નામચીન યુટ્યુબર ગર્વિત અને નંદિનીએ 7માં માળેથી લગાવી છલાંગ, થયું મોત, લિવ-ઈનમાં રહેતા હતા બંને, જુઓ તસવીરો
Youtuber Couple Died In Haryana : ગુજરાત સમેત દેશભરમાંથી આપઘાતના ઘણા બધા મામલાઓ સામે આવે છે. ઘણા લોકો આર્થિક તંગીના કારણે તો કોઈ પ્રેમ પ્રસંગોના કારણે પણ મોતને વહાલું કરી લેતા હોય છે. તો ઘણીવાર પ્રેમી પંખીડાઓ પણ એક ના થઇ શકવાના કારણે આપઘાત જેવા પગલાંઓ પણ ભરતા હોય છે, પરંતુ હાલ એક એવી ઘટના સામે આવી છે જેને જાણીને લોકોના રૂંવાડા ઉભા થઇ ગયા. એક યુટ્યુબર કપલે 7માં માળેથી કૂદીને પોતાનું જીવન ટૂંકાવી લીધું,.
ઝજ્જર જિલ્લાના બહાદુરગઢમાં લિવ-ઈન રિલેશનશિપમાં રહેતા એક પ્રેમી યુગલે સાતમા માળેથી કૂદીને આત્મહત્યા કરી હતી. બંને સોશિયલ મીડિયા પર નાનો વીડિયો બનાવતા હતા. પ્રાથમિક તપાસમાં જાણવા મળ્યું છે કે બંને વચ્ચે ઝઘડો થયો હતો, જે બાદ તેઓએ આ ભયંકર પગલું ભર્યું હતું. પોલીસે બંનેના મૃતદેહનો કબજો લઈ આગળની કાર્યવાહી હાથ ધરી છે. બંને લિવ-ઈન રિલેશનશિપમાં હતા.
ગર્વિત અને નંદિની બંને યુટ્યુબ વીડિયો બનાવતા હતા. બંને બહાદુરગઢના રૂહિલ રેસીડેન્સીમાં ભાડાના ફ્લેટમાં રહેતા હતા. બંને યુટ્યુબ પર પોતાની ચેનલ ચલાવતા હતા અને તેના માટે શોર્ટ ફિલ્મ પણ બનાવતા હતા. થોડા દિવસ પહેલા જ બંને પોતાની ટીમ સાથે દહેરાદૂનથી બહાદુરગઢ આવ્યા હતા.
ગર્વિત અને નંદિનીએ રુહિલ રેસિડેન્સીના સાતમા માળે ફ્લેટ નંબર 701 ભાડે રાખ્યો હતો, જ્યાં તે તેની ટીમના લગભગ 5 સાથીઓ સાથે રહેતો હતો. શુક્રવારની મોડી રાત્રે જ્યારે તેઓ શૂટ બાદ ઘરે આવ્યા ત્યારે બંને વચ્ચે કોઈ વાત પર ઝઘડો થયો હતો, જેના પછી આ દુર્ઘટના થઇ. ઘટના અંગે પોલીસને જાણ થયા બાદ પોલીસે તેમના પરિવારને જાણ કરી છે.
પોલીસ તપાસ અધિકારી જગબીરનું કહેવું છે કે સીસીટીવી ફૂટેજની પણ તપાસ કરવામાં આવશે. યુવતીનું પૂરું નામ નંદિની કશ્યપ હતું. તેના મૃત્યુના બે દિવસ પહેલા, નંદિનીએ તેની ટ્રાવેલ ડાયરીનો વીડિયો ઈન્સ્ટાગ્રામ પર પોસ્ટ કર્યો હતો. વીડિયોમાં નંદિની કશ્યપે પોતાની દિલ્હી મુલાકાત વિશે માહિતી શેર કરી હતી. ગર્વિત અને નંદિની દેહરાદૂન અને મુંબઈમાં રહેતા હતા. બંનેએ તેમની સોશિયલ મીડિયા પ્રોફાઇલ પર થિયેટર કલાકાર પણ લખ્યું હતા.
મળતી માહિતી મુજબ હાલમાં જ ગરવીતે ઉત્તરાખંડના દેહરાદૂનથી પોતાની ટીમ સાથે ફેસબુક પર એક શોર્ટ ફિલ્મ બનાવી હતી. આ પછી ટીમ રૂહિલ રેસીડેન્સીમાં રોકાઈ હતી. આ પછી, ગર્વિત શનિવારે સવારે બહાદુરગઢ આવ્યો. થોડા સમય બાદ બંનેના મૃતદેહ નીચે જમીન પરથી મળી આવ્યા હતા. આ ઘટના શનિવારે સવારે 6 વાગ્યાની આસપાસ જણાવવામાં આવી રહી છે. સોસાયટીના લોકોએ બંને લોકોને જોતા જ લોકોના ટોળા એકઠા થઈ ગયા હતા. આ પછી, બંનેને તાત્કાલિક હોસ્પિટલમાં લઈ જવામાં આવ્યા, જ્યાં ડૉક્ટરોએ તેમને મૃત જાહેર કર્યા.
