અરમાન-કૃતિકાનો થયો ભયંકર અકસ્માત, કારની થઇ એવી હાલત કે…બોલ્યા- આજે અમે મરતા મરતા બચ્યા…
યુટ્યુબર અરમાન મલિક સોશિયલ મીડિયા પર ખૂબ જ લોકપ્રિય છે અને તે તેની બે પત્નીઓને કારણે ચર્ચામાં પણ રહે છે. અરમાન તેની પત્ની પાયલ અને કૃતિકા મલિક સાથે બિગ બોસ ઓટીટી 3માં આવ્યો હતો. જો કે પાયલ તો જલ્દી બિગબોસ હાઉસમાંથી બહાર આવી ગઇ હતી પરંતુ તે કૃતિકા સાથે રમતમાં ઘણો આગળ આવ્યો હતો. જો કે આ દરમિયાન અરમાન મલિક અને કૃતિકા મલિક વિશે ચોંકાવનારા સમાચાર સામે આવ્યા છે.
આ કપલને એક ભયાનક માર્ગ અકસ્માતનો સામનો કરવો પડ્યો, જેમાં તેમની 1.3 કરોડ રૂપિયાની કારની હાલત ખરાબ થઈ ગઈ. જો કે આ અકસ્માતમાં અરમાન અને કૃતિકાનો જીવ બચી ગયો હતો. બિગ બોસ ઓટીટી-3 ફેમ અને યુટ્યુબર અરમાન મલિક તેની બીજી પત્ની કૃતિકા સાથે મનાલીથી પરત ફરી રહ્યો હતો ત્યારે તેની કારને ગંભીર અકસ્માતનો સામનો કરવો પડ્યો. વાસ્તવમાં, અરમાન અને કૃતિકા બંને તેમના નવા મ્યુઝિક વીડિયોના શૂટિંગ માટે મનાલી ગયા હતા, જ્યાંથી ઘરે પરત ફરતી વખતે આ અકસ્માત થયો હતો.
આ અકસ્માતમાં યુટ્યુબર કપલનો જીવ બચી ગયો હતો. ત્યારે કપલે પોતે સોશિયલ મીડિયા પર એક વીડિયો શેર કરીને ઘટનાની માહિતી તેમના તમામ ચાહકોને આપી. અરમાને ઈન્સ્ટાગ્રામ પર અકસ્માત બાદ પોતાનો એક વીડિયો શેર કર્યો જેમાં તે આ અકસ્માત વિશે માહિતી આપી રહ્યો છે. આ દરમિયાન કૃતિકા ખૂબ જ ડરી ગયેલી જોવા મળી રહી છે. વીડિયો શેર કરતી વખતે કપલે કેપ્શનમાં લખ્યું, ‘આજે મરતા મરતા બચ્યા !! સૌથી નકામી કાર છે’
વીડિયોમાં અરમાને જણાવ્યું કે તે કારમાં બીજી પત્ની કૃતિકા સાથે હતો, રસ્તામાં કારનું ટાયર ફાટી જતાં કાર ડિસએસેમ્બલ થઈ ગઈ. કાર પર ઘણા સ્કેચ પણ આવ્યા, જે અરમાને વીડિયોમાં બતાવ્યા. યુટ્યુબર આગળ કહે છે કે એ સમજી લો કે તે મોતના મુખમાંથી પાછો આવ્યો છે, હું કારમાં સૂતો હતો અને અચાનક ટાયર ફાટ્યું. અરમાને અંતે કહ્યું કે ભગવાનની કૃપાથી જ અમે આજની તારીખે બચી ગયા.
View this post on Instagram
