સ્વાસ્થ્ય માટે ગુણકારી એવા કાજુ બનાવવાનું કામ છે ખુબ જ મુશ્કેલ, જુઓ કારીગરો કેવો પરસેવો પાડીને કરે છે તૈયાર, વાયરલ થયો વીડિયો
How To Prepare Cashews In Factory : આજના સમયમાં લોકો સારા સ્વાસ્થ્ય માટે ડ્રાયફ્રુટ ખાવાનું વધારે પસંદ કરતા હોય છે. એમાં પણ કાજુ ખાવાનું તો સૌને ગમતું હોય છે. ત્યારે આપણે જે કાજુ હોંશે હોંશે ખાઈએ છીએ. એ કાજુ કેવી રીતે બને છે તે તમને ખબર છે ? મોટાભાગના લોકો એમ જ વિચારતા હશે કે કાજુ ફળમાંથી બહાર આવીને સીધું જ આપણે ખાતા હોઈશું. પરંતુ એવું નથી હોતું.
હાલ સોશિયલ મીડિયામાં એક વીડિયો સામે આવ્યો છે, જેમાં કાજુ કેવી રીતે બને છે તેની આખી પ્રોસેસ બતાવવામાં આવી છે. જેને જોઈને લોકો પણ હેરાન રહી ગયા. ફૂડ બ્લોગર સલોની બોથરા દ્વારા આ વીડિયોને ઇન્સ્ટાગ્રામ પર શેર કરવામાં આવ્યો, જે હાલ ખુબ જ વાયરલ થઇ રહ્યો છે.
સલોનીએ તેના વીડિયોમાં બતાવ્યું કે કેવી રીતે ફેક્ટરીમાં પહેલાથી લઈને છેલ્લા સ્ટેપ સુધી કાજુ તૈયાર કરવામાં આવે છે. વીડિયોમાં આસામ સ્થિત એક ફેક્ટરી કંપનીમાં કાજુ તૈયાર કરવામાં આવી રહ્યા છે. દર્શકોને કાજુના ઉત્પાદનના અનેક પગલાઓ દ્વારા ખબર પડી કે કાજુ તૈયાર કરવું કેટલું મુશ્કેલ છે.
આ પ્રક્રિયા કાચા કાજુને પાવડા વડે ફેરવવાથી શરૂ થાય છે, ત્યારબાદ તેને તડકામાં સૂકવીને આગળની પ્રક્રિયા માટે તૈયાર કરવામાં આવે છે. વીડિયોમાં કુશળ કામદારો કાજુના બહારના ભાગને તોડતા અને ખરાબ ભાગને કાળજીપૂર્વક અલગ કરતા બતાવે છે. તે બધું હાથ દ્વારા કરવામાં આવે છે.
View this post on Instagram
કાજુ તૈયાર કરવા માટે લોકોનું ઘણું સમર્પણ અને શારીરિક શ્રમ લે છે કારણ કે કામદારો દરેક કાજુને શુદ્ધ કરે છે. અંતે, કાજુને પકાવવાની ભઠ્ઠીમાં શેકવામાં આવે છે, પછી તેને પેક કરીને બજારમાં વેચવા માટે તૈયાર કરવામાં આવે છે. થોડી જ સેકન્ડમાં આ વીડિયો સોશિયલ મીડિયા પર એટલો વાયરલ થઈ ગયો કે અત્યાર સુધીમાં કરોડો લોકો તેને જોઈ ચુક્યા છે.
