રૂબીના ખાન બની રૂબી અવસ્થી, મુસ્લિમ છોકરીએ હિંદુ ધર્મ અપાનવો, સાત ફેરા લઈને સિંદૂર ભર્યું, જુઓ ફોટાઓ
Muslim girl married a Hindu boy : દેશભરમાં ઘણીવાર એવા એવા લગ્નની ખબર સામે આવતી હોય છે જેને જાણીને આપણા પણ હોશ ઉડી જાય. આપણે બધાએ સાંભળ્યું છે કે પ્રેમમાં કોઈ બંધનો નડતા નથી અને તેના ઘણા ઉદાહરણો પણ આપણી આસપાસ જોવા મળી જતા હોય છે. ઘણી પ્રેમ કહાનીઓ સાત સમુદ્ર પાર પણ પાંગરતી હોય છે અને પછી એ લગ્નના બંધનમાં બંધાતા હોય છે. તો ઘણીવાર બે અલગ અલગ ધર્મના લોકો પણ એક બીજા સાથે લગ્ન કરીને પોતાનું જીવન સુખેથી જીવતા હોય છે.
હાલ એક એવા જ લગ્નની ખબર સામે આવી છે ઉત્તર પ્રદેશના સીતાપુરથી. જ્યાં એક મુસ્લિમ યુવતીએ તેના પરિવારને છોડીને તેના હિન્દુ પ્રેમી સાથે મંદિરમાં હિન્દુ રીતિ-રિવાજ મુજબ લગ્ન કર્યા હતા. આ અનોખા લગ્નની તસવીરો પણ સોશિયલ મીડિયા પર વાયરલ થઈ રહી છે. આ લગ્નમાં બંને પરિવારના સભ્યોને બદલે વીએચપીના સભ્યો સાક્ષી બન્યા હતા અને બંને લોકોને સુખી દામ્પત્ય જીવન માટે આશીર્વાદ આપ્યા હતા.
રામપુર મથુરા પોલીસ સ્ટેશન વિસ્તારના બિસારમાં રહેતી એક મુસ્લિમ યુવતી રૂબિયાને થાનાગાંવ પોલીસ સ્ટેશન વિસ્તારના મેઉડી સેવાલિયામાં રહેતા હિન્દુ યુવક પ્રદીપ યાદવ સાથે પ્રેમ સંબંધ હતો, પરંતુ રૂબિયાનો પરિવાર આ સંબંધની વિરુદ્ધ હતો, પરંતુ યુવતી પ્રદીપ સાથે જ લગ્ન કરવા પર મક્કમ હતી. વિશ્વ હિંદુ પરિષદે રૂબિયા અને પ્રદીપના લગ્નમાં સમસ્યાઓ વિશે જાણ્યું.
આ પછી, વીએચપીના લોકો રૂબિયાના ગામમાં પહોંચ્યા અને ત્યાં જતા, રૂબિયા અને પ્રદીપે એક મંદિરમાં વૈદિક મંત્રોચ્ચાર વચ્ચે વીએચપી સભ્યોની હાજરીમાં સાત ફેરા લીધા. લગ્ન બાદ રૂબિયાએ પોતાનું નામ બદલીને રજની રાખ્યું. રૂબિયાએ પ્રદીપ સાથે લગ્ન કર્યા હતા અને કન્યા પક્ષમાંથી કોઈ પણ લગ્નમાં હાજર નહોતું અને તેણે તેની પુત્રી સાથેના તમામ સંબંધો તોડી નાખ્યા હતા.
તો અન્ય એક મામલામાં શિવપુરાની રહેવાસી રૂબીનાને ગામના જ શેષકુમાર અવસ્થી સાથે પ્રેમસંબંધ હતો. પ્રેમ એટલો વધી ગયો કે બંનેએ સાથે જીવવાની અને મરવાની પ્રતિજ્ઞા લીધી પણ ધર્મની દીવાલ બંને વચ્ચે અવરોધ બની રહી હતી. તેથી જ રૂબીનાએ ધર્મ પરિવર્તન કરવાનો નિર્ણય કર્યો.
સોનેરી સપનાને વળગીને તે તેના પ્રેમી સાથે મુંબઈ ગઈ હતી. યુવતીના પરિવારજનોએ યુવતીને સગીર બતાવીને પ્રેમી વિરુદ્ધ અપહરણનો કેસ દાખલ કર્યો હતો. બે સમુદાયના મામલાને કારણે પોલીસ સક્રિય થઈ હતી અને પ્રેમી યુગલને મુંબઈથી રીકવર કરીને બહરાઈચ લઈ આવી હતી. સોમવારે, પોલીસે બંનેને કોર્ટમાં રજૂ કર્યા, જ્યાં રૂબીનાએ એડવોકેટ દિનેશ સિંહ જયસ્વાલ મારફત પોતાનો ધર્મ બદલીને રૂબી અવસ્થી નામ રાખવા અને તેના પ્રેમી સાથે લગ્ન કરવાની વાત કહી.
પોતાને પુખ્ત ગણાવતા યુવતીએ તેના પ્રેમી સાથે રહેવાની ઈચ્છા વ્યક્ત કરી હતી. એડિશનલ ચીફ જ્યુડિશિયલ મેજિસ્ટ્રેટ કૃષ્ણ કુમાર યાદવે તમામ દસ્તાવેજો જોયા બાદ રૂબીનાને મુક્ત રહેવાનો આદેશ આપ્યો હતો. કોર્ટના આદેશ બાદ ટીકાકાર અનુરાગ પ્રતાપ સિંહે રૂબીનાને તેના પ્રેમી અને તેના પરિવારને સોંપી દીધી હતી.
