બોલિવૂડ અભિનેત્રી જેકલીન ફર્નાન્ડીઝનું નામ છેલ્લા દિવસોમાં લોકોને છેતરનાર સુકેશ ચંદ્રશેખર સાથે જોડાયું હતું. જો કે જેકલીને એ વાતનો ઈન્કાર કર્યો છે કે તે સુકેશને ડેટ કરી રહી છે, પરંતુ હવે તેની એક તસવીર સામે આવી છે. સુકેશ ચંદ્રશેખર સામે 200 કરોડની ખંડણીનો કેસ ચાલી રહ્યો છે. જેકલીન અને સુકેશની તસવીર સોશિયલ મીડિયા પર ચર્ચાનો વિષય બની રહી છે. કહેવામાં આવી રહ્યું છે કે આ તસવીર આ વર્ષે એપ્રિલથી જૂન વચ્ચેની છે જ્યારે સુકેશ ચંદ્રશેખર વચગાળાના જામીન પર જેલમાંથી બહાર આવ્યો હતો. કહેવામાં આવી રહ્યું છે કે બંને ચેન્નાઈમાં 4 વખત મળ્યા હતા. પ્રવર્તન નિદેશાલયનું કહેવુ છે કે સુકેશે જેકલીનના આવવા જવા માટે પ્રાઇવેટ જેટની પણ વ્યવસ્થા કરી હતી.
જેકલીન ફર્નાન્ડીઝ અને સુકેશ ચંદ્રશેખર વચ્ચેના સંબંધોને લઈને આ સમાચાર આજે પહેલીવાર સામે આવ્યા નથી. આ પહેલા 23 ઓક્ટોબરે ચંદ્રશેખરના વકીલે મીડિયાને કહ્યું હતું કે જેકલીન 200 કરોડના મની લોન્ડરિંગ કેસના આરોપી સુકેશને ડેટ કરી રહી છે. હવે બંનેની એક તસવીર સોશિયલ મીડિયા પર જોરદાર વાયરલ થઈ રહી છે, જેમાં બંને ખૂબ જ સુંદર લાગી રહ્યા છે. તસવીરમાં બંનેની સારી બોન્ડિંગ જોવા મળી રહી છે. ગયા મહિને સુકેશ ચંદ્રશેખર સંબંધિત કેસમાં EDએ જેકલીનની લગભગ 7 કલાક પૂછપરછ કરી હતી. સુકેશ અને તેની પત્ની અભિનેત્રી મારિયા પોલ 200 કરોડ રૂપિયાની ખંડણીના કેસનો સામનો કરી રહ્યા છે.
જો કે આ તમામ આરોપો પર જેકલીનના પ્રવક્તાએ કહ્યું કે જેકલીનને EDએ સાક્ષી તરીકે બોલાવી હતી અને તેનું નિવેદન નોંધ્યું છે. આજતકના અહેવાલ મુજબ, આ તસવીર તે સમયની છે જ્યારે સુકેશ ચંદ્રશેખર તિહાર જેલમાંથી જામીન પર બહાર આવ્યો હતો. તિહાર છોડ્યા બાદ તે ફ્લાઈટ દ્વારા ચેન્નાઈ ગયો અને ત્યાંની એક ફાઈવ સ્ટાર હોટલમાં જેકલીનને મળ્યો. મહત્વની વાત એ છે કે જે મોબાઈલ ફોનથી તે જેકલીન સાથેની પળને કેદ કરવાનો પ્રયાસ કરી રહ્યો છે. તે એ જ આઈફોન છે, જેમાં તેણે 200 કરોડની ઉચાપત કરવા માટે ઈઝરાયેલના સિમ કાર્ડનો ઉપયોગ કર્યો હતો. જેકલીન અને સુકેશની જે તસવીર સામે આવી છે તેમાં સુકેશ જેકલીનને કિસ કરી રહ્યો છે.
સૌથી આશ્ચર્યની વાત એ છે કે જામીન દરમિયાન પણ સુકેશ આ જ મોબાઈલ ફોનનો આડેધડ ઉપયોગ કરી રહ્યો હતો.સુકેશ ચંદ્રશેખરના વકીલ અનંત મલિક દ્વારા જેકલીન અને સુકેશ વચ્ચેના સંબંધોને લઈને આપેલા નિવેદન બાદ જેકલીનના પ્રવક્તાએ નિવેદનમાં કહ્યું, ‘ઈડી જેકલીન ફર્નાન્ડિસને સાક્ષી તરીકે બોલાવી રહી છે. તેણે તેના નિવેદનો નોંધ્યા છે અને ભવિષ્યની તપાસમાં પણ એજન્સીને સંપૂર્ણ સહકાર આપશે.
જેક્લિને તે કથિત નિંદનીય નિવેદનોનું ખંડન કર્યુ છે, જે કપલ સાથે તેમના સંબંધોને લઇને છે. તમને જણાવી દઈએ કે સુકેશે પોતાને ચેન્નાઈનો એક મોટો બિઝનેસમેન જણાવીને જેકલીન સાથે મિત્રતા કરી હતી અને ત્યારબાદ સુકેશે જેકલીનને કરોડોની મોંઘી ભેટ પણ આપી હતી. આ જ કારણ હતું કે જેકલીનને ED દ્વારા સમન્સ મોકલવામાં આવ્યું હતું અને તેને ED પૂછપરછમાં હાજરી આપતી વખતે તમામ ક્રેડિટ કાર્ડ ટ્રાન્ઝેક્શન વિગતો સાથે તેની બેંક વિગતો લાવવાનું કહેવામાં આવ્યું હતું.
