ગુરુવાર 12 જૂનના રોજ બપોરે અમદાવાદમાં એક મોટી વિમાન દુર્ઘટના સર્જાઈ. અમદાવાદથી લંડન જતુ એર ઈન્ડિયાનું એક મોટું વિમાન ટેકઓફની થોડી જ સેકન્ડમાં ક્રેશ થઇ ગયું. વિમાનમાં પાઈલટ અને ક્રૂ મેમ્બર્સ સહિત કુલ 242 લોકો સવાર હતા. તેમાંથી 50 થી વધુ બ્રિટિશ નાગરિકો હતા. આ ઉપરાંત, ગુજરાતના ભૂતપૂર્વ મુખ્યમંત્રી વિજય રૂપાણી પણ હતા, જેમનું આ દુખદ ઘટનામાં મોત થયુ છે.
એવું કહેવામાં આવી રહ્યુ છે પ્લેનમાં સવાર બધા લોકોમાંથી એક જ વ્યક્તિનો ચમત્કારિક બચાવ થયો છે. ત્યારે આ ઘટના પર રોહિત શર્મા અને ભૂતપૂર્વ કેપ્ટન વિરાટ કોહલી સહિત ઘણા ક્રિકેટરો અને રમતગમતની હસ્તીઓએ સોશિયલ મીડિયા પર પ્રતિક્રિયા આપી દુ:ખ વ્યક્ત કર્યુ.
આ હૃદયદ્રાવક ઘટના પછી વિરાટ કોહલીનું દુઃખ છલકાઈ ગયું. વિરાટ કોહલીએ ઈન્સ્ટાગ્રામ પર લખ્યું, ‘આજે અમદાવાદમાં થયેલા વિમાન દુર્ઘટના વિશે સાંભળીને આઘાત લાગ્યો. તમામ અસરગ્રસ્ત લોકો માટે પ્રાર્થના, તેમજ તેમના પરિવારો પ્રત્યે મારી સંવેદના.’
બીજી તરફ, ભારતની ODI ટીમના કેપ્ટન રોહિત શર્માએ ઈન્સ્ટાગ્રામ પર એક ભાવનાત્મક પોસ્ટ પોસ્ટ કરી છે. રોહિત શર્માએ લખ્યું, ‘અમદાવાદથી ખૂબ જ દુઃખદ અને ખલેલ પહોંચાડનારા સમાચાર.’ આ ઘટનામાં માર્યા ગયેલા લોકો અને તેમના પરિવારો માટે મારી પ્રાર્થના.’
ટીમ ઈન્ડિયાના મુખ્ય કોચ ગૌતમ ગંભીરે પણ આ અકસ્માત પર દુ:ખ વ્યક્ત કર્યું છે. ગંભીરે X પર લખ્યું, ‘અમદાવાદમાં થયેલા દુ:ખદ અકસ્માતથી હું ખૂબ જ દુઃખી છું. અમારી સંવેદના અને પ્રાર્થનાઓ આ દુર્ઘટનાથી પ્રભાવિત તમામ લોકો સાથે છે.’
Extremely saddened by the tragic crash in Ahmedabad. Our thoughts and prayers are with everyone affected by this catastrophe.
— Gautam Gambhir (@GautamGambhir) June 12, 2025
આ અકસ્માત અંગે, ટીમ ઈન્ડિયાના ઝડપી બોલર મોહમ્મદ સિરાજે X પર લખ્યું, ‘આજે અમદાવાદમાં જે બન્યું તે દુઃખદ છે અને હું તેનાથી ખૂબ જ દુઃખી છું. જીવન ખૂબ જ કિંમતી છે, આ ઘટનાથી પ્રભાવિત તમામ પરિવારો પ્રત્યે મારી સંવેદના. ભગવાન મૃતકોના આત્માને શાંતિ આપે. ઉપરાંત, ભગવાન તેમના પરિવારો, મિત્રો અને પ્રિયજનોને આ મુશ્કેલ સમયમાં શક્તિ આપે.’
