વિદેશી યુવતી પર દિલ આવી ગયું હતું આ દેશી યુવકનું, કરી લીધા હતા લગ્ન, હવે બન્યો બાળકનો પિતા તો સરકારે કરી દીધો માલામાલ… જુઓ વીડિયો
લગ્નની સીઝન શરૂ થતા જ અલગ અલગ લોકોની પ્રેમ કહાનીઓ પણ સામે આવતી હોય છે, જેમાં ઘણી પ્રેમ કહાનીઓ એવી પણ હોય છે જે હેરાન કરી દેનારી પણ હોય છે, આજના સમયમાં પ્રેમમાં કોઈ બંધનો ખાસ નડતા નથી, ઘરની ચાર દીવાલોમાં બેસીને પણ ઘણા લોકોને દૂર દેશના કોઈ વ્યક્તિ સાથે પ્રેમ થઇ જતો હોય છે અને પછી તે લગ્નના બંધનમાં પણ બંધાઈ જતા હોય છે. પરંતુ આજે અમે તમને એક એવી કહાની જણાવીશું જેમાં એક વિદેશી યુવતી સાથે લગ્ન કર્યા બાદ એક યુવક માલામાલ થઇ ગયો.
મિથિલેશ મુંબઈ સ્થિત ટ્રાવેલ બ્લોગર છે. તેણે બેલારુસની લિસા સાથે લવ મેરેજ કર્યા છે. લગ્ન પછી, દંપતી બેલારુસમાં રહે છે. હાલમાં જ લિસાએ એક બાળકને જન્મ આપ્યો છે. બાળક વિશે, મિથિલેશે તેની યુટ્યુબ ચેનલ પર એક વીડિયો અપલોડ કર્યો છે અને જણાવ્યું છે કે તેને 1.5 લાખ રૂપિયા મળ્યા છે. મિથિલેશે જણાવ્યું કે બાળકના જન્મ પછી તેને બેલારુસ સરકાર તરફથી મોટી રકમ મળી હતી.
સરકાર વતી બાળકના ઉછેર માટે માતા-પિતાને પૈસા આપવામાં આવે છે. મિથિલેશ જ્યારે પિતા બન્યો ત્યારે તેને શરૂઆતમાં વન ટાઇમ અમાઉન્ટ તરીકે 1 લાખ 28 હજાર રૂપિયા મળ્યા હતા. આ પછી તેને ત્રણ વર્ષ સુધી દર મહિને 18000 રૂપિયા મળશે. આ પૈસા સીધા તેમના ખાતામાં ટ્રાન્સફર કરવામાં આવશે. જો કે, જો તમે બેલારુસમાં રહેશો તો જ આ રકમ મળશે.
મિથિલેશનું કહેવું છે કે તેની પત્ની લિસાની નોર્મલ ડિલિવરી થઈ હતી. જ્યારે તેમના બાળકનો જન્મ થયો ત્યારે તેનું વજન લગભગ 4 કિલો હતું. હવે તે 2 મહિનાનો છે. વીડિયોમાં મિથિલેશના પિતા પણ જોવા મળ્યા હતા, જેઓ ભારતથી ત્યાં પહોંચ્યા છે. મિથિલેશની પોતાની યુટ્યુબ ચેનલ (મિથિલેશ બેકપેકર) છે. આ ચેનલ પર તેના 9 લાખથી વધુ સબસ્ક્રાઈબર્સ છે.
આ ચેનલમાં તે પોતાની દિનચર્યા સાથે જોડાયેલી વસ્તુઓ શેર કરતો રહે છે. એક વીડિયોમાં તેણે પોતાની લવ સ્ટોરી શેર કરી છે. તેણે જણાવ્યું કે માર્ચ 2021માં તે પહેલીવાર રશિયા ગયો હતો. ત્યાં પ્રિયાંશુ નામના વ્યક્તિએ તેને બેલારુસ આવવાની સલાહ આપી. આ પછી મિથિલેશ બેલારુસ પહોંચી ગયો. અહીં તે લિસાને પહેલીવાર મિત્રની બર્થડે પાર્ટીમાં મળ્યો હતો.
તેમની વચ્ચે પ્રારંભિક વાતચીત અનુવાદક દ્વારા થઈ હતી. કારણ કે લિસા રશિયન જાણતી હતી અને મિથિલેશ અંગ્રેજી જાણતો હતો. ઘણી બેઠકો પછી, તેણે લિસાને પ્રપોઝ કર્યું. લિસાએ પણ મિથિલેશનો પ્રસ્તાવ સ્વીકારી લીધો. ત્યારબાદ 25 માર્ચે બંનેએ લગ્ન કરી લીધા હતા. લગ્નમાં બંનેના પરિવારજનો હાજર રહ્યા હતા.
