સોશિયલ મીડિયા ઇન્ફ્લુએન્સર કમ્યુનીટી તરફથી એક દુઃખદ સમાચાર સામે આવ્યા છે, પ્રખ્યાત ડિજિટલ ક્રિએટર અને સોશિયલ મીડિયા સ્ટાર મીશા અગ્રવાલનું 24 વર્ષની વયે નિધન થયું છે. તેણી 26 એપ્રિલે પોતાનો જન્મદિવસની ઉજવણી કરવાની હતી, પરંતુ તેના બે દિવસ પહેલા જ તેણે આ દુનિયાને અલવિદા કહી દીધું. આ સમાચારની પુષ્ટિ તેના પરિવાર દ્વારા એક સત્તાવાર પોસ્ટ દ્વારા કરવામાં આવી છે.
પરિવારે લખ્યું,’ભારે હૃદયે, અમે તમને દુ:ખદ સમાચાર આપવા જઈ રહ્યા છીએ કે મીશા અગ્રવાલ હવે આ દુનિયામાં નથી.’ તમે તેમને અને તેમના કામને જે પ્રેમ અને સમર્થન આપ્યું છે તે બદલ આભાર. અમે હજુ પણ આ મોટા નુકસાનમાંથી બહાર નીકળવાનો પ્રયાસ કરી રહ્યા છીએ. કૃપા કરીને તેને તમારી પ્રાર્થનામાં યાદ રાખો અને તેને તમારા મનમાં રાખો. પોસ્ટના કેપ્શનમાં લખ્યું છે, ‘અમે આ નુકસાનની કલ્પના પણ કરી શકાતી નથી. અમારી પાસે શબ્દો નથી, ધ્યાન રાખજો.
આ પોસ્ટ પછી, મીશાની બહેન મુક્તા અગ્રવાલે કહ્યું, ‘કૃપા કરીને ગભરાશો નહીં.’ તમને આ જાણવાનો અધિકાર છે, તેથી જ અમે આ અપડેટ તમારી સાથે શેર કરી રહ્યા છીએ. શું થયું અને કેવી રીતે થયું તે અમે અત્યારે કહી શકવાની સ્થિતિમાં નથી. કૃપા કરીને તમારું ધ્યાન રાખજો.
શરૂઆતમાં ઘણા લોકોને વિશ્વાસ ન આવ્યો અને કેટલાકને લાગ્યું કે તે કોઈ મજાક અથવા બર્થડે પ્રેંક છે. પરંતુ સમાચારની પુષ્ટિ થતાં જ સોશિયલ મીડિયા પર શોકની લહેર ફેલાઈ ગઈ. ફેન્સ અને ફોલોવર્સ મીશાને શ્રદ્ધાંજલિ આપીને પોતાની લાગણીઓ વ્યક્ત કરી રહ્યા છે. એક યુઝરે લખ્યું, “મને આશા છે કે આ સમાચાર ખોટા હોય, તે ખૂબ જ સુંદર અને પ્રતિભાશાળી હતી. તેના પરિવાર માટે પ્રાર્થના.” જ્યારે બીજાએ લખ્યું, “હજી પણ વિશ્વાસ નથી થઈ રહ્યો. તે ખૂબ જ સારી હતી. હંમેશા યાદ રહેશે.”
મીશાની વાત કરીએ તો તે ઉત્તર પ્રદેશના પ્રયાગરાજની રહેવાસી હતી. મીશાએ ઘણા સમયથી સોશિયલ મીડિયા પર પોતાની અદ્ભુત ઓળખ બનાવી છે. મીશાએ 2017માં યુટ્યુબ પર ‘ધ મીશા અગ્રવાલ શો’ નામની એક ચેનલ શરૂ કરી હતી. મીશા અગ્રવાલ તેની ખુશમિજાજ શૈલી, સર્જનાત્મક અને સંબંધિત સામગ્રી અને બોલવાની રીત માટે જાણીતી હતી. તેમનો દર્શકો સાથે ઊંડો સંબંધ હતો.
ઇન્સ્ટાગ્રામ પર તેના 3 લાખથી વધુ ફોલોવર્સ હતા, અને તે તેની ફેશન, લાઈફસ્ટાઇલ અને મોટીવેશનલ કન્ટેન્ટ માટે જાણીતી હતી. તેના અચાનક અવસાનથી તેના પરિવાર અને મિત્રોને મોટો આઘાત લાગ્યો છે. જોકે, મીશા અગ્રવાલના મોત પાછળનું કારણ હજુ સુધી બહાર નથી આવ્યું.
