આપણા દેશમાં ઘણીવાર બાળકોના જન્મ વિશિષ્ટ અંગો સાથે થતા હોય છે, ઘણીવાર આવા બાળકોને જોવા માટે હોસ્પિટલમાં ભારે ભીડ પણ જામતી હોય છે તો ઘણીવાર આવા અદભુત બાળકોને લોકો ચમત્કાર પણ માનતા હોય છે, હાલ એવી જ એક ઘટના સોશિયલ મીડિયામાં વાયરલ થઇ રહી છે, જેમાં એક બાળક વિશિષ્ટ અંગો સાથે જન્મ્યું હતું.
આ ઘટના સામે આવી છે ઉત્તર પ્રદેશના હરદોઈમાંથી. જ્યાં 4 હાથ અને 4 પગવાળા બાળકનો જન્મ થયો છે. આ બાળક સ્વસ્થ છે. આ બાળકના જન્મ બાદ લોકો તેને કુદરતનો ચમત્કાર ગણાવી રહ્યા છે. આ ઉપરાંત ઘણા લોકો આ બાળકની તુલના ‘ભગવાનના પુનર્જન્મ’ સાથે કરી રહ્યા છે.
જો કે ડોક્ટર સ્પષ્ટપણે કહે છે કે આ જોડિયા જન્મનો મામલો છે, પરંતુ બીજા બાળકનું શરીર યોગ્ય રીતે વિકાસ પામી શક્યું નથી, જેના કારણે એક બાળકના હાથ અને પગ વધારાના હતા. જન્મ પછી બાળકના ફોટા પણ સોશિયલ મીડિયા પર વાયરલ થયા હતા. ઉત્તર પ્રદેશના હરદોઈ જિલ્લાના શાહબાદ કોમ્યુનિટી હેલ્થ સેન્ટરમાં ગયા અઠવાડિયે નવજાતનો જન્મ થયો હતો. જન્મ સમયે બાળકનું વજન લગભગ 3 કિલો હતું.
2 જુલાઈએ જ્યારે બાળકની માતા કરીનાને લેબર પેઈન શરૂ થઈ ત્યારે તેને હોસ્પિટલમાં લાવવામાં આવી, જ્યાં તેણે 2 જુલાઈએ આ બાળકને જન્મ આપ્યો. આ બાળકના જન્મની જાણ આસપાસના વિસ્તારમાં ફેલાઈ જતાં લોકો તેને જોવા માટે ઉમટી પડ્યા હતા. શાહબાદ સીએચસી સેન્ટરની સ્ટાફ નર્સ રીમા દેવી વર્માના પ્રયાસો બાદ માતા અને બાળક બંને સ્વસ્થ છે. બાળકને સારવાર માટે શાહબાદથી હરદોઈ અને પછી લખનઉ મોકલવામાં આવ્યો હતો.
મેડિકલ ઓફિસર ડો. રમેશ બાબુએ જણાવ્યું કે આ જોડિયા બાળકોનો મામલો છે અને બીજા બાળકની થડ બાળકના પેટની ઉપર જોડાયેલી હોય તેવું લાગે છે, પરંતુ તેનો સંપૂર્ણ વિકાસ થઈ શક્યો નથી. આ વર્ષની શરૂઆતમાં, 17 જાન્યુઆરીએ, બિહારના કટિહારની સદર હોસ્પિટલમાં 4 હાથ અને 4 પગવાળા બાળક નો જન્મ થયો હતો. ત્યારબાદ બંગાળના રહેવાસી બાળકના પિતાએ કહ્યું હતું કે અલ્ટ્રાસાઉન્ડ કરવામાં આવ્યું હતું, પરંતુ તપાસ રિપોર્ટમાં ડોક્ટરોએ બાળકની તબિયત સારી હોવાનું જણાવ્યું હતું.
થિયેટરમાં ધૂમ મચાવી રહેલી ગુજરાતી
