ભણવા પ્રત્યેનું આવું સમર્પણ ક્યારેય નહિ જોયું હોય, આ ગરીબ દીકરીનો વીડિયો તમારો દિવસ બનાવી દેશે, જુઓ
એવું કહેવાય છે કે મહેનત જેણે કરવાનું નક્કી કર્યું હોય એ કોઈપણ પરિસ્થિતિમાં મહેનત કરતું હોય છે. તમે તમારા ઘરના વડીલો પાસે ઘણીવાર સાંભળ્યું હશે કે પહેલા લાઈટો નહોતી ત્યારે લોકો દિવા નીચે કે સ્ટ્રીટ લાઈટ નીચે બેસીને અભ્યાસ કરતા હતા, ત્યારે આજના સમયમાં તો આવા દૃશ્યો તમને જોવા પણ ના મળે. પરંતુ હાલ જે વીડિયો સામે આવ્યો છે તેણે લોકોના હૈયા હચમચાવીને રાખી દીધા છે.
ઘણા લોકો મુશ્કેલીઓ સાથે જીવન જીવે છે અને તેમની પાસે એટલી ક્ષમતા હોતી નથી. જો કે, કેટલાક એવા પણ હોય છે જે દ્રઢતા સાથે અભ્યાસ કરે છે અને પોતાની મહેનતના બળ પર તે સ્થાન હાંસલ કરવામાં સફળ થાય છે, જેની કોઈ કલ્પના પણ કરી શકતું નથી. ગરીબી અને શિક્ષણ અતૂટ રીતે જોડાયેલા છે, કારણ કે ગરીબીમાં જીવતા લોકો શાળાએ જવાનું બંધ કરી શકે છે જેથી તેઓ કામ કરી શકે.
આ જ કારણ છે કે મોટા ભાગના ગરીબ લોકો પોતાનો અભ્યાસ છોડીને નાના-નાના કામ કે ધંધામાં લાગી જાય છે અને તેઓ જે સપનું જોયું હોય ત્યાં સુધી પહોંચી શકતા નથી. તમામ સંઘર્ષો અને મુશ્કેલીઓ છતાં, હજુ પણ એવા લોકો છે જેઓ તમામ પડકારોને પાર કરવા અને સાક્ષર બનવા માટે સખત મહેનત કરવા તૈયાર છે.
આવો જ એક પ્રેરણાદાયી વીડિયો સામે આવ્યો છે જેમાં એક છોકરી ફૂટપાથ પર સ્ટ્રીટ લાઇટ નીચે અભ્યાસ કરતી જોવા મળે છે. ઈન્ટરનેટ પર વાઈરલ થયેલો આ વીડિયો સ્ટ્યૂટ્સ ઝોન 987 નામના ઈન્સ્ટાગ્રામ પેજ પર શેર કરવામાં આવ્યો છે. ચાલતી કારમાં શૂટ કરવામાં આવેલો આ વીડિયો ઘણો લોકપ્રિય બન્યો છે. ઘણા લોકો આ વીડિયો પર પોતાના અલગ અલગ પ્રતિભાવ આપી રહ્યા છે.
View this post on Instagram
વીડિયોમાં એક સ્કૂલની છોકરી તેના સ્કૂલ ડ્રેસમાં સ્ટ્રીટ લાઈટની નીચે પોતાની નોટબુકમાં કંઈક લખતી જોવા મળે છે. રસ્તાની બાજુમાં ફૂટપાથ પર બેઠેલી છોકરી કોઈ પણ ખલેલ વિના અભ્યાસમાં મગ્ન જોવા મળે છે. તેને ખબર પણ ન પડી કે સામેથી કોઈએ તેનો વીડિયો કેમેરામાં રેકોર્ડ કર્યો છે. તેના અતૂટ ધ્યાન અને અભ્યાસ પ્રત્યેના સમર્પણે ઇન્ટરનેટ પર ઘણા લોકોને પ્રેરણા આપી.
