આખરે સામે આવી જ ગઇ કેટરીના કૈફ અને વિક્કી કૌશલની હલ્દી સેરેમનીની તસવીરો, એકબીજાના પ્રેમમાં ડૂબેલા જોવા મળ્યા કપલ

કેટરિના કૈફ અને વિક્કી કૌશલની હલ્દી સેરેમનીની તસવીરો સામે આવી છે. હલ્દી સેરેમનીની આ તસવીરો વિક્કી કૌશલ અને કેટરિના કૈફ દ્વારા તેમના ચાહકો સાથે શેર કરવામાં આવી છે. વિક્કી અને કેટરીના બંનેએ તેમના ઇન્સ્ટાગ્રામ એકાઉન્ટ પર આ તસવીરો શેર કરી છે, જે હાલ ઘણી જ વાયરલ થઇ રહી છે. કેટરિના કૈફે વરરાજા વિક્કી કૌશલને હલ્દી લગાવી રહી છે અને આ દરમિયાન કપલ એકબીજામાં સંપૂર્ણપણે ખોવાયેલા દેખાઇ રહ્યા છે.

હલ્દી સેરેમનીની થીમ ગુલાબી અને સફેદ લાગી રહી છે. હલ્દીના પીળા રંગમાં કેટરીનાની ખુશી અલગ જ ચમકી રહી હતી. હલ્દી સેરેમની દરમિયાન વિક્કી કૌશલ અને કેટરિના કૈફની શાનદાર બોન્ડિંગ દેખાઇ રહી હતી. વિક્કી અને કેટરીના બંનેની ખુશી સાતમા આસમાન પર દેખાઈ રહી છે. આ તસવીરો માટે ફેન્સ ખૂબ જ ઉત્સાહિત હતા. આવી સ્થિતિમાં, વિક્કી કેટરિના ધીમે ધીમે તેમના લગ્નની તમામ તસવીરો ચાહકો સાથે શેર કરી રહ્યા છે.

વિક્કી કૌશલ અને કેટરીના કૈફ આખરે લગ્નના બંધનમાં બંધાઈ ગયા. એકબીજાને ડેટ કર્યા પછી, કપલે 9 ડિસેમ્બરના રોજ પરિવાર અને નજીકના મિત્રોની હાજરીમાં રાજસ્થાનના સવાઈ માધોપુરમાં એક લક્ઝરી હોટેલમાં સાત ફેરા લીધા. આ કપલે પોતે જ તેમના લગ્નની તસવીરો સોશિયલ મીડિયા પર શેર કરી હતી અને હવે તે બાદ તેઓએ હલ્દી સેરેમનીની તસવીરો શેર કરી છે.

કેટરીના સફેદ રંગના સુંદર લહેંગામાં ખૂબ જ ખૂબસુરત દેખાઈ રહી છે. તસવીરમાં તમે જોઈ શકો છો કે કેટ પર ફૂલોની વર્ષા કરવામાં આવી રહી છે. તેણે ગળામાં સફેદ મોગરાના ફૂલોની માળા પહેરી છે. તો ત્યાં હાથમાં સફેદ ફૂલોની કળીઓ પહેરેલી છે. હાથમાં વિક્કીના નામની મહેંદી કેટે લગાવી છે.

તસવીરમાં વિક્કી કૌશલનો ભાઈ સની કૌશલ પણ જોવા મળી રહ્યો છે. સનીને જોઈને સ્પષ્ટ થાય છે કે કેટરીનાને તેની ભાભી તરીકે મેળવીને તે કેટલો ખુશ છે. સની કૌશલ ઉપરાંત કેટરીનાની માતા અને બહેનો પણ તસવીરોમાં જોવા મળી રહી છે.

આ પહેલા બંનેએ ચાહકો જેની રાહ જોઇ રહ્યા હતા તે એટલે કે તેમના લગ્નની તસવીરો શેર કરી હતી. જે પણ ઘણી વાયરલ થઇ હતી. સુપર હિટ ફિલ્મ ઉરીના અભિનેતા વિક્કી કૌશલ અને કૈટરીના કૈફે 9 ડિસેમ્બરે રાજસ્થાનના સવાઈ માધોપુરના કિલ્લામાં લગ્ન કર્યા હતા. આ શાહી લગ્નમાં ખુબ જ ઓછા લોકોને ઇન્વાઇટ કરવામાં આવ્યા હતા.

મીડિયા રીપોર્ટ્સ અનુસાર, લગ્નમાં ફક્ત 120 લોકોને જ આમંત્રણ આપવામાં આવ્યુ છે, જેમાં મોટાભાગના નજીકના પરિવારજનો સામેલ છે. જૂની પુરાણી વિન્ટેજ કારમાં બેસીને વિકી જાનમાં આવ્યો હતો. જાનૈયાનું સ્વાગત ગુલાબની પાંખડીઓથી કરવામાં આવ્યુ. તો કૈટરીના કાચની બનાવેલી રજવાડી ડોલીમાં બેસીને પરણવા આવી. ડોલી પર મિરર વર્ક કરવામાં આવ્યું.

જાણીતી ફેમસ બ્રાન્ડ ડ્યૂરેક્સે હાલમાં જ સો.મીડિયામાં એક તસવીર શૅર કરી છે. આ પોસ્ટમાં મેસેજ લખવામાં આવ્યો છે, ‘ડિયર વિકી એન્ડ કેટરિના, યુ હેવ ગોટ ટુ બી કિડિંગ, ઇફ યુ હેવ નોટ ઇન્વાઇટેડ અસ.’ આ એક કંકોતરીની સ્ટાઇલમાં બનેલી આ પોસ્ટને શેર કરીને નીચે કેપ્શન આપવામાં આવ્યું હતું, ‘ઈરાદોઃ લગ્નમાં સામેલ થવાનો.’

ઉલ્લેખનીય છે કે, એવી ખબર છે કે વિક્કી અને કેટરીના બંને હવે અનુષ્કા અને વિરાટ કોહલીના પાડોશી બની રહ્યા છે. વિક્કીએ પાંચ વર્ષ માટે આ ઘર ભાડે લીધું છે. શરૂઆતનાં ત્રણ વર્ષ માટે ભાડું 8 લાખ રૂપિયા છે. ચોથા વર્ષે 8.40 અને પાંચમા વર્ષે 8.82 લાખ રૂપિયા ભાડું ચૂકવવામાં આવશે. આ જ અપાર્ટમેન્ટમાં અનુષ્કા શર્મા તથા વિરાટ કોહલી પણ રહે છે. જો કે, આ તમામ માહિતી રીપોર્ટ અનુસાર છે અને આ વાતની કોઇ પુષ્ટિ કરવામાં આવી નથી.

Shah Jina