અંબાણી પરિવારની પાર્ટીમાં મીઠાઈ સાથે ટીસ્યુની જગ્યાએ 500-500ની નોટો આપવાની વાયરલ થઇ રહેલી તસવીરો પાછળ શું છે રહસ્ય ? જાણો સાચી હકીકત
અંબાણી પરિવારનું નામ સામે આવતાની સાથે જ તેમની જાહોજલાલી યાદ આવી જાય. આ પરિવારના કોઈપણ પ્રસંગમાં રજવાડી ઠાઠમાઠ જોવા મળતો હોય છે અને તેમાં દુનિયાભરની મોટી મોટી હસ્તીઓની હાજરી પણ જોવા મળતી હોય છે, હાલમાં જ નીતા મુકેશ અંબાણી કલચરલ સેન્ટરનું ઉદ્દઘાટન થયું જેમાં પણ આ વૈભવ જોવા મળ્યો હતો.
ત્યારે હાલ સોશિયલ મીડિયામાં એક તસવીર ખુબ જ વાયરલ થઇ રહી છે. જેમાં મીઠાઈની સાથે આપવામાં આવતા ટીસ્યુ પેપરના બદલે 500-500 રૂપિયાની નોટો જોવા મળી રહી છે. આ તસ્વીરને ટ્વિટર પર “રત્નિશ” નામના વ્યક્તિએ શેર કરી છે, જેમાં મીઠાઈ સાથે 500 રૂપિયાની નોટ પણ છે. પૈસાથી શણગારેલી આ મીઠાઈ દરેકના ટેબલ પર રાખવામાં આવી હતી. યુઝરે આ તસવીર પોસ્ટ કરીને લખ્યું, “અંબાણીજીની પાર્ટીમાં ટિશ્યુ પેપરની જગ્યાએ 500ની નોટો છે.”
પરંતુ આ તસવીરનું સત્ય કંઈક બીજું જ છે. આ પોસ્ટ પર લખાયેલ કેપ્શન માત્ર એક મજાક હતી. જો તમે દિલ્હીના છો તો તમે આ વાનગીને ઓળખી જ લીધી હશે, જો નહીં તો અમે તમને જણાવી દઈએ કે આ મીઠાઈને “ઈન્ડિયન એક્સેન્ટ” નામની ફાઈન ડાઈનિંગ રેસ્ટોરન્ટમાં ખાસ રીતે સર્વ કરવામાં આવે છે. તેને “દૌલત કી ચાટ” કહેવામાં આવે છે.
દૌલત કી ચાટની ઉત્પત્તિ ઉત્તર ભારતમાં થઈ છે અને જૂની દિલ્હી એ છે જ્યાં લોકો આ વિશિષ્ટ વાનગી અજમાવવા માટે ઉમટી પડે છે. તમને જણાવી દઈએ કે આ સ્પેશિયલ ડેઝર્ટ દૂધના ફ્રોથમાંથી બનાવવામાં આવે છે, જે ખૂબ જ હળવા, હવાદાર અને તમારા મોંમાં ઓગળતી સૂફલી જેવી મીઠાઈ છે.
Ambani ji ke party mein tissue paper ki jagah 500 ke notes hote hain 😭 pic.twitter.com/3Zw7sKYOvC
— R A T N I S H (@LoyalSachinFan) April 2, 2023
તે સામાન્ય રીતે પિસ્તા, માવો અને પાઉડર ખાંડ સાથે હોય છે. દૌલત કી ચાટ શિયાળાની ઋતુમાં થોડા મહિનાઓ માટે જ ઉપલબ્ધ છે. તમને જણાવી દઈએ કે આ મીઠાઈ સાથે જોડાયેલ આ નોટ નકલી છે. ભારતીય એક્સેન્ટ રેસ્ટોરન્ટે નકલી નોટોને મીઠાઈમાં ભેળવીને તેનું નામ “દૌલત કી મીઠાઈ” રાખ્યું. ફૂડ લવર્સે આ વાયરલ તસવીર જોઈને તરત જ સમજી લીધું કે આ શું છે.
