ઓસ્ટ્રેલાઈ ક્રિકેટ ટીમના દિગ્ગજ ઓલરાઉન્ડર એન્ડ્રુ સાયમન્ડ્સનું એક કાર અકસ્માતમાં નિધન થઇ ગયું છે. 46 વર્ષના એન્ડ્રુ સાયમન્ડ્સ વર્ષ 1998થી 2009ની વચ્ચે ઓસ્ટ્રેલાઈ ટીમનો ભાગ રહ્યા હતા. આ દરમ્યાન ઘણી વખત વિવાદોમાં પણ આવ્યા હતા. 2009માં દારૂ પીને નશામાં એન્ડ્રુ સાયમન્ડ્સે જોરદાર બબાલ કરી હતી અને તેમને ઓસ્ટ્રેલાઈ ટીમની બહાર કરી દેવામાં આવ્યા હતા. તેઓ ભારતીય રિયાલિટી શો ‘બિગબોસ’નો પણ ભાગ રહી ચુક્યા છે. આ દરમ્યાન તેમની મિત્રતા બોલિવૂડ સ્ટાર સની લિયોની સાથે થઇ હતી.
બિગબોસના પાંચમા સીઝનમાં એન્ડ્રુ સાયમન્ડ્સ ગેસ્ટના સ્વરૂપે શોનો ભાગ બન્યા હતા. તેમણે 67માં દિવસે ઘરમાં એન્ટ્રી કરી હતી અને 2 સપ્તાહમાં ઘરની બહાર આવી ગયા હતા. આ શોમાં શામેલ થયા પહેલા તેમણે કહ્યું હતું કે તે સની લિયોની સાથે શોમાં મસ્તી કરવા માંગે છે. એન્ડ્રુ સાયમન્ડ્સે આગળ કહ્યું કે,’હું એક પ્રતિભાગીના સ્વરૂપે તેની પસંદથી નિરાશ નથી. હું તેને ઓળખવાની કોશિશ કરીશ અને ઉમ્મીદ છે કે તે મસ્તી કરવા વાળી છોકરી છે. અમે સાથે મજા કરીશું.
તેના સિવાય એન્ડ્રુ સાયમન્ડ્સે એવું પણ કહ્યું કે જો તેને બેટ અને બોલ બિગબોસના ઘરની અંદર લઇ જવાની અનુમતિ મળશે તો તે બધા પ્રતિભાગિયોને ક્રિકેટ શીખવાડવાની કોશિશ પણ કરશે. એન્ડ્રુ સાયમન્ડ્સે કહ્યું હતું કે હું ઘરની બહાર રહેવા વાળો ખિલાડી છું. સૌથી મુશ્કેલ કામ એ છે કે આ ગેમમાં તમારે ચાલવા માટે પણ ઘરની બહાર જવાની અનુમતિ નથી.
એન્ડ્રુ સાયમન્ડ્સ સિવાય ભારતના સલીલ અંકોલા, વિનોદ કામ્બલી, નવજોત સિંહ સિદ્ધુ અને શ્રીસંત બિગબોસમાં શામેલ થઇ ચુક્યા છે. સલીલ અંકોલા બિગબોસની પહેલી સીઝનમાં, વિનોદ કામ્બલી ત્રીજી સીઝનમાં, એન્ડ્રુ સાયમન્ડ્સ પાંચમી સીઝનમાં અને નવજોત સિંહ સિદ્ધુ છઠ્ઠી સીઝનમાં બિગબોસમાં ભાગ લઇ ચુક્યા છે. તેમજ શ્રીસંત બિગબોસની 12 સીઝનનો ભાગ રહી ચુક્યા છે.
