રિલાયન્સ ફાઉન્ડેશનના ફાઉન્ડર અને ચેરપર્સન નીતા અંબાણીએ તાજેતરમાં જ હાર્વર્ડ યુનિવર્સિટી ખાતે એક કાર્યક્રમમાં હાજરી આપી હતી. આ દરમિયાન તે પોતાના નાના પુત્ર અનંત અંબાણી વિશે વાત કરતી વખતે ખૂબ જ ભાવુક થઈ ગયા હતા. એટલું જ નહીં આ દરમિયાન તેમણે ક્રિકેટ પ્રત્યેના પોતાના પ્રેમ અને અનંત-રાધિકા વિશે પણ વાત કરી. નીતા અંબાણીએ હાર્વર્ડ યુનિવર્સિટીના ‘હાર્વર્ડ ઈન્ડિયા કોન્ફરન્સ’ને સંબોધિત કરી રહી હતી. આ દરમિયાન તેમણે તેમના નાના પુત્ર અનંતની સ્વાસ્થ્ય સમસ્યાઓ વિશે વાત કરી.
તેમણે જણાવ્યું કે તેમના દીકરાએ આ પડકારોનો સામનો કેવી રીતે કર્યો. એટલું જ નહીં, જ્યારે ગયા વર્ષે અનંતે રાધિકા મર્ચન્ટ સાથે લગ્ન કર્યા હતા, ત્યારે આ ક્ષણ તેમના માટે જાદુથી ઓછી નહોતી. નીતા અંબાણીએ કહ્યું કે અનંત અંબાણી સ્વભાવે ખૂબ જ ધાર્મિક છે. તેનો આધ્યાત્મિકતા સાથે ઊંડો સંબંધ છે. તેણે આખી જિંદગી સ્થૂળતા સામે સંઘર્ષ કર્યો છે. આમ છતાં, તે હંમેશા સકારાત્મકતા સાથે આગળ વધ્યો છે. પછી તે તેની લાઇફ પાર્ટનર રાધિકાને મળ્યો, તમારે તેમને એકસાથે જોવા જોઈએ, તેઓ જાદુઈ છે.
અનંત અંબાણી અને રાધિકા મર્ચન્ટના લગ્ન ગયા વર્ષે જુલાઈમાં થયા હતા. બંને એકબીજાને ઘણા વર્ષોથી ઓળખે છે. અનંત અંબાણી અને રાધિકા મર્ચન્ટના લગ્નને મીડિયામાં ઘણી હેડલાઇન્સ મળી હતી. તેમના લગ્નમાં દુનિયાભરથી ઘણા ઉદ્યોગપતિઓ, રાજકારણીઓ અને ફિલ્મ સ્ટાર્સ હાજર રહ્યા હતા. પોપ સ્ટાર્સ રિહાના અને જસ્ટિન બીબરે તો પરફોર્મ પણ કર્યું હતું. આ કાર્યક્રમમાં નીતા અંબાણીએ ક્રિકેટ સાથેના તેમના જોડાણ વિશે પણ વાત કરી.
તેમણે કહ્યું, ‘મને ક્રિકેટ ખૂબ ગમે છે. મારા જીવનમાં ક્રિકેટ 44 વર્ષની ઉંમરે આવ્યું, આ એ ઉંમર છે જ્યારે મોટાભાગની રમતગમતની હસ્તીઓ નિવૃત્તિ લે છે. મુકેશ અંબાણીએ ત્યારે ‘મુંબઈ ઈન્ડિયન્સ’ ખરીદી હતી. તે સમયના બધા મોટા ક્રિકેટ સ્ટાર્સ આ ટીમમાં હતા. તે સમયે આ ટીમ દક્ષિણ આફ્રિકામાં મેચ રમી રહી હતી. મારું કામ ટીમ સાથે બેસવાનું હતું જેથી તેમને પ્રોત્સાહિત કરી શકાય, (મને ખબર નથી કે મને આ વિચાર કેમ આવ્યો?),
View this post on Instagram
મારી એક બાજુ સચિન તેંડુલકર બેઠા હતા અને બીજી બાજુ ઝહીર ખાન. હું ત્યારે મેચ જોઈ રહી હતી. પછી મેં તેમને પૂછ્યું કે એક બોલર આટલો લાંબો દોડ કેમ લઈ રહ્યો છે અને બીજો આટલો ટૂંકો દોડ કેમ ? પછી સચિને કહ્યું કે આમાં એક પેસર છે અને બીજો સ્પિનર છે. તે સમયે મને લાગ્યું કે આ બધા પ્રશ્નો પૂછવા એ ખૂબ જ મૂર્ખામીભર્યું છે, પણ આજે હું મારી પ્રશંસા કરવા માંગુ છું. આજે મને ખબર પડી કે લેગ સ્પિન શું છે, ઓફ સ્પિન શું છે, ગુગલી શું છે… હું કહી શકું છું કે બોલર બોલ ક્યાં મારવાનો છે અને બેટ્સમેન તે બોલ સાથે શું કરવાનો છે.
View this post on Instagram
