જાણવા જેવું દિલધડક સ્ટોરી પ્રેરણાત્મક

જે સ્કૂલનો અભ્યાસ પણ માંડ માંડ પાસ કરી શક્યો તેણે નાની ઉંમરે ઊભી કરી દીધી 100 કરોડના ક્લબમાં સામેલ એવી કંપની

ભણેલા લોકો અને ભણો ભણો એવું બોલવા વાળાને આ મોટો તમાચો છે, 8 ફેલ એ છોકરો જેણે 23 વર્ષની ઉંમરે ઊભી કરી દીધી કરોડો રૂપિયાની કંપની

સ્કૂલના દિવસોમાં ફેલ થયા પછી, ઘણી વખત વિદ્યાર્થીઓ એટલા નિરાશ થઈ જાય છે કે તેમને લાગે છે કે તેમનું જીવન વ્યર્થ છે. અભ્યાસમાં નિષ્ફળ થવાનો અર્થ એ નથી કે તમે જીવનમાં સફળ થઈ શકતા નથી. સાયબર સિક્યુરિટી કંપની ‘ટેક સિક્યુરિટી’ના CEO ત્રિશનીત અરોરા આનું સૌથી મોટું ઉદાહરણ છે. લુધિયાણાના મધ્યમ પરિવારમાં જન્મેલા આ છોકરાને નાનપણથી ભણવાનું મન થતું નહોતું. ત્રિશનીત કોમ્પ્યુટર પ્રત્યે એટલો ગાંડો હતો કે તેણે અન્ય વિષયોનું પુસ્તક ખોલીને જોયું નહીં.

પરિણામે, તે 8મા ધોરણ સુધી પરીક્ષા પાસ કરી શક્યો નહીં. આગળ, માતા-પિતાએ ઘણો પ્રયત્ન કર્યો, પરંતુ ત્રિશનીત સહમત ન થયા. ફેલ થયા પછી, તેમણે નિયમિત અભ્યાસ છોડી દીધો અને 12માં સુધીનો અભ્યાસ કોરેસ્પોન્ડેંસથી કર્યો. ત્રિશનીતે કોમ્પ્યુટરમાં જ કારકિર્દી બનાવવાનું નક્કી કર્યું હતું. ત્રિશનીત માત્ર 19 વર્ષનો હતો જ્યારે તેને તેના કામ માટે 60 હજાર રૂપિયાનો ચેક મળ્યો. આગળ, તેણે એથિકલ હેકિંગના ક્ષેત્રમાં એટલું કામ કર્યું કે તે જાણીતા એથિકલ હેકર બની ગયા. કામ શીખ્યા પછી ત્રિશનીતે ‘ટેક સિક્યુરિટી’ નામની કંપની સ્થાપી, જે આજે કરોડો રૂપિયાનો બિઝનેસ કરે છે.

ત્રિશનીતે હેકિંગ પર ‘હેકિંગ ટોક વિથ ત્રિશનીત અરોરા’, ‘ધ હેકિંગ એરા’ જેવા મહાન પુસ્તકો પણ લખ્યા છે. 23 વર્ષીય ત્રિશનીત આજે જે સ્થિતિ પર છે, તે કહે છે કે જો આપણને કોઈ વસ્તુ માટે જુસ્સો હોય, અને સંપૂર્ણ મહેનત સાથે આપણા સ્વપ્ન તરફ આગળ વધીએ, તો આપણને સફળ થતા કોઈ રોકી શકે નહીં.

આ 2021ની વાત છે. સાયબર સિક્યુરિટી ફર્મ TAC સિક્યોરિટીઝના ત્રિશનીત અરોરા 100 કરોડના બિઝનેસ ક્લબમાં જોડાયા છે. કંપની દ્વારા તાજેતરમાં મેળવેલા રોકાણ બાદ તેની નેટવર્થમાં થયેલા વધારાને કારણે ત્રિશનીતે આ સિદ્ધિ મેળવી હતી. 27 વર્ષીય ત્રિશનીતે ખૂબ જ ઓછા સમયમાં આ સિદ્ધિ મેળવી છે.

TAC સિક્યોરિટીઝે ઉદ્યોગ માટે સાયબર સુરક્ષા પ્લેટફોર્મ બનાવવા માટે ટેકનોલોજીના નવા પરિમાણોને સ્વીકાર્યા છે. TAC સિક્યોરિટીના ત્રિશનીત અરોરાએ કોઈ એન્જીનિયરિંગની વિધિવત પરિક્ષા હાંસિલ કરી નથી. અરોરાએ ખૂબ જ મુશ્કેલીથી શાળાનું શિક્ષણ પણ પૂરું કર્યું પરંતુ કમ્પ્યૂટર અને નૈતિક હેકિંગમાં તેમની રુચિને કારણે તેમણે આ શિસ્તમાં નિપુણતા મેળવી. વિવિધ સંસ્થાઓ અને પ્રકાશનોએ પણ તેમનું સન્માન કર્યું છે.

તેમને ફોર્બ્સના સૌથી ઝડપી ઉભરતા ઉદ્યોગસાહસિકોની યાદીમાં સામેલ કરવામાં આવ્યા છે. આ સિવાય દેશ -વિદેશની સંસ્થાઓએ પણ તેમનું સન્માન કર્યું છે. TAC સિક્યોરિટીઝના ગ્રાહકોમાં દેશની અગ્રણી સરકારી અને બિન સરકારી સંસ્થાઓનો સમાવેશ થાય છે. TAC સિક્યુરિટીની સ્થાપના વર્ષ 2013માં કરવામાં આવી હતી.