વાયરલ

પોતાની રીક્ષા લઈને આ ભાઈ પહોંચ્યો રેલવે પ્લેટફોર્મ ઉપર. નજારો જોઈને લોકો પણ રહી ગયા હેરાન, પરંતુ પછી જે થયું તે… જુઓ વીડિયો

ઇન્ટરનેટ ઉપર રોજ ઘણા બધા વીડિયો વાયરલ થતા હોય છે, ઘણા વીડિયોની અંદર કેટલીક એવી ઘટનાઓ પણ કેદ થતી હોય છે જેને જોઈને કોઈપણ હેરાન રહી જાય. ઘણીવાર ઘણા વીડિયો લોકો એવા એવા કામ કરતા હોય છે જેના કારણે પણ તેમને મુશ્કેલીઓનો સામનો કરવો પડે છે. હાલ એવો જ એક વીડિયો સામે આવ્યો છે, જેમાં એક વ્યક્તિ રેલવે પ્લેટફોર્મ ઉપર રીક્ષા દોડાવી રહ્યો હતો, પરંતુ તેને ખબર નહોતી કે વીડિયો વાયરલ થયા બાદ તેની શું હાલત થવાની હતી.

મુંબઈના કુર્લા રેલવે સ્ટેશનના પ્લેટફોર્મ પર ઓટોરિક્ષા ચલાવતા એક વ્યક્તિનો વીડિયો સોશિયલ મીડિયા પર વાયરલ થઈ રહ્યો છે. જ્યારે આ મામલો વાયરલ થયો, ત્યારે રેલ્વે પોલીસ (જીઆરપી) એ માહિતી આપી કે સંબંધિત ઓટોરિક્ષા ચાલકને કોર્ટમાં રજૂ કરવામાં આવ્યો હતો જ્યાં તેને રેલ્વે એક્ટની કલમ 159 હેઠળ ₹500નો દંડ ફટકારવામાં આવ્યો હતો. વાયરલ ક્લિપમાં જોઈ શકાય છે કે રિક્ષાવાળો પ્લેટફોર્મ પર રિક્ષાને ભગાડી રહ્યો હતો. પછી એક વ્યક્તિએ તેને રોક્યો અને ઓટોવાળાને આ કૃત્ય માટે ઠપકો આપ્યો, ત્યારબાદ ઓટો ચાલકે રસ્તો બદલી નાખ્યો!

સમાચાર એજન્સી ANIના ટ્વીટ અનુસાર, મુંબઈના ડ્રાઈવરને કુર્લા રેલવે સ્ટેશનના પ્લેટફોર્મ પર ઓટો ચલાવવા બદલ પકડવામાં આવ્યો હતો. કોર્ટમાં રજૂ કર્યો હતો. ‘મુંબઈ રેલ્વે પોલીસ’ના સત્તાવાર ટ્વિટર હેન્ડલે 16 ઓક્ટોબરના રોજ ટ્વિટ કર્યું હતું કે સંબંધિત ઓટો-રિક્ષા ચાલકને માનનીય કોર્ટમાં રજૂ કરવામાં આવ્યો હતો જ્યાં તેને રેલવે એક્ટની કલમ 159 હેઠળ રૂ. 500નો દંડ ફટકારવામાં આવ્યો હતો.

આ વીડિયો સોશિયલ મીડિયાના અલગ-અલગ પ્લેટફોર્મ પર શેર કરવામાં આવી રહ્યો છે. આ ક્લિપ ટ્વિટર પર @thunderonroad હેન્ડલથી શેર કરવામાં આવી હતી. તેણે કેપ્શનમાં લખ્યું – જ્યારે ટ્રેનો મોડી દોડશે, ત્યારે અમને સીધા રેલવે પ્લેટફોર્મ પર જ ઓટો સેવા મળશે.. કુર્લા સ્ટેશન…. આનો શ્રેય મુંબઈ ટ્રાફિક પોલીસ વિભાગને જાય છે. તમને જણાવી દઈએ કે, આ વીડિયોને અત્યાર સુધીમાં લાખો લોકો જોઈ ચુક્યા છે અને હજારો લોકોએ લાઈક કર્યો છે. આ ઉપરાંત ઘણા લોકો કોમેન્ટ કરીને અલગ અલગ પ્રતિભાવ આપી રહ્યા છે.