આજના સમયમાં ચા એ ભારતીયોના જીવનનો અભિન્ન ભાગ બની ગઈ છે. લોકો સવારથી સાંજ સુધી ચાની ચુસ્કીઓનો આનંદ માણે છે. પરંતુ હવે ચા બનાવવાની પરંપરાગત રીત બદલાઈ રહી છે અને નવા પ્રયોગો થઈ રહ્યા છે. તાજેતરમાં અમૃતસરના એક ચા વિક્રેતાએ આવો જ એક અનોખો પ્રયોગ કર્યો છે, જે સોશિયલ મીડિયા પર ખૂબ વાયરલ થઈ રહ્યો છે.
આ ચા વિક્રેતા એક કપ ચાના ૧૦૦ રૂપિયા લે છે, જે સામાન્ય ચાની કિંમત કરતાં ઘણી વધારે છે. પરંતુ આ ચામાં માત્ર ચા પત્તી, દૂધ અને ખાંડ જ નહીં, પરંતુ બદામ, ગુલાબની પાંખડીઓ, એલચી અને માખણ જેવી વિશેષ સામગ્રી ઉમેરવામાં આવે છે. ફૂડ બ્લોગર સુકૃત જૈને આ ચા વિક્રેતાનો વીડિયો ઇન્સ્ટાગ્રામ પર શેર કર્યો, જેણે ઇન્ટરનેટ પર ખળભળાટ મચાવી દીધો છે.
સોશિયલ મીડિયા યુઝર્સના પ્રતિભાવો જોઈએ તો કેટલાક લોકો માખણના ઉપયોગ પર આશ્ચર્ય વ્યક્ત કરી રહ્યા છે, તો કેટલાક આને ચા માનવાની ના પાડી રહ્યા છે. એક યુઝરે મજાકમાં લખ્યું કે “૧૦૦ રૂપિયાની ચા અને તે પણ ચા પત્તી વગરની?” બીજા એક યુઝરે કહ્યું કે “લાગે છે ચા વિક્રેતા મટન મસાલો અને દહીં નાખવાનું ભૂલી ગયો.” કેટલાક લોકોએ તો આને શીર-ખુરમા સાથે સરખાવી, કારણ કે તેમાં વપરાયેલી સામગ્રી શીર-ખુરમા જેવી જ છે.
View this post on Instagram
