પંજાબ સામે બેટિંગ કરવા ઉતરેલા રાજસ્થાનના બેટ્સમને ગળામાં પહેર્યું એવું અનોખું ડિવાઈઝ કે શરૂ થઇ ગઈ ચર્ચાઓ, જુઓ શું કામ કરે છે તે ડિવાઈઝ
Better Q Came To Play Wearing A Collar : હાલ દેશભરમાં આઇપીએલનો માહોલ ચાલી રહ્યો છે અને સોશિયલ મીડિયામાં પણ આઇપીએલના ઘણા બધા વીડિયો વાયરલ તથા હોય છે, જેમાં ઘણી એવી ઘટનાઓ પણ જોવા મળે છે જેને જોઈને લોકો હેરાન પણ રહી જાય છે. ત્યારે આ દરમિયાન બુધવારે જ્યારે રાજસ્થાન રોયલ્સ ટીમ પંજાબ કિંગ્સ સામે મેદાનમાં આવી ત્યારે ટોમ કોહલર કુડમોર યશસ્વી જયસ્વાલ સાથે ઇનિંગની શરૂઆત કરવા આવ્યો હતો. ટોમ તેના બેટથી વધારે પ્રભાવિત કરી શક્યો ન હતો અને 18 રન બનાવીને આઉટ થયો હતો.
પરંતુ આ ખેલાડીએ પોતાની 23 બોલની ઈનિંગમાં કંઈક એવું કર્યું કે જ્યાં સુધી તે મેદાન પર હતો ત્યાં સુધી બધાનું ધ્યાન આ ખેલાડી પર હતું. બેટિંગ કરતી વખતે, ટોમ તેના ગળામાં કંઈક પહેરીને બહાર આવ્યો જેને ક્યૂ કોલર કહેવાય છે. આ ક્યુ કોલર એક પ્રકારનું ઉપકરણ છે જે ખેલાડીઓને માથાની ઇજાઓથી બચાવે છે અને તેની અસરોને ઘણી હદ સુધી ઘટાડે છે. આ ઉપકરણ ગરદનની ચોક્કસ નસને દબાવે છે, જેનાથી માથામાં લોહીનો પ્રવાહ વધે છે અને માથામાં લોહી રહે છે.
અમેરિકન ડૉક્ટર ડેવિડ સ્મિથે આ ઉપકરણની શોધ કરી હતી. એક પક્ષીને જોયા બાદ તેમને આ વિચાર આવ્યો. લક્કડખોદનું શરીર જે મિકેનિઝમ દ્વારા કામ કરે છે તે જોયા પછી સ્મિથને આ ઉપકરણ બનાવવાનો વિચાર આવ્યો. જ્યારે લક્કડખોદ તેની ચાંચથી ઝાડના થડમાં છિદ્ર બનાવે છે, ત્યારે તેની ગરદન કુદરતી રીતે સંકોચાય છે. જેના કારણે ગરદનમાં લોહીનો સંપૂર્ણ પ્રવાહ બંધ થઈ જાય છે. આ કારણે લક્કડખોદની ચાંચ પરનો ફટકો માથા સુધી પહોંચતો નથી.
ક્રિકેટમાં કદાચ આ પહેલો પ્રસંગ હતો જ્યારે કોઈ બેટ્સમેન ક્યુ કોલરનો ઉપયોગ કરતો જોવા મળ્યો હતો, પરંતુ આ ઉપકરણ નવું નથી. આ ઉપકરણનો ઉપયોગ ઘણી રમતોમાં થાય છે. ક્યુ કોલરનો ઉપયોગ રગ્બી, અમેરિકન ફૂટબોલ, યુરોપિયન ફૂટબોલમાં થાય છે. ક્રિકેટમાં હેલ્મેટ વધુ સારું સાધન છે. આ ખેલાડીઓને ઈજાથી બચાવે છે. એટલા માટે આપણે મગજની ઈજાના ન્યૂનતમ કિસ્સાઓ જોઈએ છીએ. જો કે, ક્રિકેટ મેચ દરમિયાન ખેલાડીઓને ગંભીર ઈજાઓ થઈ હોય તેવા પ્રસંગો બન્યા છે.
