વૈદિક જ્યોતિષ શાસ્ત્ર અનુસાર દરેક ગ્રહની ગતિ વ્યક્તિના જીવન પર ઊંડી અસર કરે છે. બધા ગ્રહો ચોક્કસ સમયગાળા દરમિયાન પોતાની રાશિ બદલી નાખે છે. ગ્રહોની રાશિ બદલાવા પર તેની અસર તમામ રાશિના લોકો પર પડે છે. જ્યોતિષશાસ્ત્રમાં બુધને ગ્રહોનો રાજકુમાર અને બુદ્ધિ, વાણી તેમજ વ્યવસાયનો કારક માનવામાં આવે છે. જે લોકોની કુંડળીમાં બુધનું સ્થાન શુભ હોય છે તેમના જીવનમાં સન્માન અને સુખ-સુવિધાઓની કમી નથી હોતી. બુધના શુભ પ્રભાવથી વ્યક્તિ જીવનના દરેક ક્ષેત્રમાં સફળતા પ્રાપ્ત કરે છે. વૈદિક જ્યોતિષ શાસ્ત્ર અનુસાર બુધ 10 મેના રોજ એટલે કે અક્ષય તૃતીયાના તહેવાર પર મેષ રાશિમાં પ્રવેશ કરવા જઈ રહ્યો છે. બુધના મેષ રાશિમાં પ્રવેશથી કેટલીક રાશિઓનું ભાગ્ય ચમકશે અને કિસ્મતનો પૂરો સાથ મળશે.
વૃષભ રાશિ: બુધના મેષ રાશિમાં ગોચરથી વૃષભ રાશિના લોકોનો આત્મવિશ્વાસથી વધશે, જીવનસાથીના સ્વાસ્થ્યમાં સુધારો થશે તેમજ વાહન મળવાના પણ ચાન્સ બનશે. આ ઉપરાંત ધંધાકીય સ્થિતિ મજબૂત બની રહેશે, પિતા તરફથી સહયોગ મળતો રહેશે. ધાર્મિક કાર્યોમાં ભાગ લેવાની તક મળશે, શૈક્ષણિક કાર્યમાં સફળતા મળશે અને અટવાયેલા પૈસા પાછા મળી શકે છે.
મિથુન રાશિ: બુધના મેષ રાશિમાં ગોચરથી મિથુન રાશિના જાતકોના જીવનસાથીના સ્વાસ્થ્યમાં સુધારો થશે, તેમજ વેપારની સ્થિતિમાં પણ સુધારો થશે. ધનલાભની તકો પણ મળશે. નોકરીમાં પ્રગતિનો માર્ગ મોકળો થશે, પરિવારમાં ધાર્મિક કાર્યો થશે. આ ઉપરાંત તમને ધનલાભ થવાની પણ શક્યતા છે. શૈક્ષણિક અને બૌદ્ધિક કાર્ય સુખદ પરિણામ આપશે. બાળકો તરફથી સારા સમાચાર મળી શકે છે, કોઈ જૂના મિત્રને મળી શકો છો.
સિંહ રાશિ: બુધના મેષ રાશિમાં ગોચરથી સિંહ રાશિના જાતકો આત્મવિશ્વાસથી ભરપૂર રહેશે. પૈતૃક સંપત્તિ મેળવી શકો છો, શૈક્ષણિક કાર્યમાં સફળતા મળશે. આર્થિક લાભ થવાની શક્યતા છે અને નોકરીમાં પણ બદલાવની સંભાવના છે. વાહનની સુવિધા વધી શકે છે. વેપારમાં વૃદ્ધિ થશે તેમજ ધનલાભની તકો મળશે. ભાઈ-બહેનોનો સહયોગ મળી રહેશે. નોકરીમાં વધારાની જવાબદારી મળી શકે છે. આવકમાં વધારો થશે અને બાળક તરફથી સારા સમાચાર મળી શકે છે.
કન્યા રાશિ: બુધના મેષ રાશિમાં ગોચરથી આ રાશિના જાતકોનું મન પ્રસન્ન રહેશે. આત્મવિશ્વાસથી ભરપૂર રહેશો. કાર્યક્ષેત્રમાં સ્થિતિ સુધરશે, નોકરીમાં બદલાવની તક મળી શકે છે. શૈક્ષણિક કાર્યમાં સુધારો થશે, આવક વધારવાનું માધ્યમ બની શકે છે. યાત્રા લાભદાયી રહેશે અને નોકરીમાં પ્રમોશનની તક મળી શકે છે.
વૃશ્ચિક રાશિ: બુધના મેષ રાશિમાં ગોચરથી વૃશ્ચિક રાશિના લોકોને વેપારમાં વૃદ્ધિની સંભાવના છે. ધાર્મિક કાર્યોમાં રુચિ રહેશે. નોકરીમાં પ્રમોશનની શક્યતા છે. ઉપરી અધિકારીઓનો સહયોગ મળશે, કાર્યક્ષેત્રમાં વધારો થઈ શકે છે. જીવનસાથી તરફથી સહયોગ મળશે. શૈક્ષણિક કાર્યમાં સુધારો થશે અને વેપારમાં લાભની તકો મળશે.
(નોંધ: ઉપરોક્ત માહિતી સામાન્ય માન્યતાઓ અને જાણકારીઓ પર આધારિત છે, ગુજ્જુરોક્સ આની પુષ્ટિ કરતું નથી.)
