આપણા જ્યોતિષ શાસ્ત્રોમાં જણાવ્યા પ્રમાણે દરેક ગ્રહ પોતાના નિશ્ચિત સમયે રાશિ પરિવર્તન કરે છે. તેની અસર બધી રાશિઓ પર પડે છે. ગ્રહોના રાજકુમાર કહેવાતા બુધ કાલે એટલે કે 8 એપ્રિલે પોતાની રાશિ બદલવા જઈ રહ્યો છે. બુધનું મેષ રાશિમાં ગોચર થશે. ધન,બુદ્ધિ, તર્ક,વેપારના કારક ગ્રહ બુધનો મેષમાં પ્રવેશ કેટલીક રાશિના લોકો માટે ખુબ શુભ સાબિત થશે. તો આવો જાણીએ તે કઈ રાશિઓ છે જેની કિસ્મત બદલાઈ જશે.
1.મિથુન રાશિ: બુધનું ગોચર મિથુન રાશિના લોકો માટે સારા સમાચાર લઈને આવશે. તેમને આર્થિક રીતે લાભ થશે. આવકમાં વધારો થશે અને સફળતાના નવા દ્વાર ખુલશે. આ ઉપરાંત વેપાર ધંધામાં સારી સફળતા મળશે. રોકાણ કરવા માટે આ સમય ઉત્તમ છે. બધી જગ્યાએથી સારા સમાચાર આવશે.
2.કર્ક રાશિ: કર્ક રાશિના જાતકો માટે બુધ ગ્રહનું ગોચર નવી નોકરી અપાવી શકે છે. આ ઉપરાંત બેરોજગારો માટે પણ સારા દિવસો આવશે. તેમને કામ મળશે. નોકરીયાત લોકોને પ્રમોશન અને ઈન્ક્રીમેન્ટ મળશે. વેપારીઓને નવા નવા પ્રોજક્ટ મળશે. જેથી આ સમય દરમિયાન કર્ક રાશિના લોકો પર ધનવર્ષા થશે. આર્થિક કટોકટી દૂર થશે.
3.મીન રાશિ: મીન રાશિના લોકોને બુધનું ગોચર શુભ સંકેત લઈને આવી રહ્યું છે. તેમના અટકેલા તમામ કામો પૂર્ણ થશે. નોકરીમાં ઉચ્ચ પદ મળશે. વેપારમાં પણ લાભ થશે. અટવાયેલા પૈસા પરત મળશે. વિદ્યાર્થીઓ માટે પણ સારો સમય આવશે. પરિવારનો સાથ મળશે. નવું ઘર લેવાનો યોગ બનશે. શરીર સ્વાસ્થ્ય સારુ રહેશે.
4.ધન રાશિ: બુધ રાશિનું ગોચર ધન રાશિના જાતકો માટે પણ ફળદાઈ સાબિત થશે. વિદ્યાર્થીઓને સફળતા મળશે. બુધ દેવ તમારી બૌદ્ધિક ક્ષમતાઓને વધારશે. અઘરા વિષયોમાં પણ ધન રાશિના વિદ્યાર્થીઓ સફળતા મેળવશે. જો કે પ્રેમમાં પડેલા ધન રાશિના જાતકોએ થોડી સાવધાની રાખવાની જરૂર છે. આ સમયગાળા દરમિયાન તમારા સાથી સાથે વાદ વિવાદ કરવાનું ટાળો. પતિ પત્નિ વચ્ચે સારા સંબંધો રહેશે. વેપાર ધંધામાં પણ ધારી સફળતા મળશે. નોકરીયાત લોકો પ્રમોશન મળશે. અટકેલા કામો પૂરા થશે. આ ઉપરાંત અજાણ્યા લોકો તરફથી ધન લાભ થશે. પરિવારમાં માન સન્માન વધશે. આર્થિક કટોકટી દૂર થશે.
