ક્રિસ્ટીયાનો રોનાલ્ડો પાસે એક સમયે ખાવાના પણ પૈસા નહોતા અને આજે પહેરે છે દુનિયાની સૌથી મોંઘી ઘડિયાળ

ક્રિસ્ટીયાનો રોનાલ્ડો આજે એક એવું નામ છે જે દુનિયાભરમાં જાણીતું છે, તેની ગણતરી દુનિયાના મહાન ફૂટબોલરોમાં થાય છે. થોડા સમય પહેલા જ તે કોકાકોલાના વિવાદમાં પણ આવી ગયો હતો અને આ ઉપરાંત તે તેના આલીશાન જીવનને લઈને પણ હંમેશા ચર્ચામાં રહેતો હોય છે.

રોનાલ્ડો મોંઘી મોંઘી વસ્તુઓનો શોખીન છે અને તેના કારણે જ તે વૈભવી લાઈફ જીવે છે. રોનાલ્ડો દુનિયાની સૌથી મોંઘી કારનો પણ માલિક છે. તેની આ કાર સ્પોર્ટ્સ કાર કંપની બુગાટીની છે. કંપનીએ આવી 10 જ કાર બનાવી છે. આ કારનું નામ છે બુગાટી લા વાઓએવર (સેન્ડોટીસી). જેની કિંમત લગભગ 8.5 મિલિયન યુરો એટલે કે 75 કરોડ રૂપિયા જેટલી થાય છે.

રોનાલ્ડો ના ફક્ત મોંઘી કાર પરંતુ મોંઘી ઘડિયાળ અને આલીશાન લાઈફ સ્ટાઇલ માટે પણ જાણીતો છે. રોનાલ્ડો એક ઇવેન્ટમાં રોલેક્સ જીએમટી માસ્ટર આઈસ મોડલ વાળું ઘડિયાળ પહેરેલો જોવા મળ્યો હતો. આ ઘડિયાળની કિંમત ભારતીય નાણાં અનુસાર 3.5 કરોડ રૂપિયા છે. એટલે કે આટલી રકમમાં તો કોઈ BMW કાર પણ ખરીદી શકે.

રોનાલ્ડોએ 2019માં 55 લાખ પાઉન્ડ એટલે કે લગભગ 54 કરોડની કિંમત વાળું લક્ઝુરિયસ પાણીનું જહાજ પણ ખરીદ્યુ હતું. 88 ફૂટ લાંબા આ જહાજની અંદર 5 અલગ અલગ લકઝરી કેબીન અને રોયલ સુવિધા સભર 6 બાથરૂમ છે.

રોનાલ્ડોએ 2015માં એસ્ટ્રા ગેલેક્સી પ્લેનને 15 મિલિયન પાઉન્ડમાં ખરીદ્યુ હતું. એક સમય એવો પણ હતો જયારે તેની પાસે પેટ ભરવાના પણ પૈસા નહોતા. પરંતુ હવે તે પોતાની ગર્લફ્રેન્ડ અને પાર્ટનરને જાર્જિના રોડ્રિગ્સને પ્રાઇવેટ જેટમાં સફર કરાવે છે.

Niraj Patel