મેક્સિકોમાં ડગ માફિયાઓ વચ્ચે થયેલ ગોળીબારમાં હિમાચલ પ્રદેશની એક ટ્રાવેલ બ્લોગરનું મોત થયું છે. કેલિફોર્નિયાની ભારતીય મૂળની એક મહિલા, જે પોતાનો જન્મદિવસ મનાવવા માટે મેક્સિકો ગઈ હતી, તેને મેક્સિકોના એક રેસ્ટોરન્ટમાં ગોળી વાગી હતી. મહિલા અમેરિકાના કેલિફોર્નિયાના સેન જોસમાં રહેતી હતી. તેની સાથે આ ફાયરિંગમાં એક જર્મન પ્રવાસી જેનિફર હેનઝોલ્ડ પણ માર્યો ગયો છે. 29 વર્ષીય અંજલી ટ્રાવેલ બ્લોગર હતી. તે 22 ઓક્ટોબરે તેના જન્મદિવસ પહેલા સોમવારે તુલમ પહોંચી હતી. તેણે તેના ઇન્સ્ટાગ્રામ બાયોમાં પોતાને હિમાચલ પ્રદેશની એક ટ્રાવેલ બ્લોગર તરીકે વર્ણવી છે. જુલાઈથી અંજલી લિંક્ડ ઇન સાથે સિનિયર સાઇટ વિશ્વસનીયતા એન્જિનિયર તરીકે કામ કરી રહી હતી. આ પહેલા તે યાહૂમાં કામ કરતી હતી.
અંજલી પરણિત હતી. અંજલી હિમાચલ પ્રદેશના સોલનમાં હાઉસિંગ બોર્ડ કોલોનીની રહેવાસી છે. તેમના પિતાનું નામ કેડી રાયત છે. સ્પેનિશ અખબાર EL Pais અનુસાર, લગભગ 10:30 વાગ્યે, અંજલિ અને કેટલાક અન્ય લોકો રેસ્ટોરન્ટના ટેરેસ પર ડિનર કરી રહ્યા હતા. તે જ સમયે રાઇફલથી સજ્જ ચાર લોકોએ ગોળીબાર શરૂ કર્યો હતો. અંજલી તેની ચપેટમાં આવી ગઈ અને મરી ગઈ. આ ગોળીબારમાં એક જર્મન મહિલા જેનિફર હેન્ઝોલ્ડનું પણ મોત થયું હતું. આ સાથે નેધરલેન્ડ અને જર્મનીના અન્ય ત્રણ પ્રવાસીઓ પણ આ ફાયરિંગમાં ઘાયલ થયા છે. જે ગેંગ વચ્ચે ફાયરિંગ થયું હતું તે ગેંગ તે વિસ્તારમાં ડગ સપ્લાય કરે છે.
મોતની ખબર અંજલીના ભાઇ આશીષ સુધી અંજલીના પતિએ પહોંચાડી ત્યારબાદ આશિષે ભારતમાં રહેતા તેના પરિવારને અંજલીના મૃત્યુની જાણ કરી. અંજલીના મોતથી આખો પરિવાર શોકમાં ડૂબી ગયો છે. તેના ભાઈ આશિષે શહેરના મેયરને અંજલિના મૃતદેહને પરત લાવવાની પ્રક્રિયા ઝડપી બનાવવા વિનંતી કરી છે. અંજલિ પણ થોડા સમય પહેલા કેલિફોર્નિયાથી ફિલ્મ ઈન્ડસ્ટ્રી સાથે સંબંધિત ડિપ્લોમા કરવા મુંબઈ આવી હતી. કોર્સ પૂરો થયા બાદ તે હિમાચલ ગઈ હતી અને થોડો સમય તેના માતા -પિતા સાથે રહી હતી.
અંજલિના પિતા જણાવે છે કે તેમની પુત્રી નોકરીમાં ખૂબ સારું કામ કરી રહી હતી. આ સિવાય તે ટ્રાવેલ બ્લોગર પણ હતી. તેને દરેક જગ્યાએ ફરવાનો ખૂબ શોખ હતો. આ જ શોખ તેને મેક્સિકો પણ લઈ ગયો હતો. પરંતુ ત્યાં તે ફાયરિંગનો શિકાર બની અને પોતાનો જીવ ગુમાવ્યો. અંજલિના પતિ હાલમાં નેટફ્લિક્સમાં સિનિયર મેનેજર તરીકે કામ કરે છે.
