છેલ્લા કેટલાક મહિનાથી ગુજરાત સમેત આખા દેશમાં બુલડોઝરનો જલવો જોવા મળી રહ્યો છે, ઘણી જગ્યાએ અવૈધ સંપત્તિ ઉપર બુલડોઝર ચલાવવામાં આવ્યા છે અને તેના ઘણા વીડિયો પણ સોશિયલ મીડિયામાં સામે આવ્યા છે, ત્યારે હાલ એક વીડિયો વિદેશમાંથી સામે આવ્યો છે, જ્યાં પણ બુલડોઝરનો જલવો જોવા મળી રહ્યો છે.
ન્યુ યોર્ક સિટીના મેયર એરિક એડમ્સે તાજેતરમાં શહેરમાં સેંકડો ગેરકાયદેસર અને ખતરનાક ટુ-વ્હીલર્સને બુલડોઝર વડે નાશ કરવાનો આદેશ આપ્યો હતો. ન્યૂ યોર્કની શેરીઓ વધુ સુરક્ષિત બનાવવાના પ્રયાસમાં ડર્ટ બાઈક અને ATV જપ્ત કરવામાં આવ્યા અને તેનો નાશ કરવામાં આવ્યો. જેમની પાસે અન્ય કોઈના ગેરકાયદેસર વાહનો છે તેમને સ્પષ્ટ સંદેશ મોકલવા માટેઆમ કરવામાં આવ્યું. મેયરે 100 ગેરકાયદે મોટરબાઈક પર બુલડોઝર ચલાવતો વીડિયો ટ્વીટ કર્યો.
New York City Mayor Eric Adams waved a checkered flag to start a bulldozing event, where 100 illegal dirt bikes and all-terrain vehicles, confiscated by the New York City Police Department, were crushed pic.twitter.com/DuzKOnWwAN
— Reuters (@Reuters) June 22, 2022
મેયર ઓફિસે ટ્વિટ કર્યું, ‘તમે અમારા પડોશમાં આતંક ફેલાવવા માંગો છો? તમે કચડાઈ જશો.’ રોઇટર્સે ટ્વિટર પર એક વિડિયો પોસ્ટ કર્યો છે જે દર્શાવે છે કે કેવી રીતે ન્યુ યોર્ક સિટી વહીવટીતંત્રે ડર્ટ બાઇકનો નાશ કરવા માટે બુલડોઝરનો ઉપયોગ કર્યો અને ATVs જપ્ત કર્યા. જેમાં મેયરને વિનાશ અભિયાનને લીલી ઝંડી બતાવી હતી. આ ક્લિપને 1.8 મિલિયનથી વધુ વખત જોવામાં આવી છે.
Illegal dirtbikes and ATVs endanger the lives of New Yorkers. We’re not letting them go unchecked.
This year we’ve already taken nearly 2,000 bikes off the street and we’re just getting started.
Get the message: you want to terrorize our neighborhoods?
You’ll get crushed. pic.twitter.com/snHjqfWr90
— Mayor Eric Adams (@NYCMayor) June 21, 2022
એનવાયસીના મેયરે જણાવ્યું હતું કે અમલીકરણ અભિયાન દરમિયાન લગભગ 900 બાઇક અને એટીવી જપ્ત કરવામાં આવ્યા હતા. તેમાંથી લગભગ 90 ટકા 2021માં જપ્ત કરવામાં આવ્યા હતા. તેમણે એમ પણ કહ્યું કે તેમાંથી મોટાભાગના દસ્તાવેજો અને વીમા વગરના હતા. કાર કોઈ બીજાની માલિકીની હતી, કોઈ અન્ય ચલાવતું હતું. આ વાહનો મોટાભાગે આસપાસના ઉપનગરો અને શહેરમાં સ્થાનિકોને ભયભીત કરવા માટે ઉપયોગમાં લેવાતી ATV અથવા ડર્ટ બાઈક ચલાવતી ગેંગ પાસેથી ચોરી કરવામાં આવે છે.
