ઇન્ટરનેટ ઉપર ડાન્સને લઈને ઘણા બધા વીડિયો વાયરલ થતા હોય છે, અને તેમાં પણ લગ્નમાં થતા ડાન્સ લોકો ખુબ જ પસંદ કરતા હોય છે. લગ્નમાં થતો નાગિન ડાન્સ જોઈને લોકો પણ મંત્રમુગ્ધ બની જતા હોય છે, ત્યારે હાલ પોલીસકર્મીઓનો નાગિન ડાન્સ વાયરલ થઇ રહ્યો છે, જેમાં ઇન્સ્પેકટર સાહેબ મદારી બન્યા છે અને પોલીસકર્મી નાગિન ડાન્સની ધૂન ઉપર ઝૂમતો જોવા મળી રહ્યો છે.
વાયરલ થઇ રહેલા વીડિયોમાં ઈન્સ્પેક્ટર જી મદારીની જેમ બીન વગાડતા જોવા મળે છે અને કોન્સ્ટેબલ સંપૂર્ણ નાગીન ડાન્સ કરી રહ્યો છે. આ વીડિયો ક્યારે અને ક્યાંનો છે તેની હજુ સુધી પુષ્ટિ થઈ નથી. પરંતુ ઈન્ટરનેટ પર આ ડાન્સ વીડિયો ખૂબ જ પસંદ આવી રહ્યો છે. આ ક્લિપ મંગળવારે ટ્વિટર યુઝર @JaikyYadav16 દ્વારા ટ્વીટ કરવામાં આવી હતી અને લખ્યું હતું – જ્યારે ઇન્સ્પેક્ટર જી બન્યા મદારી, નાગિન કોન્સ્ટેબલને તેમની બીન પર ડાન્સ કર્યો.”
તમને જણાવી દઈએ કે, આ વીડિયોને અત્યાર સુધીમાં 38 હજારથી વધુ વ્યૂઝ અને 1 હજારથી વધુ લાઈક્સ મળી ચૂક્યા છે. આ ઉપરાંત ઘણા બધા યુઝર્સ આ વીડિયો ઉપર કોમેન્ટ કરતા પણ નજર આવી રહ્યા છે. 18 સેકન્ડના આ વીડિયોમાં ઈન્સ્પેક્ટર જી અને કોન્સ્ટેબલનું પરફોર્મન્સ જોઈ શકાય છે.
વીડિયોમાં આસપાસ બેન્ડ છે, જેઓ નાગની ધૂન વગાડી રહ્યા છે. પછી ઈન્સપેક્ટર જી એક વાદ્ય લઈ લે છે અને મદારીની જેમ અભિનય કરવા લાગે છે, તેને બીનની જેમ લે છે, જ્યારે કોન્સ્ટેબલ પણ તેના હાવભાવ પર નાગની જેમ નાચવા લાગે છે. તે ઘૂંટણિયે પડી જાય છે અને હાથ વડે ઈશારો કરે છે અને ઈન્સ્પેક્ટર જી તરફ ઈશારો કરે છે. ત્યાં હાજર અન્ય પોલીસકર્મીઓ આ દ્રશ્ય જોઈને હસવા લાગે છે.
जब दारोगा जी बने सपेरा, नागिन कांस्टेबल को अपनी बीन पर नचाया।😂 pic.twitter.com/eVHCx3hJgo
— Jaiky Yadav (@JaikyYadav16) August 16, 2022
આ ક્લિપ જોઈને ઘણા લોકોએ પોતાની પ્રતિક્રિયા આપી. જ્યાં એક યુઝરે લખ્યું- શું ડાન્સ છે, મારે લગ્નમાં પણ આવો ડાન્સ કરવો જોઈએ. બીજી તરફ, અન્ય એક યુઝરે લખ્યું કે તે મલ્ટી ટેલેન્ટેડ છે. તે જ સમયે, જ્યારે લોકોએ પોલીસકર્મીઓની અનુશાસન વિશે વાત કરવાનું શરૂ કર્યું, ત્યારે એક યુઝરે લખ્યું કે તેમને પણ ખુશ રહેવાનો અધિકાર છે, તેમની અંદર પણ એક માણસ છે.
