અલાબામાના ફ્લોરેન્સ શહેરની એક વરિષ્ઠ મહિલા પોલીસ અધિકારીને એક કેદી સાથે પ્રેમ થઈ ગયો. તે પ્રેમમાં એટલી પાગલ થઈ ગઈ કે તે તેની સાથે ભાગી ગઈ.પછી જે બન્યું જાણીને તમે પણ ચોંકી જશો.
સમગ્ર ઘટના વિશે વાત કરી તો 29મી એપ્રિલ 2022 ના રોજ વિકી જેલના અન્ય કર્મચારીઓ વિના એક ખતરનાક કેદીને માનસિક સ્વાસ્થ્ય તપાસ માટે કોર્ટમાં લઈ જતો હતો. તે કેદી કોઈ સામાન્ય ગુનેગાર નહોતો. 38 વર્ષનો કેસી વ્હાઇટ નામમાં સમાનતા હોવા છતાં, વિકી સાથે કોઈ સંબંધી નહોતા પરંતુ તે પહેલાથી જ અનેક ગુનાઓ માટે 75 વર્ષની સજા ભોગવી રહ્યો હતો. તેના પર 2015 માં એક મહિલાની ક્રૂર હત્યાનો પણ આરોપ હતો, જેના માટે તે લોડરડેલ કાઉન્ટી જેલમાં ટ્રાયલની રાહ જોઈ રહ્યો હતો.
સુરક્ષા પ્રોટોકોલ મુજબ આવા ઉચ્ચ જોખમ ધરાવતા ગુનેગારને હંમેશા બે અધિકારીઓની સુરક્ષા હેઠળ લઈ જવામાં આવે છે, પરંતુ વિક્કીની વરિષ્ઠતાને કારણે કોઈએ તેની પૂછપરછ કરવાની હિંમત કરી ન હતી. સીસીટીવી ફૂટેજમાં વિકી કેસીને પોલીસ વાહનમાં લઈ જતી હતી અને સામાન્ય રીતે જેલમાંથી બહાર નીકળી રહી હતી જેમ કે તે પહેલા ઘણી વખત કરતી હતી, પરંતુ થોડા સમય પછી બંને ગાયબ થઈ ગયા જેનાથી પોલીસને શંકા ગઈ. તપાસમાં જાણવા મળ્યું કે તે દિવસે કોર્ટમાં કોઈ સુનાવણી નક્કી નહોતી અને બંને ફરાર થઈ ગયા હતા.
શરૂઆતમાં, તપાસકર્તાઓનું માનવું હતું કે વિક્કીને બંદૂકની અણીએ બળજબરી કરવામાં આવી હશે, પરંતુ ટૂંક સમયમાં સત્ય બહાર આવવા લાગ્યું. થોડા મહિના પહેલા જ, વિકીએ પોતાની 4 એકર જમીન, જે ખરેખર $200,000 ની હતી, માત્ર $96,000 માં વેચી દીધી. તેણે પાર્કિંગમાં નંબર પ્લેટ વગરની SUV છુપાવી હતી, પરંતુસૌથી ચોંકાવનારો ખુલાસો ત્યારે થયો જ્યારે ખબર પડી કે વિકી અને કેસી વ્હાઇટ વચ્ચે ગાઢ પ્રેમ સંબંધ હતો.જ્યારે કેસી બીજી જેલમાં હતો, ત્યારે વિકીએ છેલ્લા કેટલાક મહિનામાં તેને 949 વખત કોલ કર્યો હતો, અને જ્યારે કેસીને લોડરડેલ જેલમાં ટ્રાન્સફર કરવામાં આવ્યો, ત્યારે વિકીએ તેને ખાસ ગિફ્ટો આપી, જેમા વધારાનો ખોરાક, વધુ સમય અને અસામાન્ય સ્વતંત્રતાઓ. આ ખુલાસા પછી સ્પષ્ટ થઈ ગયું કે આ અપહરણ નહોતું પરંતુ ઘડાયેલું કાવતરું હતું.
પોલીસે પાછળથી માહિતી આપી કે વિકીએ તેની જમીનના વેચાણમાંથી મળેલા પૈસાનો ઉપયોગ કાર, મોટેલ રૂમ અને હથિયારો ખરીદવા માટે કર્યો હતો. ભાગી ગયાના 11 દિવસ દરમિયાન, તેણે ઘણી વખત પોતાના વાહનો બદલ્યા અને તેઓ વિગ પહેરીને અને વિવિધ મોટેલમાં છુપાઈને પોતાની ઓળખ છુપાવતા હતા. આખરે તેઓ ઇન્ડિયાનાના ઇવાન્સવિલે પહોંચ્યા. ત્યાં તેણે એક બેઘર વ્યક્તિને પૈસા આપીને પોતાના માટે એક મોટેલ બુક કરાવી, પરંતુ 9 મે 2022 ના રોજ, જ્યારે પોલીસને તેના ઠેકાણા વિશે માહિતી મળી, ત્યારે તેનો પીછો કરવામાં આવ્યો.જ્યારે કેસી વ્હાઇટ પોતાની કારમાં ભાગી જવાનો પ્રયાસ કરી રહ્યો હતો, ત્યારે પોલીસે તેની કારને ટક્કર મારી, જેના કારણે તે ખાડામાં પલટી ગઈ. કારની અંદર વિક્કીને માથામાં ગોળી વાગી હતી. આખરે, કેસીએ પણ પોતાને ગોળી મારીને આત્મહત્યા કરી. ગંભીર હાલતમાં વિકીને હોસ્પિટલમાં લઈ જવામાં આવ્યો જ્યાં ડોક્ટરોએ તેને મૃત જાહેર કર્યો.
