અમેરિકાના બોસ્ટનમાં વધુ એક ભારતીય વિદ્યાર્થીની હત્યા, મૃતદેહ જંગલમાં માંથી મળ્યો- જાણો સમગ્ર મામલો
વિદેશમાંથી અવાર નવાર ગુજરાતીઓ અને ભારતીયોના મોતના મામલા સામે આવતા રહે છે, ત્યારે હાલમાં અમેરિકામાંથી આંધ્રપ્રદેશના 20 વર્ષીય વિદ્યાર્થીના રહસ્યમય મોતનો મામલો સામે આવ્યો છે. અમેરિકામાં એક ભારતીય વિદ્યાર્થીનું શંકાસ્પદ સંજોગોમાં મોત થયું છે. જણાવવામાં આવ્યું છે કે બોસ્ટન યુનિવર્સિટીમાં એન્જિનિયરિંગનો અભ્યાસ કરી રહેલા અભિજીત પારુચુરીનો મૃતદેહ જંગલમાં એક કારની અંદરથી મળી આવ્યો હતો.
ન્યૂયોર્કમાં યુએસ એમ્બેસીએ પણ આ ઘટનાની પુષ્ટિ કરી છે અને મૃતકના પરિવારને શક્ય તમામ મદદ કરવાની ખાતરી આપી છે. દૂતાવાસે તેના અધિકારી દ્વારા જણાવ્યું કે આંધ્રપ્રદેશનો રહેવાસી અભિજીત 20 વર્ષનો હતો. ગુંટુર જિલ્લાના બુર્રિપાલેમનો રહેવાસી અભિજીત બોસ્ટન યુનિવર્સિટીમાં એન્જિનિયરિંગનો અભ્યાસ કરતો હતો. ટાઈમ્સ ઓફ ઈન્ડિયાના અહેવાલ અનુસાર, યુનિવર્સિટી કેમ્પસની અંદરના જંગલમાંથી તેનો મૃતદેહ મળી આવ્યો હતો. આ ઘટનાએ અનેક સવાલો ઉભા કર્યા છે.
એવી અટકળો છે કે અભિજીતની અન્ય વિદ્યાર્થીઓ સાથે બહેસ થઈ હશે અથવા તો હુમલાખોરોએ પૈસા અને લેપટોપ માટે તેની હત્યા કરી હશે. જો કે, હજુ સુધી તપાસમાં આવા સંકેતો મળ્યા નથી. અભિજીતના પરિવારજનોએ જણાવ્યું કે તે તેમનો એકમાત્ર સંતાન હતો અને બાળપણથી જ તેજસ્વી વિદ્યાર્થી હતો. અભિજીતની માતા શરૂઆતમાં ઇચ્છતી નહોતા કે દીકરો વિદેશમાં ભણે. પરંતુ પછી પુત્રના સારા ભવિષ્ય વિશે વિચારીને તેમણે પોતાનો વિચાર બદલી નાખ્યો.
જો કે, હવે પુત્રના મોતના સમાચાર સાંભળીને માતા-પિતા ઘેરા આઘાતમાં છે. માર્ચ 18 એટલે કે સોમવારે ભારતીય કોન્સ્યુલેટ જનરલે જણાવ્યું હતું કે પ્રારંભિક તપાસમાં કોઈ અયોગ્ય રમતની શક્યતા નકારી કાઢવામાં આવી છે. ન્યૂયોર્કમાં ભારતના કોન્સ્યુલેટ જનરલે તેના અધિકારી પાસેથી પોસ્ટ કર્યું હતું કે ભારતીય વિદ્યાર્થી અભિજીત પરચુરીના કમનસીબ મૃત્યુ વિશે જાણીને ખૂબ જ દુઃખ થયું છે. મીડિયા રિપોર્ટ્સ અનુસાર 11 માર્ચે યુનિવર્સિટી કેમ્પસમાં હુમલાખોરો દ્વારા અભિજીતની હત્યા કરવામાં આવી હતી અને તેનો મૃતદેહ જંગલમાં એક કારમાંથી મળી આવ્યો હતો.
જ્યારે અભિજીતના પરિચિતોએ પોલીસને તેના ગુમ થયાની જાણ કરી ત્યારે અધિકારીઓએ મોબાઈલ સિગ્નલ ટ્રેક કર્યુ અને સર્ચ ઓપરેશન હાથ ધર્યુ. આ કેસમાં હજુ સુધી કોઈની ધરપકડ કરવામાં આવી નથી. અભિજીત વિશે સોશિયલ મીડિયા પર ઘણા યુઝર્સે પોસ્ટ કરીને સ્વતંત્ર તપાસની માંગ કરી છે અને અમેરિકામાં ભારતીય વિદ્યાર્થીઓ પર હુમલાનો મુદ્દો ઉઠાવ્યો છે. એક વિદ્યાર્થીએ તો સોશિયલ મીડિયા પર લખ્યું કે અમેરિકા રહેવા માટે સુરક્ષિત જગ્યા નથી.