Very shocked to hear about the #AirIndia Ahmedabad-London flight incident near Ahmedabad airport. Praying for the safety of all passengers and crew. 🙏#PlaneCrash #Ahmedabad
— Yusuf Pathan (@iamyusufpathan) June 12, 2025
ટીમ ઈન્ડિયાના ભૂતપૂર્વ ક્રિકેટર વીરેન્દ્ર સેહવાગે લખ્યું, ‘આ વિમાન દુર્ઘટના વિશે જાણીને ખૂબ જ દુઃખ થયું. આ ભયાનક ઘટનાથી પ્રભાવિત તમામ લોકો માટે મારી ઊંડી સંવેદના અને પ્રાર્થના.’
Deeply saddened by the Air India flight crash in Ahmedabad today. Prayers for the passengers, crew, and their families.
— Irfan Pathan (@IrfanPathan) June 12, 2025
બીજી તરફ, મુંબઈ ઈન્ડિયન્સ (MI) ના કેપ્ટન હાર્દિક પંડ્યા પણ આ અકસ્માતના સમાચાર સાંભળીને આઘાત પામ્યા છે. હાર્દિક પંડ્યાએ X પર લખ્યું, ‘અમદાવાદમાં થયેલા અકસ્માત વિશે સાંભળીને હૃદય તૂટી ગયું. અસરગ્રસ્ત પરિવારો માટે પ્રાર્થના અને તેમને શક્તિ મળે તેવી પ્રાર્થના.’
Heartbreaking to hear about the crash in Ahmedabad. Prayers and strength to the families of those affected 🙏🏻
— hardik pandya (@hardikpandya7) June 12, 2025
ટીમ ઈન્ડિયાના ભૂતપૂર્વ કેપ્ટન સૌરવ ગાંગુલી પણ આ અકસ્માત વિશે ખૂબ જ દુઃખી છે. સૌરવ ગાંગુલી X પર લખ્યું, ‘અમદાવાદમાં થયેલા વિમાન દુર્ઘટનાથી મને ખૂબ જ દુઃખ થયું છે. મારી પ્રાર્થનાઓ અસરગ્રસ્ત પરિવારો અને પ્રિયજનો સાથે છે. ભગવાન આ દુઃખની ઘડીમાં તેમને શક્તિ આપે.’
Deeply saddened by the tragic plane crash in Ahmedabad today. My heartfelt prayers go out to the families and loved ones of those affected. May they find strength in this time of immense grief.
— Sourav Ganguly (@SGanguly99) June 12, 2025
જણાવી દઇએ કે, એરક્રાફ્ટ એક્સિડેન્ટ ઇન્વેસ્ટિગેશન બ્યુરો (AAIB) આ અકસ્માતની તપાસ કરશે. એક અધિકારીએ સમાચાર એજન્સી PTI ને આ માહિતી આપી. અધિકારીએ જણાવ્યું હતું કે AAIB ના ડિરેક્ટર જનરલ અને એજન્સીના ડિરેક્ટર ઓફ ઇન્વેસ્ટિગેશન સહિત અન્ય લોકો અમદાવાદ જવા રવાના થશે.
નાગરિક ઉડ્ડયન મંત્રાલય હેઠળ AAIB, ભારતીય હવાઈ ક્ષેત્રમાં કાર્યરત વિમાનોની સલામતી સંબંધિત ઘટનાઓને અકસ્માતો અને ગંભીર ઘટનાઓમાં વર્ગીકૃત કરવા માટે જવાબદાર છે. તે અકસ્માતોની વિગતવાર તપાસ કરે છે અને સલામતી સુધારવા માટે વિવિધ પગલાં પણ સૂચવે છે.
What happened today in Ahmedabad is extremely tragic and left me very sad. Life is so precious, my heart goes out to all the families affected by the incident. May the souls of the departed rest in peace and may the almighty provide strength to families, friends and loved ones in…
— Mohammed Siraj (@mdsirajofficial) June 12, 2025
