IPLમાં ખેલાડીઓ પર થાય છે પૈસાનો વરસાદ, અમ્પાયરિંગ માટે અમ્પાયરને કેટલી ફીસ મળે છે ?
ઇન્ડિયન પ્રીમિયર લીગની 18મી સીઝન ખૂબ જ ટૂંક સમયમાં શરૂ થવા જઈ રહી છે. આ સિઝનમાં 6 ખેલાડીઓ એવા હશે જેમને 20 કરોડ રૂપિયા કે તેથી વધુ પગાર મળશે. લખનઉ સુપર જાયન્ટ્સે આ વખતે ઋષભ પંતને 27 કરોડ રૂપિયામાં ખરીદીને બધા રેકોર્ડ તોડી નાખ્યા, જેનાથી તે IPL ઇતિહાસનો સૌથી મોંઘો ખેલાડી બન્યો. જો કે જણાવી દઇએ કે, મેચ દરમિયાન અમ્પાયર ખૂબ જ મહત્વપૂર્ણ ભૂમિકા ભજવે છે. ઘણા લોકોને મનમાં સવાલ થતો હશે કે તેમને અમ્પાયરિંગ માટે કેટલા પૈસા મળે છે ?
IPLમાં ખેલાડીઓની સાથે અમ્પાયરો પણ મહત્વપૂર્ણ ભૂમિકા ભજવે છે. અમ્પાયરનો એક નિર્ણય મેચનું પરિણામ બદલી શકે છે. ખેલાડીઓને રમવા માટે તેમની ફ્રેન્ચાઇઝી દ્વારા ફી ચૂકવવામાં આવે છે, જ્યારે અમ્પાયરો BCCI તરફથી હોય છે. અમ્પાયરોને તેમની સેવાઓ માટે ફી મળે છે. ચાલો જાણીએ કે IPLમાં દરેક મેચ માટે અમ્પાયરોને કેટલી ફી મળે છે. IPLમાં ગ્રુપ રાઉન્ડની મેચો હોય છે. આ પછી પ્લેઓફ રમાય છે. અંતે, ટાઇટલ મેચ. ફિલ્ડ અમ્પાયર્સ એટલે કે, જે અમ્પાયરો મેદાન પર હોય છે, તેમને લીગ મેચ માટે 4 હજાર ડોલર મળે છે.
આ રકમ લગભગ 3 લાખ 46 હજાર રૂપિયા થઈ. દરેક મેચમાં બે ફિલ્ડ અમ્પાયર હોય છે. IPLમાં કુલ 70 લીગ રાઉન્ડની મેચ રમાય છે. પ્લેઓફ મેચોના અમ્પાયરિંગ માટે તેને વધુ પગાર મળે છે. દરેક પ્લેઓફ મેચ માટે અમ્પાયરોને $6,000 મળે છે. આ રકમ લગભગ 5 લાખ 20 હજાર રૂપિયા છે. ફાઇનલ મેચમાં અમ્પાયરિંગ સૌથી ખાસ હોય છે. ફાઇનલ મેચ માટે અમ્પાયરોને 8 હજાર ડોલર એટલે કે લગભગ 6 લાખ 94 હજાર રૂપિયા મળે છે.
IPL 2024 ની ફાઇનલ કોલકાતા નાઈટ રાઇડર્સ અને સનરાઇઝર્સ હૈદરાબાદ વચ્ચે રમાઈ હતી. તે મેચમાં નીતિન મેનન સાથે જયરામન મદનગોપાલ ઓન-ફિલ્ડ અમ્પાયર હતા. IPLમાં બધા અમ્પાયરોનો પગાર સરખો નથી હોતો. તેમનો પગાર અમ્પાયર પાસે કેટલો અનુભવ છે, તે કેવા પ્રકારની મેચ છે (નોકઆઉટ કે લીગ સ્ટેજ) તેના પર આધાર રાખે છે, નવા અને જૂના અમ્પાયરોના પગારમાં પણ મોટો તફાવત છે. અનિલ ચૌધરી સૌથી પ્રખ્યાત IPL અમ્પાયરોમાંના એક છે, તેમને 100 થી વધુ મેચોમાં અમ્પાયરિંગનો અનુભવ છે.
કેટલાક મીડિયા રિપોર્ટ્સ અનુસાર, તેને દરેક મેચ માટે 1,98,000 રૂપિયાનો પગાર મળે છે. નીતિન મેનન, બ્રુસ ઓક્સનફોર્ડ સહિત ઘણા પ્રખ્યાત અમ્પાયરોને દરેક મેચ માટે 1.98 લાખ રૂપિયા મળે છે. ઓછા અનુભવી અમ્પાયરોને દરેક મેચ માટે 59,000 રૂપિયા મળે છે, ભારતીય અમ્પાયર વીરેન્દ્ર શર્મા પણ આ યાદીમાં છે. એવું કહેવાય છે કે ઈન્ડિયન પ્રીમિયર લીગમાં એક સીઝન માટે અમ્પાયરિંગ માટે 7,33,000 રૂપિયા સુધી કમાઈ શકે છે.
