આ વ્યક્તિનું સપનું અને ઈચ્છા હતી કે તે શ્વાન બને, આ સપનાને પૂર્ણ કરવા માટે તેને ખર્ચી નાખ્યા અધધધ લાખ, જયારે શ્વાન બનીને જાહેર રસ્તા પર આવ્યો ત્યારે સૌના હોંશ ઉડી ગયા… જુઓ વીડિયો
Man Became Dog : દુનિયાભરમાં એવા ઘણા લોકો હોય છે જેમને એવા એવા શોખ હોય છે કે તેની આપણે કલ્પના પણ ના કરી શકીએ. ઘણા લોકોના વિચિત્ર શોખ જોઈને આપણે પણ હેરાન રહી જઈએ અને આવા ઘણા લોકોના વીડિયો પણ સોશિયલ મીડિયામાં વાયરલ થતા હોય છે. હાલ એક એવો જ વીડિયો સામે આવ્યો છે. જેમાં એક વ્યક્તિને ડોગ બનવાનો શોખ જાગ્યો અને તેને પોતાની જાતને એક ડોગ જેવી બનાવી અને પબ્લિક પ્લેસ પર પહોંચી ગયો.
12 લાખનો કર્યો ખર્ચ :
આ વ્યક્તિ છે જે જાપાનની જેને પોતાની જાતને ડોગમાં બદલી નાખી. આ માટે તેણે લગભગ 12 લાખ રૂપિયા ખર્ચ્યા. તે શ્વાન બનીને જાહેર સ્થળો પર પણ પહોંચે છે અને આ દરમિયાન તે અન્ય શ્વાન સાથે રમતા જોવા મળ્યો હતો. તે જ સમયે, લોકોની નજર તેની પર પડતા જ તેઓ તસવીરો ક્લિક કરવા નજીક આવવા લાગ્યા. જાપાનની કંપની ઝેપેટે તેના માટે શ્વાનનો પોશાક બનાવ્યો છે અને તેને લગભગ 40 દિવસ લાગ્યા છે
માણસનું સ્વપ્ન હતું શ્વાન બનવાનું :
તાજેતરમાં જ્યારે માણસ શ્વાન બની ગયા હોવાના અહેવાલો સામે આવ્યા હતા, ત્યારે તે ખૂબ વાયરલ થયા હતા. શ્વાનનું રૂપ જોઈને લોકો આશ્ચર્યચકિત થઈ ગયા. જાપાની વ્યક્તિએ અગાઉ કહ્યું હતું કે શ્વાન બનીને પોતાનું જીવન જીવવાનું તેનું સ્વપ્ન હતું. મહિનાઓની તૈયારી પછી, જ્યારે તે તેની પ્રથમ જાહેર ચાલમાં અન્ય લોકો અને પ્રાણીઓને મળ્યો ત્યારે તેણે અન્ય લોકોને આશ્ચર્યચકિત કર્યા. આ વ્યક્તિએ માનવ શ્વાન બનવા માટે લગભગ 12 લાખ રૂપિયા ખર્ચ્યા.
અન્ય શ્વાન સાથે પણ રમ્યો :
ટ્વિટર પર પોસ્ટ કરાયેલા વિડિયોમાં ટોકોને પટ્ટો બાંધીને ફેરવવામાં આવી રહ્યો છે. તે શેરીમાં જતા પહેલા પાર્કમાં અન્ય શ્વાન સાથે સુંઘતો અને રમતા જોઈ શકાય છે. તેણે માનવ શ્વાન બનવાનું શા માટે નક્કી કર્યું તે અંગે ગયા વર્ષે ડેઈલી મેઈલ સાથે વાત કરતાં તેણે કહ્યું: “હું નથી ઈચ્છતો કે મારા શોખની જાણ થાય, ખાસ કરીને હું જેની સાથે કામ કરું છું તે લોકો.” તે વ્યક્તિએ આગળ કહ્યું, “તેઓને વિચિત્ર લાગે છે કે હું શ્વાન બનવા માંગુ છું. આ કારણોસર, હું મારો અસલી ચહેરો બતાવી શકતો નથી. હું ભાગ્યે જ મારા મિત્રોને કહું છું કારણ કે મને ડર છે કે તેઓ વિચારશે કે હું વિચિત્ર છું,”
