 વિકેટ લીધી છે.
યુઝવેન્દ્ર ચહલે કહ્યું, ‘ગઈ સિઝનમાં મેં અહીં (ઈંગ્લેન્ડની કાઉન્ટી સિઝનમાં) મારો સમય ખૂબ માણ્યો હતો, તેથી હું પાછા આવીને ખૂબ ખુશ છું. તે ડ્રેસિંગ રૂમમાં કેટલાક મહાન લોકો છે, અને હું ફરીથી તેનો ભાગ બનવા માટે રાહ જોઈ શકતો નથી. અમે સિઝનના અંતમાં કેટલીક શાનદાર ક્રિકેટ રમી હતી, તેથી આશા છે કે અમે તેનું પુનરાવર્તન કરી શકીશું અને કેટલીક જીત મેળવી શકીશું.’ યુઝવેન્દ્ર ચહલ IPLમાં સૌથી વધુ 205 વિકેટ લેનાર બોલર છે. યુઝવેન્દ્ર ચહલે ઓગસ્ટ 2023 પછી ભારત માટે કોઈ આંતરરાષ્ટ્રીય મેચ રમી નથી.
યુઝવેન્દ્ર ચહલ 2024માં T20 વર્લ્ડ કપ જીતનાર ભારતીય ટીમનો ભાગ હતો, પરંતુ તેને એક પણ મેચ રમવાની તક મળી ન હતી. નોર્થમ્પ્ટનશાયરના નવા મુખ્ય કોચે ચહલની વાપસી વિશે વાત કરી. તેમણે કહ્યુ- ‘હું ખરેખર ઉત્સાહિત છું કે વિશ્વના શ્રેષ્ઠ લેગ-સ્પિનરોમાંથી એક આ સિઝનમાં નોર્થમ્પ્ટનશાયરમાં વાપસી કરી રહ્યો છે. તે અમૂલ્ય અનુભવ લાવે છે, અને તે એક સજ્જન છે જે રમતને પ્રેમ કરે છે. જૂનના મધ્યથી સિઝનના અંત સુધી તેને ઉપલબ્ધ રાખવું અમારા માટે ખૂબ જ સારું રહેશે.’
The wizard will be back at Wantage Road 🪄
Indian leg spinner @yuzi_chahal will return to Northamptonshire from June until the end of the season. 🔥
Read more 👉 https://t.co/HFVORR3w46 pic.twitter.com/DBp62wiusw
— Northamptonshire CCC (@NorthantsCCC) March 13, 2025
