30,000 ફૂટની ઊંચાઈ પર ફ્લાઈટમાં બેઠેલી છોકરીને પસંદ આવી ગયો આગળ બેઠેલો છોકરો, 10 વર્ષ બાદ અનુભવ કર્યો શેર.. જુઓ વીડિયો
Couple Met In Indigo Flight : આપણા દેશમાં ઘણા લોકો રોજ મુસાફરી કરતા હોય છે અને મુસાફરી દરમિયાન ઘણા બધા અનુભવ પણ થતા હોય છે, ઘણીવાર અજાણ્યા લોકો સાથે કરેલી મુસાફરી જીવનભરનો સાથ બની જતી હોય છે. ત્યારે હાલ આવી જ એક ઘટનાનો વીડિયો સોશિયલ મીડિયામાં વાયરલ થઇ રહ્યો છે. આ વીડિયો એક છોકરા અને છોકરીનો છે, જેઓ એક સાથે ફ્લાઈટમાં મુસાફરી કરી રહ્યા હતા. અહીંથી તેમની વાર્તા શરૂ થઈ હતી, જે છેલ્લા 10 વર્ષથી ચાલી રહી છે.
આ કપલે તાજેતરમાં જ તેમની પ્રથમ મુલાકાત પછીની મિત્રતાના દસ વર્ષ પૂરા થવા પર એક સુંદર વિડિયો શેર કર્યો છે, જેને નેટીઝન્સ દ્વારા ખૂબ પસંદ કરવામાં આવી રહ્યો છે. આ વીડિયોમાં દેખાતા કપલના નામ સિદ્ધિ ચોખાની અને શુભમ પિલ્લઈ છે. બંનેની મુલાકાત ઈન્ડિગો એરલાઈન્સની ફ્લાઈટમાં થઈ હતી. વીડિયોમાં જોઈ શકાય છે કે સિદ્ધિ, જેને શુભમ ખૂબ ‘ક્યૂટ’ લાગતો હતો, તે તેની પાછળ બેઠી હતી. હિંમત ભેગી કરીને, તેણીએ ટીશ્યુ પેપર પર તેની લાગણીઓ લખી અને શુભમ તરફ મોકલી.
શુભમ તેને નેપકીન પરત કરે છે, જેના પર લખેલું છે, “તારી જેમ જ ક્યૂટ.” અહીંથી આ કપલની દોસ્તી શરૂ થયાને એક દાયકા જેટલો સમય થઈ ગયો છે. સિદ્ધિએ હાલમાં જ તેના ઈન્સ્ટાગ્રામ હેન્ડલ પર આ વીડિયો શેર કર્યો છે. આ સાથે તેણે લખ્યું, “આગળ એક દશક…” આ ક્યૂટ વીડિયો પર ઈન્ડિગો એરલાઈન્સે પણ દિલને સ્પર્શી જાય એવી પ્રતિક્રિયા આપી અને લખ્યું, “કોને ખબર હતી કે 30,000 ફૂટની ઊંચાઈ પર એક તક મળવાથી આવી મિત્રતા થઈ શકે છે, ઉંચી ઉડાન ભરી શકે છે? અહીં એવા અણધાર્યા સંબંધો છે જે જીવનની સફરને ખરેખર યાદગાર બનાવે છે.”
આ વિડિયોએ નેટીઝન્સનું ઘણું ધ્યાન ખેંચ્યું છે અને અત્યાર સુધીમાં આ વિડિયોને 11 લાખથી વધુ યુઝર્સ દ્વારા પસંદ કરવામાં આવ્યો છે અને 3.1 કરોડથી વધુ યુઝર્સે તેને જોયો છે. કેટલાક લોકો કોમેન્ટમાં કપલ પર પ્રેમ વરસાવી રહ્યા છે. ઘણા વપરાશકર્તાઓ કહે છે કે આ વાર્તાનો અંત રોમેન્ટિક ન હતો અને છોકરો ફ્રેન્ડઝોન બની ગયો. ઘણા યુઝર્સે એમ પણ કહ્યું કે આ વીડિયો માત્ર રીલ માટે જ તૈયાર કરવામાં આવ્યો છે.
View this post on Instagram
