આ ઘટના વર્ષ 2019ની છે. પૂર્વ દિલ્હીમાં રાત્રિના રોજ એક લગ્નમાં કોઈએ ગોળીબાર કર્યો હતો. ગોળી સ્ટેજ પર દુલ્હનને વાગી હતી. આ દરમિયાન, કન્યાને તાત્કાલિક નજીકની હોસ્પિટલમાં લઈ જવામાં આવી હતી. બાદમાં હોસ્પિટલમાંથી પરત આવ્યા બાદ દુલ્હનએ ઇજાગ્રસ્ત હાલતમાં લગ્નની બાકીની વિધિઓ પૂર્ણ કરી હતી. શકરપુરના શિવ મંદિર ધામના મંડાવલી નિવાસી અને ગીતા કોલોનીના ફૂલના વેપારી ભરતના લગ્ન શકરપુરના પ્રાચીન શિવ મંદિર ધર્મશાળામાં થયા હતા.
જયમાલા દરમિયાન, વર-કન્યા સ્ટેજ પર પહોંચતા જ અચાનક કોઈએ ગોળીબાર કર્યો. ગોળી કન્યાના પગમાં વાગી અને કન્યા ત્યાં જ પડી ગઈ. ઘટના બાદ વાતાવરણ ખૂબ જ ગંભીર બની ગયું હતું. છેલ્લા ઘણા મહિનાઓથી લગ્નની તૈયારીઓ ચાલી રહી હોવાથી પરિવાર અને સંબંધીઓ ખૂબ જ નિરાશ દેખાતા હતા. બધાને કન્યાની ચિંતા હતી.મામલાની માહિતી મળતાં, પોલીસ ઘટનાસ્થળે ઘણી પૂછપરછ કર્યા પછી પણ આરોપીઓને શોધી શકી ન હતી.
આ દરમિયાન, કન્યાએ હિંમતભર્યો નિર્ણય એ લીધો કે તે ત્યારે જ લગ્ન પૂર્ણ કરશે. કન્યાએ પરિવારના સભ્યો અને ડૉક્ટર સાથે વાત કરી અને તેમને મંદિર લઈ જવા કહ્યું. પહેલા તો ડોક્ટરે આ માટે પરવાનગી આપવાની ના પાડી દીધી, પરંતુ બાદમાં તે રાજી થઈ ગયા. આ પછી દુલ્હને ઇજાગ્રસ્ત હાલતમાં જ લગ્નની તમામ વિધિઓ પૂરી કરી.
સદનસીબે ગોળી કન્યાના પગમાં વાગી હતી. જો આ ગોળી શરીરના અન્ય ભાગમાં વાગી હોત તો મોટી દુર્ઘટના સર્જાઈ હોત.પોલીસે શક્યતા વ્યક્ત કરી હતી કે કોઈ નજીકના વ્યક્તિ દ્વારા ચલાવવામાં આવી હતી. જો કે, વર પક્ષના એક વ્યક્તિએ કહ્યું છે કે જાણીજોઈને ફાયરિંગ કર્યું છે. પોલીસે તપાસ શરૂ કરી હતી.
Delhi: A woman was shot in her legs at her wedding in Shakarpur area by an unknown person last night. The wedding later resumed after she received treatment at a hospital. Bridegroom says, “Don’t know who the person was. Bullet brushed past her legs. Police was later called here” pic.twitter.com/6IVMAwuH42
— ANI (@ANI) January 18, 2019
પોલીસ બુલેટ શોધી રહી હતી અને તેમનું કહેવું હતુ કે ગોળી મળ્યા બાદ આરોપી સુધી પહોંચવામાં સરળતા રહેશે અને ત્યારપછી જ નક્કી થશે કે આ ફાયરિંગ આનંદમાં કરવામાં આવ્યું હતું કે પછી કોઈએ જાણી જોઈને વર કે કન્યાને શિકાર બનાવ્યો હતો.
