ખબર મનોરંજન

ભાઇજાનના સવાલ પર ‘રોકી ભાઇ’નો જવાબ ! સલમાને પૂછ્યુ- સાઉથમાં કેમ નથી ચાલતી અમારી ફિલ્મો ? યશે આપ્યો આ જવાબ

છેલ્લા કેટલાક સમયથી સાઉથની ફિલ્મો બોક્સ ઓફિસ પર બોલિવુડ ફિલ્મોને માત આપતી જોવા મળી રહી છે. આ સિલસિલો બાહુબલી ફિલ્મથી શરૂ થયો હતો, જે રૂકવાનું નામ જ નથી લઇ રહ્યો. KGF, પુષ્પા, RRR અને હવે KGF ચેપ્ટર 2ને દેશભરમાં ખૂબ જ જોરદાર રિસ્પોન્સ મળી રહ્યો છે. KGF ચેપ્ટર 2 તો હજી રીલિઝ પણ નથી થઇ ત્યાં ફિલ્મે એડવાન્સ બુકિંગની મદદથી 25 કરોડ કમાવી લીધા છે. જયાં RRR દુનિયાભરમાં 1000 કરોડની કમાણી કરી ચૂકી છે. હાલમાં જ સલમાન ખાને RRRની પ્રશંસા કરી હતી અને સાથે સાથે એ વાતની ચિંતા જતાવી હતી કે કેમ બોલિવુડ ફિલ્મો સાઉથમાં નથી ચાલતી ? આના પર KGF સ્ટાર યશે રિએક્ટ કર્યુ છે.

સલમાન ખાને રામ ચરણના જન્મદિવસ નિમિત્તે તેને શુભેચ્છા પાઠવી હતી અને તેની ફિલ્મ RRR માટે પ્રશંસા કરી હતી. તેણે કહ્યું- રામ ચરણે આરઆરઆરમાં અદ્ભુત કામ કર્યું છે. મેં તેમને તેમના જન્મદિવસ પર શુભેચ્છા પાઠવી અને ફિલ્મની સફળતા માટે પણ શુભેચ્છા પાઠવી. મને તેમના પર ખૂબ ગર્વ છે. મને સારું લાગે છે કે તેઓ સારી રીતે ચાલે છે. પણ મને એ પણ આશ્ચર્ય થાય છે કે શા માટે આપણી ફિલ્મો ત્યાં સારી નથી ચાલતી. તેની ફિલ્મો અહીં સારો બિઝનેસ કરી રહી છે. હવે આના પર KGF ચેપ્ટર 2 સાથે દર્શકો વચ્ચે દેખાયા યશે કહ્યું – આવું બનતું નથી.

અગાઉ અમારી ફિલ્મોને પણ આટલો સારો પ્રતિસાદ મળ્યો ન હતો. પહેલા અને હવે જે પ્રકારનું ડબિંગ થતું હતું તેમાં તફાવત છે. હવે લોકો ધીમે ધીમે જાણી રહ્યા છે કે અમે કેવા પ્રકારની સામગ્રી બનાવી રહ્યા છીએ. પહેલા લોકો તેને મનોરંજન માટે જ લેતા હતા. કેટલાક લોકો તેને મજાકમાં લેતા હતા. જે પ્રકારનું ડબિંગ થયું તેના કારણે આ થયું. સાઉથની ફિલ્મોને કોઈ ગંભીરતાથી લેતું ન હતું અને તેને એટલું મહત્વ પણ આપતું ન હતું. પરંતુ હવે લોકોને અમારી કહાની કહેવાની રીત ધીમે ધીમે પસંદ આવી રહી છે.

મને નથી લાગતું કે તે આ એક રાતમાં થયું. ધીમે ધીમે લોકો અમારી સામગ્રી સમજવા લાગ્યા. લોકો અમારી દિશાને સમજવા લાગ્યા. આ ઉપરાંત અમને બાહુબલી, એસએસ રાજામૌલી, સર પ્રભાસનો સપોર્ટ મળ્યો. અમારી ફિલ્મોએ કોમર્શિયલ રીતે સારો દેખાવ શરૂ કર્યો. આપણી સંસ્કૃતિમાં ઘણી વિવિધતાઓ છે. પરંતુ આપણે તેને આપણી શક્તિ બનાવવી જોઈએ, નબળાઈ નહીં. બધું સાપેક્ષતા પર આધાર રાખે છે. નોર્થ બેલ્ટની આવી ઘણી ફિલ્મો છે જે સાઉથમાં ઘણી જોવા મળે છે. અમને હિન્દી સ્ટાર્સની ઘણી ફિલ્મો ગમે છે.

સલમાન સાહેબે જે કહ્યું તે પાસું પણ સાચું છે. પણ એવું નથી કે અમે લોકો જોતા નથી. પરંતુ રિલીઝ કરતા પહેલા ફિલ્મના અન્ય ઘણા પાસાઓ પર વિચાર કરવો જરૂરી છે. તમે લોકો સાથે કેવી રીતે સહયોગ કરશો, ફિલ્મનું સારુ વિતરણ, જેમ એક્સેલ એન્ટરટેઈનમેન્ટ અહીં કરી રહ્યું છે. આપણે જાણવું જોઈએ કે કેવી રીતે ફિલ્મો યોગ્ય રીતે વેચવી. હું એવી સ્થિતિ ઈચ્છું છું કે, જ્યારે બોલિવૂડ કે સાઉથની ફિલ્મો રિલીઝ થાય, ત્યારે આખા દેશમાં તેની જ અસર જોવા મળે.

મૂવીઝ PAN (પ્રેઝન્સ અક્રોસ નેશન) ભારતમાં રિલીઝ થવી જોઈએ. હું ઈચ્છું છું કે આ જલ્દી થાય. તમને જણાવી દઈએ કે યશની ફિલ્મ KGF 2 14 એપ્રિલે રિલીઝ થઈ રહી છે. તેમાં બોલિવૂડ સુપરસ્ટાર સંજય દત્ત પણ મહત્વની ભૂમિકામાં છે.