રશિયા-યુક્રેન બોર્ડર પર શરૂ થયેલો વિવાદ યુદ્ધમાં ફેરવાઈ ગયો છે. બંને દેશો વચ્ચે તણાવ ખૂબ જ વધી ગયો છે. રશિયાએ યુક્રેનમાં સૈન્ય કાર્યવાહી શરૂ કરી છે અને રશિયન દળો રાજધાની કિવમાં ઘૂસી ગયા છે. યુક્રેનના સ્વાસ્થ્ય મંત્રી લ્યાશ્કોએ ગુરુવારે જણાવ્યું હતું કે રશિયન હુમલામાં યુક્રેનના 57 નાગરિકો માર્યા ગયા છે અને 169 અન્ય ઘાયલ થયા છે.
મીડિયા રીપોર્ટ પ્રમાણે લ્યાશ્કો પાસેથી મળેલી તાજેતરની માહિતી અનુસાર, પ્રથમ દિવસની લડાઈ બાદ મૃતકોની સંખ્યા વધીને 137 થઈ હતી. યુક્રેનના રાષ્ટ્રપતિ વોલોદિમિર ઝેલેન્સકીએ તણાવ વચ્ચે વિશ્વભરના દેશોના વલણ અંગે નિરાશા વ્યક્ત કરી.
તેમણે કહ્યું કે અમે રશિયા સામે લડવા માટે એકલા પડી ગયા છીએ.યુક્રેનમાં રશિયન સેનાના હુમલા તેજ થયા છે. યુક્રેનિયન સમય અનુસાર સવારે લગભગ 4.30 વાગ્યે રાજધાની કિવમાં બે મોટા વિસ્ફોટ થયા. જો કે આ વિસ્ફોટોમાં જાનમાલના નુકસાન અંગે કોઈ માહિતી સામે આવી નથી.યુક્રેનની રાજધાની કિવમાં 7a Koshytsa Street પર 9 માળની રહેણાંક ઇમારતમાં 4થી 9 માળ સુધી ભયંકર આગ ફાટી નીકળી હતી.
આગ પર કાબૂ મેળવવા માટે રેસ્ક્યુ ટીમ ઘટના સ્થળે પહોંચી હતી, ઈમારતમાં કેટલાય લોકો ફસાયેલા હોઈ શકે છે. યુક્રેનના રાષ્ટ્રપતિ કાર્યાલયના સલાહકાર માયખાઈલો પોડોલ્યાકે જણાવ્યું હતું કે રશિયન દળોએ નાચેર્નોબિલ ન્યુક્લિયર પાવર પ્લાન્ટ પર કબજો કરી લીધો છે. તેમણે કહ્યું કે રશિયન હુમલા પછી પાવર પ્લાન્ટ સુરક્ષિત રહેશે કે કેમ તે કહેવું મુશ્કેલ છે. UNHCRના અંદાજ મુજબ, યુક્રેનમાં રશિયન દળો દ્વારા સતત બાંધકામ અને મિસાઇલોના ફાયરિંગને કારણે લગભગ 100,000 યુક્રેનિયનો વિસ્થાપિત થયા છે.
અમેરિકાના પ્રેસિડન્ટ જો બિડેને તેમના એક ટ્વીટમાં કહ્યુ કે, ‘યુક્રેનના લોકો માટે આગામી કેટલાક દિવસો, અઠવાડિયા અને મહિનાઓ મુશ્કેલ હશે. પુતિન તેમને ઘણી તકલીફો આપી રહ્યા છે, પરંતુ યુક્રેનના લોકો માટે આઝાદીના 30 વર્ષ થઈ ગયા છે અને તેઓએ બતાવ્યું છે કે જે કોઈ તેમના દેશને પાછો લેવાનો પ્રયાસ કરશે
તો તેઓ તે સહન કરશે નહીં. ઝેલેન્સકીએ તણાવ વચ્ચે વિશ્વભરના દેશોના વલણ પર નિરાશા વ્યક્ત કરી છે. તેમણે કહ્યું કે અમે રશિયા સામે લડવા માટે એકલા પડી ગયા છીએ. મીડિયા રિપોર્ટ્સ અનુસાર યુક્રેનની ગવર્નમેન્ટ ત્યાંના લોકોને પહેલેથી જ ચેતવી દીધા હતા કે આ યુદ્ધ લગભગ નક્કી જ છે. ગઈકાલ સવારથી રશિયાએ યુક્રેન પર હુમલો શરૂ કરી દીધો છે.
સ્થાનિક લોકો ડરના કારણે ગુરુવારે રાતે કિવમાં અંડરગ્રાઉન્ડ મેટ્રો સ્ટેશનો અને શેલ્ટરોમાં છુપાઈ ગયા હતા. આ યુદ્ધે હવે ગંભીર સ્વરૂપ લીધું છે. રશિયા યુક્રેન નાટોમાં ન જાય તે માટે સૈન્ય તાકાતથી તેને ડરાવી-ધમકાવી રહ્યું છે અને દેશને કબ્જે કરવા પ્રયત્ન કરી રહ્યું છે પરંતુ આ કપરી સ્થિતિમાં પણ દેશના લોકો શું ઈચ્છે છે કે દેશના લોકોની ભાવના શું છે તે કોઈ રાષ્ટ્રીય સ્તરે નેતાઓને નથી કહી શકતું.
