PM Modi reached Ram Mandir : આજે આખા દેશને ગૌરવ થશે એવી એક ક્ષણ બની રહી છે. 500 વર્ષના ઇન્તજાર બાદ અયોધ્યામાં રામ મંદિરનું નિર્માણ થયું અને આજે પ્રાણ પ્રતિષ્ઠા પણ થઇ રહી છે.
PM મોદી પહોંચ્યા રામ મંદિર :
અયોધ્યા રામ મંદિરમાં પ્રાણ પ્રતિષ્ઠા સમારોહના મુખ્ય યજમાન વડાપ્રધાન નરેન્દ્ર મોદી પૂજા સામગ્રી સાથે પહોંચ્યા છે. જેનો વીડિયો પણ સોશિયલ મીડિયામાં સામે આવ્યો છે, પીએમ મોદી હાથમાં એક થાળની અંદર પૂજાની સામગ્રી લઈને ચાલતા જોવા મળી રહ્યા છે. જેના બાદ એક વીડિયોમાં મંદિરના પુજારીઓ તેમને પૂજા કરાવતા પણ જોવા મળે છે.
પૂજાની થાળી સાથે કર્યો પ્રવેશ :
આ શુભ પ્રસંગના સાક્ષી બનવા માટે સાત હજારથી વધુ વીવીઆઈપી અયોધ્યા પહોંચ્યા છે. આ અવસર પર બોલિવૂડ એક્ટર અમિતાભ બચ્ચન, રણબીર કપૂર, આલિયા ભટ્ટ, માધુરી દીક્ષિત સહિત ઘણા સ્ટાર્સ હાલમાં અયોધ્યામાં છે. રામ લલ્લાની પ્રાણ પ્રતિષ્ઠા બાદ પીએમ મોદી લગભગ 1.30 વાગે જનતાને સંબોધિત પણ કરશે.
ઉમા ભારતી થયા ભાવુક :
રામ લલ્લાના જીવનને લઈને દેશના ઘણા રાજ્યોમાં આજે રજા જાહેર કરવામાં આવી છે. સાથે જ કેન્દ્ર સરકારે પણ આજે અડધા દિવસની રજા જાહેર કરી છે. જોકે, આ પ્રસંગે ઘણી હોસ્પિટલો અને ઈમરજન્સી સેવાઓ સુચારૂ રીતે ચાલશે. જ્યારે ઉમા ભારતી અને સાધ્વી ઋતંભરા રામલલાની પ્રાણ પ્રતિષ્ઠા કાર્યક્રમ માટે રામ મંદિર પરિસરમાં પહોંચ્યા ત્યારે તેઓ ભાવુક થઈ ગયા હતા. આ પ્રસંગે તેમણે કહ્યું કે આજે શબ્દો નથી… લાગણીઓ જ બધું કહી રહી છે.
આજે કાર્યક્રમને સંબોધતા વડાપ્રધાન નરેન્દ્ર મોદીએ વધુમાં કહ્યું કે, “હું ભગવાન રામની પણ માફી માંગવા માંગુ છું… આપણા બલિદાન અને પ્રયત્નોમાં કંઈક એવી ખામી હતી જે આપણે આટલી સદીઓથી કરી શક્યા ન હતા. આજે એ ઉણપ પૂરી થઈ જાય. વિશ્વાસ રાખો કે ભગવાન મને ચોક્કસ માફ કરશે.”
તમને જણાવી દઈએ કે વડાપ્રધાન નરેન્દ્ર મોદીએ રામ મંદિર પરિસરમાં પોતાના સંબોધનની શરૂઆત “સિયાવર રામચંદ્ર કી જય” બોલીને કરી હતી. તેમણે કહ્યું, “આજે આપણા રામનું આગમન થયું છે. સદીઓની રાહ જોયા પછી, આપણા રામનું આગમન થયું છે.
સદીઓની રાહ, બલિદાન, તપસ્યા, બલિદાન પછી, આપણા ભગવાન રામનું આગમન થયું છે. કહેવા માટે ઘણું બધું છે પણ મારો અવાજ દબાઈ ગયો છે. હું ગર્ભગૃહમાં ભવ્ય ચેતનાના સાક્ષી તરીકે બધાની સામે હાજર થયો છું. હવે અમારા રામલલા ટેન્ટમાં નહીં રહે. તેઓ આ દિવ્ય મંદિરમાં રહેશે.”
વડાપ્રધાન નરેન્દ્ર મોદીએ અયોધ્યાના આંગણેથી કહ્યું કે, હું ગર્ભગૃહમાંથી ઈશ્વરિય ચેતનાનો સાક્ષી બનીને આવ્યો છું. ઘણું કહેવું છે પણ મન અવરોધે છે. શરીર સ્પંદિત છે. આપણા રામલલ્લા હવે ટેન્ટમાં નહીં રહે. આપણા રામલલ્લા દિવ્ય મંદિરમાં રહેશે. મને વિશ્વાસ છે,
અપાર શ્રદ્ધા છે કે જે ઘટિત થયું છે તેની પ્રતિતિ રામ ભક્તોને થઈ રહી હશે. આ પળ પવિત્ર છે. ક્ષણ અલૌકિક છે. આ ઘડી પ્રભુ રામના આપણા પર આશીર્વાદ છે. 22 જાન્યુઆરી, 2024નો સૂરજ આપણા માટે અદભૂત આભા લઈને આવ્યો છે. આજે એ તારીખ નથી, નવા કાળચક્રનું ઉદ્દગમ છે. આજથી હજાર વર્ષ પછી પણ લોકો આજની તારીખની ચર્ચા કરશે.
View this post on Instagram
PM નરેન્દ્ર મોદીએ રામલલ્લાની આંખેથી પટ્ટી
View this post on Instagram
